मलाकी 1:14 - Sunuwar Bible

¹⁴ “सु सुमी आंम बस्‍तु आन बगाल रे पा ‘रिम्‍शो बस्‍तु चढ़ेनुङ’ देंनीमी, तन्‍न नोले मरिम्‍शो चढ़ेनीमी, मेको जोल पाइब सराप राइनीम। मारदे हना गो ठेयब पिप नङ। आं नें रागी रागी नेल्‍ल ङा मुर आन दातेमी हिंचा ङा बाक्‍ब” दे मुर नेल्‍ल आन परमप्रभु यावेमी देंत। लेवी २२:१९

मलाकी 1:14 ပူးပေါင်းရင်းမြစ်များ

उत्पत्ती 27:12

मिनु आं आफोम आं कली थिशा, तुइक्‍ब। मिनु गो जोल पाइब दुम्‍शा, आसीक मतथु, सराप राइनुङ” देंमाक्‍त।

२ सामुएल 24:24

तन्‍न पिपमी अरौनाह कली “ममाइ, गो मेको ग्‍याप्‍नुङ। गो क्‍येट मथाप्‍शो थोव़क परमप्रभु यावे, आं परमप्रभु कली मचढ़ेनुङ” देंमाक्‍त। मोपतीके दाऊदम मेको खला नु ब्‍यफ ङा ५० शेकेल चांदी थाप्‍शा ग्‍यबा बाक्‍त। शेकेल का ११.५ ग्राम बाक्‍ब।

भजन संग्रह 102:16

मारदे हना परमप्रभु यावेमी सियोन कली लेंशा सेल्‍ब। मिनु आ छेङछेङमी ग्रूब।

भजन संग्रह 47:2

मारदे हना परमप्रभु यावे, नेल्‍ल क्‍येङा ठेयब नु हिंचा ङा बाक्‍ब। मेको रागी नेल्‍ल ङा ठेयब पिप बाक्‍ब।

भजन संग्रह 47:3

मेकोमी रागी आन कली आंइ के सेल्‍शा, शुश मुर आन कली आंइ कली हुकुम पचा गेप्‍तु।

भजन संग्रह 47:8

परमप्रभुमी रागी रागी नेल्‍ल आन कली सासन पाइब। मिनु परमप्रभु आंम आ ठेयब नित्‍तीकेमी निप्‍ब।

भजन संग्रह 48:2

आ डांडा दारशो नु लाइश्‍शो बाक्‍ब। मुर नेल्‍ले मेको तशा ग्‍येरसीनीम। सियोन डांडा उत्तर गे बाक्‍ब। मेको ठेयब पिप आ बाक्‍तीक सहर बाक्‍ब। बिलाप २:१५; मत्ती ५:३५

भजन संग्रह 68:35

परमप्रभु, इन बाक्‍तीकेमी हिंचा ङा बाक्‍नीनी। इस्राएली आन परमप्रभुम आ मुर आन कली सक्ति नु बोल गेब। परमप्रभु ठेयब बाक्‍ब।

भजन संग्रह 76:12

मेकोमी सासन पाइब आन ठेयब लेत्‍तीके फस पोक्‍ब। मेको रागी ङा पिप आन कली हिंपाइक्‍ब बाक्‍ब।

भजन संग्रह 95:3

मारदे हना परमप्रभु यावे ठेयब परमप्रभु बाक्‍ब। देवी देवता नेल्‍ल आन ठेयब पिप बाक्‍ब। प्रस्‍थान १५:११

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

येरमीया 10:10

तन्‍न परमप्रभु यावे थमा ङा परमप्रभु बाक्‍ब। मेको ब्रोंइशा बाक्‍ब परमप्रभु नु गेना हना यो लीब पिप बाक्‍ब। मेको गाइक्‍तानु, रागीम ख्रिनु कुइब। मिनु रागी रागी ङा मुरपुकीम मेको आ गाइश्‍शो फाल्‍ने मचाप्‍नीम। येरमीया ५:२

