लूका 9:34 - Sunuwar Bible

³⁴ मिनु पत्रुसमी लोव़ पवानु, सरीङ रे गोस्‍स यिशा, मेको आन कली सुम्‍मी बाक्‍त। मेको गोस्‍सुम गिल्‍मीनु, हिंमा बाक्‍त।

लूका 9:34 ပူးပေါင်းရင်းမြစ်များ

यसैया 19:1

मिनु परमप्रभु यावेम इजीप्‍त आ पर्बम यसैया कली “कोव़ङीन, परमप्रभु यावे रीब पा बेरब गोस्‍सुम इजीप्‍त रागी जाक्‍ब। मेकेर ङा मूर्तिपुकी हिंशा ख्रिंख्रि पाइनीम। इजीप्‍त ङा मुर आन थुं लुक्‍च लाइब।

दानीएल 10:8

मिनु मेको ठेयब कोंइतीक तचा कली गो का ला बाक्‍ती। मिनु मारेइ पने मचाप्‍ब दुम्‍ती। मिनु आं कुल बेक्‍चा चिक्‍शो मुर के खोदेंशो दुम्‍शा, मारेइ बोल मपाइश्‍शो दुम्‍ती।

लूका 9:33

मिनु मोसा नु एलीया गाक्‍चाम्‍सेनु, पत्रुसमी येसु कली “शेंब, इं कली एकेर बाक्‍चा रिम्‍शो दुम्‍ब। बाक्‍तीके सां सेल्‍नीकी। का इन कली, का मोसा कली, का एलीया कली” देंमाक्‍त। मोपा ब्‍वाक्‍शो आंमान मतुइक्‍ता बाक्‍त।

लूका 9:35

मिनु गोस्‍स आगा रे सेंदा का “एको आं योव़शो तौ बाक्‍ब। मेको आ लोव़ नेनीन” देंशो नेन्‍मे बाक्‍त। लूका ३:२२; भजन संग्रह २:७; ब्‍यवस्‍था १८:१५

प्रकाश 1:17

मिनु गोमी मेको मोदेंशो तङानु, बेक्‍शो मुर खोदेंब पा मेको आ खोइलीम गोल्‍ती। मिनु मेकोमी चहिं आ ग्‍युरा गुइ आं तारी वोइश्‍शा “महिनो, गो नेल्‍ल क्‍येङा ङोंइती नु नेल्‍ल क्‍येङा नोले ङा नङ। दानीएल ८:१८

न्‍यायाधीस 13:22

मिनु मेकोमी आ मीश कली “गो थमा पा बेक्‍नस। मारदे हना गो परमप्रभु कली ताइतस” देंमाक्‍त। प्रस्‍थान ३३:२०

न्‍यायाधीस 6:22

मिनु गिदोनमी “थमा पा परमप्रभु यावे आ स्‍वर्ग ङा गेय पाइब बाक्‍माक्‍त” दे तुइक्‍ता बाक्‍त। मिनु “परमप्रभु, परमप्रभु यावे, आं कली वारच पाइय्‍यीनी। मुलाक्‍त परमप्रभु यावे आ स्‍वर्ग ङा गेय पाइब कली आं नेक्‍थान ताता” देंमाक्‍त। न्‍यायाधीस १३:२२; प्रस्‍थान ३३:२०