लूका 9:28 - Sunuwar Bible

²⁸ मेको लोव़ पशो हप्‍ता का नोले, येसुमी पत्रुस, यूहन्‍ना नु याकूब सां आन कली प्रार्थना पथ डांडाम लाइक्‍मी बाक्‍त।

लूका 9:28 ပူးပေါင်းရင်းမြစ်များ

भजन संग्रह 109:4

मेकोपुकीमी आं दाक्‍शो आ पा ङा, आं कली दोस गेनीम। मो हना यो गो मेको आन पर्बम पुंइनुङ।

मत्ती 14:23

मिनु मुर आन कली सोइश्‍शा, प्रार्थना पथ डांडाम ङोंइ‍से बाक्‍त। नां रिक्‍मेनु यो मेकेरन आ कांइचीक बाक्‍माक्‍त। लूका ६:१२; लूका ९:१८

मत्ती 5:1

मिनु येसुमी शुश मुर आ नोले खोइश्‍शो तशा, डांडा ङोइश्‍शा निस्‍से बाक्‍त। मिनु मेकेर आ शेंसीबपुकी यो जाक्‍मा बाक्‍त।

मर्कूस 1:35

आ दीसा सुनी नां मसोव़थु, येसु बोक्‍शा मेकेर रे गाक्‍शा, सुइ मबाक्‍तीकेमी जाक्‍दीश्‍शा, प्रार्थना पवा बाक्‍त। मत्ती १४:२३; मत्ती २६:३६; लूका ५:१६; लूका ११:१

मर्कूस 6:46

मिनु नोले प्रार्थना पथ डांडा ङोंइ‍से बाक्‍त।

लूका 3:21

मिनु यूहन्‍ना चोक्‍सीचा क्‍येङा ङोंइती शुश मुर आन कली ब्‍वाक्‍कुम ख्रुम्‍शा ग्रुंइदा बाक्‍त। काबु येसु यो जाक्‍शा, ब्‍वाक्‍कुम ख्रुम्‍शा ग्रुंइचा पुंइसे बाक्‍त। मिनु ब्‍वाक्‍कु रे ग्रूशा, प्रार्थना पना पन बाक्‍मेनु, सरीङ रोक्‍से बाक्‍त।

लूका 5:16

तन्‍न येसु मेकोपुकी नु ब्राशा, सुइ मबाक्‍तीकेम लशा, परमप्रभु यावे कली प्रार्थना पवा बाक्‍त। मर्कूस १:३५

लूका 6:12

काबु येसु डांडा का ङोइश्‍शा, नाक्‍दो रे परमप्रभु यावे कली प्रार्थना पवा बाक्‍त। मर्कूस १:३५

लूका 8:51

मिनु खिंमी जाक्‍दीश्‍शा, येसुमी पत्रुस, याकूब, यूहन्‍ना नु आल आ आम आफ आन कली ला लाइश्‍शा आगा ओव़मा बाक्‍त। मत्ती १७:१

लूका 9:18

मिनु काबु आ शेंसीबपुकी नु बाक्‍शा प्रार्थना पा, येसुमी “मुरपुकीमी आं पर्बम मार देंनीमी?” दे हिल्‍लो पवा बाक्‍त।

यूहन्‍ना 6:3

मिनु येसु आ शेंसीबपुकी नु आइक्‍था डांडा गे ङोइश्‍शा, तशो बाक्‍तेक्‍म।

२ कोरिन्‍थी 13:1

मुल गो इन कली ग्रुम्‍थ पिङानु, सां खेयप दुम्‍नुङ। निसाफ पामेनु, सांकछी निक्‍शी सां वोइश्‍शा, मेको आन लोव़मी दोस ग्रुंइशा, सजाइ गेचा माल्‍ब। ब्‍यवस्‍था १९:१५; मत्ती १८:१६

हिब्रू 5:7

येसु मुर दुम्‍शा, रागीम बाक्‍मेनु, प्रेक्‍कु तोक्‍शा गोंगों पा ङाक्‍शा आ कली बेक्‍शो रे सेंब कली पुना बाक्‍त। परमप्रभु यावे कली मान पा हिंशा, मुर आन पर्बम पुना बाक्‍त। मिनु आ पुंइशो तवा बाक्‍त। मत्ती २६:३९-४६

२ पत्रुस 1:16

गोपुकीमी इन कली इं प्रभु येसु ख्रीस्‍त आ सक्ति नु आ रागीम जाक्‍शो आ पर्बम मुर आन सेल्‍शो कथा मशेंदक। तन्‍न गोपुकीमी “येसु ख्रीस्‍त नेल्‍ल क्‍येङा ठेयब बाक्‍ब” दे आंम आंइ मिक्‍चीम ताइतक।