येरमीया 46:18

परमप्रभु, पिपमी “आं ब्रोंइशा बाक्‍शो खोदेंशो पा” देंत। मेको पिप आ नें मुर नेल्‍ल आन परमप्रभु यावे बाक्‍ब। पहाड आन दाते ङा ताबोर पहाड खोदेंशो पा का जाक्‍ब। मेको समुन्‍द्र आ नेक्‍था ङा कारमेल खोदेंशो पा जाक्‍ब।

येरमीया 48:10

सु सुमी परमप्रभु यावे आ गेय देश पा पाइनीमी, मेको सराप राइनीम। आंम तरवार कली हुश ख्राक्‍श पोक्‍तीके रे तेक्‍ब सराप राइ‍नीमी।

येरमीया 48:15

मोआब नु आ सहर आन कली खतम पोक्‍ब जाक्‍त। मेको आ नेल्‍ल क्‍येङा रिम्‍शो ठिटा मुर नेल्‍ल साइक्‍चा पुंइसीचा कली लाम्‍तेक्‍‍म” दे पिपम देंत। मेको आ नें मुर नेल्‍ल आन परमप्रभु यावे बाक्‍ब।

दानीएल 4:37

मुल गो, नेबुकदनेसरमी ‘स्‍वर्ग ङा पिप ठेयब बाक्‍ब’ दे मान पाइनुङ। मारदे हना आ पशो नेल्‍ल थमा बाक्‍ब। आ पतीके नेल्‍ल ठीक बाक्‍नीम। मेकोमी ठेयब लेश्‍शो मुर आन कली ब्रेम्‍शो सेल्‍ने चाप्‍ब” दे पिपमी देंत। लूका १:५१; लूका १८:१४

दानीएल 9:4

मिनु गो परमप्रभु यावे, आं परमप्रभु कली लोव़ पा, गो मार मार मरिम्‍शो पङा, मेको नेल्‍ल शोव़शा “परमप्रभु, गे ठेयब नु हिंचा ङा परमप्रभु बाक्‍नीनी। गे इन कली दाक्‍ब नु इन शेंशो लोव़ टीब आन कली गेना हना यो दाक्‍नीनी। मिनु इन कबल मप्रोंइनीनी। येरमीया १४:७; ब्‍यवस्‍था ७:९; नेहेम्‍याह १:५

सेफन्‍याह 2:11

परमप्रभु यावेमी मेको आन कली थम मरिम्‍शो पाइब। रागी ङा देवी देवता नेल्‍ल आन कली खतम पोक्‍ब। नेल्‍ल आन बाक्‍तीकेमी बाक्‍शा, मेको आ ङोंइती बाप्‍चा माल्‍नीम। रागी रागी समुन्‍द्र आ सुंगी नु टापु ङा मुर नेल्‍ल परमप्रभु यावे आ ङोंइती बाप्‍नीम’ देंत।

जकरिया 14:9

परमप्रभु यावे रागी नेल्‍ल ङा पिप दुम्‍ब। मेको नाक्‍त परमप्रभु यावे का ला बाक्‍ब। आ नें यो का ला बाक्‍ब। भजन संग्रह ९७:१; प्रकाश ११:१५

मलाकी 1:11

“नां दाप्‍तीक रे नां पेरतीक सम्‍म रागी रागी ङा मुर आन दातेमी आं नें ठेयब बाक्‍ब। रागी नेल्‍ल ङा मुरपुकीमी आं कली धूप चोशा, रिम्‍शो थोव़क चढ़ेनीम। मारदे हना रागी रागी ङा मुर आन दातेमी आं नें ठेयब बाक्‍ब” दे मुर नेल्‍ल आन परमप्रभु यावेमी देंत। यसैया ६०:१-७

