मलाकी 1:2 - Sunuwar Bible

² परमप्रभु यावेमी “गो इन कली दाक्‍ताक्‍ङ। गेपुकीमी चहिं ‘दोपा आंइ कली दाक्‍तीनी ङा? मार, एसाव याकूब आ लोक्‍ब ममाइ ङा?’ देंनीनी। मिनु परमप्रभु यावेमी गो याकूब कली शुश दाक्‍ताक्‍ङ। उत्‍पत्ती २५:२३; रोमी ९:१३

मलाकी 1:2 ပူးပေါင်းရင်းမြစ်များ

उत्पत्ती 25:23

मिनु परमप्रभु यावेमी मेको कली “इ कोव़जम जात निक्‍शी ङा मुर बाक्‍नीसी। मेको जात निक्‍शी फ्राचा पुंइसीनीस। का अर्को क्‍येङा बोल्‍यो बाक्‍ब। ङोंइती जरमेशो चहिं कान्‍छा आ गेय पाइब दुम्‍ब” दे शेंदा बाक्‍त। उत्‍पत्ती २७:२९; मलाकी १:२; रोमी ९:१०-१२

उत्पत्ती 25:25

मिनु ङोंइती ङा आ रांम वा फेक्‍शो खोदेंशो पा लल चां पाइश्‍शो वोंइश आल का थिमाक्‍त। मिनु मेको कली एसाव नें वोदा बाक्‍त।

उत्पत्ती 25:26

मिनु नोले आ लोक्‍बमी आ लोक्‍ब आ गेंग्रे ग्‍याइश्‍शा ग्रूमाक्‍त। मोपतीके आ नें याकूब वोदा बाक्‍त। रेबेका आल थिची ना इसहाक ६० बर्स दुम्‍शो बाक्‍माक्‍त। होसे १२:४

उत्पत्ती 27:33

मिनु इसहाक शुश ख्रिंख्रि पा “सुमी आं कली सिखार चाक्‍गा? इ जाक्‍चा क्‍येङा ङोंइती गो जाता। मिनु आसीक गेता। आं आसीक लीब” देंमाक्‍त।

उत्पत्ती 48:4

मेकोमी आं कली ‘नेनीन, गो इन कली सोशा बोशा, शुश सेल्‍नुङ। गो इ रे शुश थर ङा मुर सेल्‍नुङ। इ कली नु इ चच युइ आन कली मेको रागी गेना हना यो इन केन बाक्‍ब, दे गेनुङ’ देंत। उत्‍पत्ती ३५:११-१२

१ राजा 10:9

मिनु परमप्रभु यावे, इन परमप्रभु ठेयब बाक्‍ब। मेकोमी इन कली दाक्‍शा इस्राएल कली सासन पचा कली पिप सेल्‍तु। परमप्रभु यावेमी इस्राएली आन कली गेना हना यो दाक्‍ताक्‍व। मोपतीके मेकोमी इन कली ठीक निसाफ पचा नु ठीक पचा कली मेको आन पिप सेल्‍शो बाक्‍त” देंमाक्‍त। १राजा ५:२१

२ राजा 3:8

मिनु येहो-शाफातमी “गो ते रे लडाइ तोय?” दे हिल्‍लो पवा बाक्‍त। मिनु येहोराममी “एदोम ङा गोरशो रागी रे” देंमाक्‍त।

यसैया 43:4

मारदे हना गे आं योव़शो मुर बाक्‍नीनी। गे मान ताइब दुम्‍नीनी। गो इन कली दाक्‍नुङ। मोपतीके गो इन पा ङा अरु मुर आन कली गेनुङ। इन बेक्‍चा आ पा ङा रागी रागी ङा मुर आन कली गेतामी।

यसैया 63:1

एदोम रे सु जाक्‍ना जाक्‍न बाक्‍बा? लल जिशो वा फेक्‍शा, बोज्रा रे जाक्‍ब सु बाक्‍मे? मेको दारशो वा फेक्‍‍शा, ठेयब सक्तिमी गाक्‍ब सु बाक्‍म। “गो ठीक पतीके लोव़ पाइनुङ। गो पाप रे प्रोंइतीक सक्ति पाइश्‍शो नङ” देंत। यसैया ३४:६

येरमीया 2:31

मिनु गे, मुल ङा पाला ङा मुरपुकी, परमप्रभु यावे आ लोव़ मिम्‍तीन। मार, गो इस्राएली आन कली मुर मबाक्‍शो रागी नु थम छिङछिङ ङा रागी दुम्‍ङा ङा? मारदे आं मुरपुकीम ‘गो आंइ कली हिरचा कली सुइम तेक्‍ने मचाप्‍ब। गो इन ङोंइती गेनायो लेंशा मजाक्‍नीकी’ देंमा?

