लूका 8:44 - Sunuwar Bible

⁴⁴ मिनु मेकोमी येसु आ नोले जाक्‍शा, येसु आ फेक्‍शो वा थिवा बाक्‍त। मिनु आ हुश याप्‍चा दिक्‍माक्‍त।

लूका 8:44 ပူးပေါင်းရင်းမြစ်များ

प्रस्‍थान 15:26

मिनु मेकोमी “गे परमप्रभु यावे, इन परमप्रभु आं लोव़ नेंशा, आं ङोंइती ठीक पाइतीनी हना, आं शेंशो लोव़ नेंशा, टि‍शा, आं अरेशो लोव़ टीतीनी हना, गो इजीप्‍त रागी ङा मुर आन कली पपाइश्‍शो रोइ इन कली मपपाइक्‍नुङ। मारदे हना गो इन कली सापाइक्‍ब परमप्रभु यावे नङ” देंत। ब्‍यवस्‍था ७:१५; उत्‍पत्ती २०:१७; ब्‍यवस्‍था ३२:३९; भजन संग्रह ३०:३; यसैया ५७:१८

मलाकी 4:2

तन्‍न गे आं नें कली मान पाइब, इन ङोंइती आं ठीक पतीके नां खोदेंशो पा दाप्‍ब। इन रोइ यो सानीनी। गे गोठ रे पा ग्रूशो बाछा खोदेंशो पा प्रेक्‍ना प्रेक्‍न दोरनीनी। लूका १:७८

मत्ती 20:34

मिनु येसुमी मेको आस कली शिशी पा आस मिक्‍च थिवानु, मिक्‍च ताइब दुम्‍शा, येसु आ नोले खोइक्‍ताक्‍स।

मत्ती 8:3

मिनु येसुमी आ गुइ दिंशा, कोर पाइब कली थिशा “गो सापाइक्‍चा दाक्‍नुङ” देंमेनु, ब्रा सामाक्‍त।

मत्ती 9:20

मिनु मार दुम्‍त देंशा हना, लना लन बाक्‍मानु, १२ बर्स ङोंइती रे हुश याप्‍शा रोइ पशो मीश मुर कामी मेको आन नोले खोइश्‍शा, येसु आ फेक्‍शो वा थिवा बाक्‍त।

मर्कूस 6:56

येसु गाउं सहर ते ते लमे, मेक मेक रोइ पशो आन कली चाक्‍बाक्‍मा बाक्‍त। मिनु येसु कली “इन फेक्‍शो वा थिचा गेयीनी” दे पुंइबाक्‍मा बाक्‍त। मिनु सु सुमी आ फेक्‍शो वा थीमे, मेकोपुकी साबाक्‍मा बाक्‍त। मर्कूस ५:२७-२८; प्रेरित ५:१५; प्रेरित १९:११-१२

लूका 13:13

मोपा वोदानु, साशा राम्‍माक्‍त। मिनु ग्‍येरशा परमप्रभु यावे कली ठेयब सेला बाक्‍त।

लूका 7:38

मेको येसु आ खोइलीम बाक्‍शा ङाक्‍माक्‍त। मिनु आ प्रेक्‍कुम येसु आ खोइल जिप्‍‍पाइश्‍शा, आ चांमी फिक्‍गा बाक्‍त। मिनु आ खोइल पुक्‍पु पा मेको तेल ख्रेक्‍ता बाक्‍त।

लूका 8:43

मेको हुलमी १२ बर्स रे हुश याप्‍शा रोइ पशो मीश मुर का बाक्‍माक्‍त। मेकोमी ओख्‍ती पा आ बाक्‍शो नेल्‍ल थुम्‍शो बाक्‍माक्‍त। तन्‍न सुइमी मेको कली आ रोइ सापाइक्‍ने मचाप्‍शो बाक्‍मा बाक्‍त।

लूका 8:45

मिनु येसुमी “सुमी थियी?” दे हिल्‍लो पवानु, नेल्‍लेमी “गो मथिङ, गो मथिङ” देंमा बाक्‍त। मिनु पत्रुसमी “शेंब, मुरपुकीमी हुल पा नेम्‍मुइनीम, चुमुइनीम। मिनु मार पचा?” देंमाक्‍त।

यूहन्‍ना 5:13

मिनु मेकोमी “मतुइक्‍नुङ” देंत। मारदे हना दोम्‍ली बाक्‍तीकेमी मुरपुकीमी पुम्‍दमेनु, येसु मेकेर रे गाक्‍ने थुम्‍शो बाक्‍त।

प्रेरित 19:12

मुरपुकीमी आन फेक्‍शो वा, रूमाल लाइश्‍शा, पावल कली थीबाक्‍मा बाक्‍त। मिनु लेश्‍शा चाक्‍शा रोइ पाइब आन कली थीपदमेनु, साबाक्‍मा बाक्‍त। वोलमी तशो आन वोल ग्रूशा प्रोक्‍बाक्‍मा बाक्‍त। प्रेरित ५:१५

प्रेरित 5:15

सोइश्‍शोपुकीमी शुश छक लाक्‍चा ङा गेय पशो तशा, मुरपुकीमी रोइ पाइब आन कली चाक्‍शा, लां पित्‍थ इप्‍पाइश्‍शा, वोइक्‍बाक्‍मा बाक्‍त। मारदे हना पत्रुस मेको लां गाक्‍मेनु, आ वांकुम योइश्‍शा साब, दे मिम्‍शा मो पाइबाक्‍मा बाक्‍त। प्रेरित १९:११-१२

ब्‍यवस्‍था 22:12

गे इन फेक्‍तीक वा आ कुनामी झुम्‍का क्‍युक्‍शा सेलीन। गन्‍ती १५:३८