मलाकी 1:8

गेपुकीमी मिक्‍च मताइब बस्‍तु चढ़ेथ चाक्‍नीनी। मिनु मेको दूली मबाक्‍ब देंनीनी। खोइल मदुक्‍ब नु रोइ पशो बस्‍तु चढ़ेचा दूली मबाक्‍ब देंनीनी। मिनु इन रागी ङा ठेयब मुर कली मोदेंशो गेनीनु, मार, मेको ग्‍येरशा ताक्‍शा, इन कली दाक्‍बा ङा?” दे मुर नेल्‍ल आन परमप्रभु यावेमी देंत। लेवी २२:२०,२३

मलाकी 2:1

मिनु मुर नेल्‍ल आन परमप्रभु यावेमी “गे चढ़ेबपुकी, एको शेंशो लोव़ इन कली बाक्‍ब।

मलाकी 3:9

गे सराप रशो दुम्‍तीनी। मारदे हना गे आं मार मार खुइ पाइब बाक्‍नीनी। गे इस्राएल नु मुर नेल्‍लेमी आं कली रोइक्‍ताक्‍यीनी। हाग्‍गै १:५-६

मत्ती 24:51

मिनु मेको कली तुप्‍शा, फस सेल्‍शा कपटीपुकी नु काथा वोइक्‍ब। मेकेर मुरपुकी आन ख्रुइ शेप्‍शा ङाक्‍नीम।

मत्ती 5:35

रागी आ नेंमी यो कसम मजने। मारदे हना रागी परमप्रभु यावे आ खोइल थेक्‍तीक बाक्‍ब। यरूसलेम सहर आ नेंमी यो कसम मजने। मारदे हना यरूसलेम नेल्‍ल क्‍येङा ठेयब पिप आ सहर बाक्‍ब। भजन संग्रह ४८:३

मर्कूस 14:8

आ चाप्‍शो पाप्‍तु। बेक्‍चा क्‍येङा ङोंइती आं रां थिम्‍चा कली तेल ख्रेक्‍ताक्‍व।

लूका 12:46

आ ममिम्‍शो मतुइश्‍शो नाक्‍त आ होव़प लेश्‍शा जाक्‍ब। मिनु मेकोमी मेको गेय पाइब कली सजाइ गेशा, मरिम्‍शो गेय पाइबपुकी नु काथा वोइक्‍ब।

२ कोरिन्‍थी 8:12

आंम के बाक्‍शो ला गेने जाप्‍ब, आंम के मबाक्‍शो गेने मजाप्‍ब। इन चाप्‍चा ङा पा गेने। हितोपदेस ३:२७-२८; मर्कूस १२:४३

ब्‍यवस्‍था 28:58

मिनु गेपुकीमी एको किताबमी ब्रेक्‍शो अरेशो लोव़ नेल्‍ले टिशा मपाइतीनी हना, मेको ठेयब नु हिंचा ङा परमप्रभु यावे, इन परमप्रभु आ नें कली मान पा महिंतीनी हना,

१ तिमोथी 6:15

येसु ख्रीस्‍त जाक्‍मेनु, नेल्‍ल आसीक तशा, नेल्‍ल सक्ति पाइश्‍शो पिप आन पिप नु प्रभु आन प्रभु दुम्‍शा जाक्‍त। ब्‍यवस्‍था १०:१७; प्रकाश १७:१४

हिब्रू 12:29

इं परमप्रभु यावे नेल्‍ल खतम सेल्‍ब मी खोदेंशो बाक्‍ब। हिब्रू १०:३१; ब्‍यवस्‍था ४:२४

प्रकाश 15:4

नेल्‍लेमी इन कली मान पा हिंशा इन नें ठेयब सेल्‍नीमी। मारदे हना गे ला परमप्रभु बाक्‍नीनी। रागी रागी ङा मुर नेल्‍ले इन ङोंइती जाक्‍शा, पोक्‍च थेक्‍शा, खुम्‍की पा बाप्‍नीमी। मारदे हना इन निसाफ पतीके नेल्‍लेमी ताम्‍तेक्‍म” देंशो कुम्‍सो आ लोव़ बाक्‍त। भजन संग्रह ८६:९; येरमीया १६:१९-२१

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।