मलाकी 1:13 - Sunuwar Bible

¹³ मिनु गेपुकीमी ‘एको गिश श्‍येत बाक्‍बा’ दे आं कली चढ़ेतीक आ पर्बम इन नें क्रुप्‍नीनी। गेपुकीमी रोइश्‍शो बस्‍तु चाक्‍नीनी। खोइल मदुक्‍ब नु रोइ पशो बस्‍तु चढ़ेथ चाक्‍नीनी। मार, गो इन चढ़ेशो ग्‍येरशा ताक्‍चा माल्‍नुङा ङा?” दे परमप्रभु यावेमी देंत।

मलाकी 1:13 ပူးပေါင်းရင်းမြစ်များ

२ सामुएल 24:24

तन्‍न पिपमी अरौनाह कली “ममाइ, गो मेको ग्‍याप्‍नुङ। गो क्‍येट मथाप्‍शो थोव़क परमप्रभु यावे, आं परमप्रभु कली मचढ़ेनुङ” देंमाक्‍त। मोपतीके दाऊदम मेको खला नु ब्‍यफ ङा ५० शेकेल चांदी थाप्‍शा ग्‍यबा बाक्‍त। शेकेल का ११.५ ग्राम बाक्‍ब।

यसैया 1:12

गे आं ङोंइती जाक्‍शा, मोदेंशो चढ़ेचा, दे सुम देंम? आं लाङगा मथेक्‍तीन।

यसैया 57:6

बेंसी ङा खोला ङा रिम्‍शो फुल्‍लु इन कली वारच पाइब बाक्‍नीम। मेको आन कली तूचा थोव़क चढ़ेतीनी। मिनु अन्‍न यो चढ़ेतीनी। मार, गो मेको कोव़शा इन पर्बम सिक्‍सी पा बाक्‍नुङा ङा?

यसैया 61:8

गो, परमप्रभु यावेमी, ठीक पतीके दाक्‍नुङ। रोइक्‍तीक नु हेंथे पतीक गेय काइ मदाक्‍नुङ। गो मेको आन कली थमा पा आन पशो खोदेंशो पा गेनुङमी। गो मेकोपुकी नु गेना हना यो लीब कबल पाइनुङ। यसैया ५४:१०; यसैया ५५:३

इजीकीएल 4:14

मिनु गो “परमप्रभु, परमप्रभु यावे, गो आल रेन मोदेंशो ग्रांग्रा दिशो मदुम्‍शो नङ। गो गेनायो आंमा बेक्‍शो नु ब्‍वाकी ङा जन्‍तुम साइश्‍शो श्‍ये मब्‍वङ। ग्रांग्रा दिशो गेनायो मजङ” देंती। प्रस्‍थान २२:३०; प्रेरित १०:१४

इजीकीएल 44:31

चढ़ेबपुकीम आंमा बेक्‍शो चिक्‍ब नु बी ब्‍यफ, क्‍यारश भेडा कि जन्‍तुपुकीम साइश्‍शो, मारेइ ब्‍वचा मदुम्‍नीम” दे परमप्रभु यावेमी देंत। लेवी २२:८

होसे 13:9

इस्राएलीपुकी, गो इन कली खतम सेल्‍नुङ। इन कली सुम वारच पाइबा? येरमीया २:१७

लेवी 22:8

मिनु बेक्‍शो, ब्‍वाकी ङा जन्‍तुपुकीम क्राइश्‍शा साइश्‍शो जन्‍तु, बस्‍तु भाव कली ब्‍वचा मदुम्‍ब। मोदेंशो पाप्‍तु हना, मेको मुर ग्रांग्रा दिशो सेल्‍सीब। गो परमप्रभु यावे नङ। लेवी ७:२४

लेवी 6:4

मेको मोपा पाप पा दोस ताइब दुम्‍ब। मिनु मेकोमी आ रोइश्‍शो, आ खुइ पशो, आ ताक्‍शो थोव़क मलेत्‍ताक्‍व हना, आ थिश्‍शो आ पर्बम जोल पाप्‍तु हना, इजीकीएल ३३:१५