येरमीया 2:5

परमप्रभु यावेमी मार देंत देंशा हना “इन किकी पिपीम आं कली मार, दोस गेयीमी? मारदे आं कली प्रोंइशा, ङोन लमा? मेकोपुकी शोर गाक्‍शो मूर्ति आन नोले खोइक्‍तेक्‍म। मिनु मेको यो शोर गाक्‍शो दुम्‍तेक्‍म। मीका ६:३

येरमीया 31:3

परमप्रभु यावे ङोन आ बाक्‍तीके रे जाक्‍ब। मिनु मेकोमी ‘गो इ कली गेना हना यो लीब दाक्‍तीकेम दाक्‍ताक्‍‍न। मोपतीके गो इ कली दाक्‍चा मप्रोंइनु‍ङ।

आमोस 1:11

मिनु परमप्रभु यावेम “गो एदोम आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शिशी मपथु, आ लोक्‍ब आन कली तरवार शेशा, खेदा पाप्‍तु। मेको आ गाइश्‍शो गेना हना यो लीशा, ईख कुरशा बाक्‍त। ओबदिया १०:-; ब्‍यवस्‍था २३:८; येरमीया ४९:७

मलाकी 2:17

गे इन लोव़मी परमप्रभु यावे कली ब्रीपाइक्‍तीनी। मोपा यो गेपुकीमी “गोपुकीमी मार लोव़मी इन कली ब्रीपाइक्‍का?” देंतीनी। गेपुकीमी “दूली लोव़ पा मरिम्‍शो गेय पाइब नेल्‍ल परमप्रभु यावे आ ङोंइती ठीक बाक्‍नीम। मिनु मेको, मेको आन कली तशा ग्‍येरसीशो बाक्‍ब” दे “निसाफ पाइब परमप्रभु ते बाक्‍बा ङा?” दे यो देंनीनी। मलाकी ३:१३-१४

लूका 10:29

मिनु आंम कली ठीक सेल्‍शा, मेकोमी “आं नेक्‍था ङा मुर सु बाक्‍नीमी, गो मतुइक्‍नुङ” देंमाक्‍त।

यूहन्‍ना 15:12

गो इन कली दाक्‍शो खोदेंशो पा गेपुकी यो दाक्‍मुने, दे आं अरेशो बाक्‍ब। यूहन्‍ना १३:३४

ब्‍यवस्‍था 10:15

मो हना यो परमप्रभु यावेमी इन किकी पिपी आन कली तशा, दाक्‍ताक्‍व। मिनु मेको आन चच युइ, इन कली जात जात ङा मुर नेल्‍ल आन दाते रे योव़तु। मोदेंशो पा मुलाक्‍ती बाक्‍ब, दे तुइक्‍नीनी। ब्‍यवस्‍था ७६

ब्‍यवस्‍था 23:5

मो हना यो परमप्रभु यावे, इन परमप्रभुमी बालाम आ लोव़ मनेन। मेकोमी मेको सराप के आसीक सेल्‍तु। मारदे हना परमप्रभु यावे, इन परमप्रभुमी इन कली दाक्‍ताक्‍व।

ब्‍यवस्‍था 33:3

थमा पा, मुर आन दातेमी आ मुर शुश दाक्‍शो मुर बाक्‍नीम। गे इन मुर नेल्‍ल आन कली कोव़ब बाक्‍तीनी। मेकोपुकी इन खोइल आ नेक्‍था गाक्‍शो बाक्‍तेक्‍म। इन देंशो नेल्‍ल पाम्‍तेक्‍म।

ब्‍यवस्‍था 4:37

मिनु इन किकी पिपी आन कली दाक्‍तीके, आन चच युइ आन कली योव़शा, मेकोमी आंमान आ ठेयब सक्तिमी इन कली इजीप्‍त रे ग्रुंइताक्‍व। प्रस्‍थान ३३:१४