आमोस 8:5

गेपुकीमी ‘औंसी गेना लाक्‍बा ङा? गो अन्‍न लेयचा ताइनीकी। नाइक्‍तीक नाक्‍त गेना लाक्‍बा ङा? गो चेरब लेयचा ताइनीकी। गो एफाह आइक्‍च सेल्‍शा, शेकेल कली हेल्‍शो सेल्‍शा नु दूली पा नाक्‍शा, शुश क्‍येट चेम्‍नीकी’ देंनीनी। एफाह का २२ लिटर लाइब पुक्‍तीक बाक्‍ब। शेकेल का ११.५ ग्राम ङा क्‍येट बाक्‍ब। नेहेम्‍याह १३:१५

मीका 6:3

आं मुरपुकी गो इन कली मार पङा? गो इन कली मार श्‍येत गेङा? आं कली देनीन। येरमीया २:५

मलाकी 1:10

मिनु लेंशा “गेपुकीमी आं चढ़ेतीकेमी मो मी मुइक्‍चा क्‍येङा का लशा लाप्‍चो चोक्‍नी हना, रिम्‍शो दुम वा। गो इन कली तशा मग्‍येरसीशो बाक्‍नुङ। मिनु इन चढ़ेशो यो मताक्‍नुङ” दे मुर नेल्‍ल आन परमप्रभु यावेमी देंत। मलाकी २:१३; यसैया १:१३

मलाकी 2:12

परमप्रभु यावेमी मोदेंशो पाइब मुर आन कली याकूब आ मुर आन बाक्‍तीक ताम्‍बु रे तिल्‍ब। मिनु मेकोपुकीम मुर नेल्‍ल आन परमप्रभु यावे कली गेनायो चढ़ेचा मताइनीम।

मलाकी 2:13

गेपुकीमी अर्को मार पाइनीनी देंशा हना, परमप्रभु यावे आ चढ़ेतीके आ नेक्‍था ङाक्‍शा, रोंका पा इन प्रेक्‍कुमी जित्‍नीनी। मारदे हना इन चढ़ेशो ग्‍येरशा मब्राइब। मलाकी १:१०

मत्ती 6:16

बर्त बाक्‍नीनु, राव कीशो कुल मसेलीने। कपटीपुकीमी आंइ बर्त बाक्‍शो तांइसेक्‍ल, दे आन कुल राव कीपा कोंइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब। यसैया ५८:५-६

मत्ती 6:5

परमप्रभु यावे कली प्रार्थना पनीनु, कपटीपुकीमी पशो खोदेंशो पा मपने। मेकोपुकीमी ग्रुम्‍तीक खिंमी, लांमी मुर आन कुल राप्‍शा कोव़पांइसीशा, प्रार्थना पाइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब।

ब्‍यवस्‍था 15:21

तन्‍न मेको ब्‍यफ, सांड कली मारेइ दुम्‍शो बाक्‍त हना, कोङटे बोङटे बाक्‍त हना, नु मिक्‍च मताइब मारेइ दुम्‍शो बाक्‍त हना, गेपुकीमी मेको कली परमप्रभु यावे, इन परमप्रभु कली चढ़ेचा मदुम्‍ब। लेवी २२:२०

१ सामुएल 2:29

मारदे गे आं देंशो चढ़ेशो नु जचा थोव़क चढ़ेशो नेल्‍ल आइक्‍च मिम्‍ती? मिनु आं क्‍येङा गे इ तौ आस कली ठेयब सेल्‍नेवे। आं मुर, इस्राएली आन चढ़ेशो रे गे नेल्‍ल क्‍येङा रिम्‍शो मारदे आंम कली वोंइसीशा, इ तौ आस कली ठेयब सेल्‍नेवे?” देंमाक्‍त।