लूका 8:43 - Sunuwar Bible

⁴³ मेको हुलमी १२ बर्स रे हुश याप्‍शा रोइ पशो मीश मुर का बाक्‍माक्‍त। मेकोमी ओख्‍ती पा आ बाक्‍शो नेल्‍ल थुम्‍शो बाक्‍माक्‍त। तन्‍न सुइमी मेको कली आ रोइ सापाइक्‍ने मचाप्‍शो बाक्‍मा बाक्‍त।

लूका 8:43 ပူးပေါင်းရင်းမြစ်များ

२ इतिहास 16:12

आसाम सासन पशो ३९ बर्स दुम्‍मेनु, आ खोइली राक्‍तीक रोइ पवा बाक्‍त। मिनु मेको रोइ शुश ठेयब दुम्‍माक्‍त। शुश रोइ पवा बाक्‍त हना यो परमप्रभु यावे आ वारच पशो कली ममाल्‍थु, ओख्‍ती ख्रेक्‍ब आन कली मला बाक्‍त।

अय्‍युब 13:4

गेपुकीम चहिं इन जोल लोव़ पा ठेयब सेल्‍सीनीनी। गे शोर गाक्‍शो लेम्‍ब बाक्‍नीनी।

भजन संग्रह 108:12

गे आंइ जोरी सत्रु आन कली फ्रुचा कली वारच पने। मारदे हना मुर आन वारच पशो शोर गाक्‍शो बाक्‍ब।

यसैया 2:22

मोपतीके नेंम सास मुइक्‍चा पुंइसीशो बेक्‍शा लाइब मुर रे ङोन लने। मेको मारेइ मनम।

मर्कूस 12:44

आ जशा ब्रोंइतीक क्‍येट नेल्‍ल गेप्‍तु। अरुमी चहिं आन गाप्‍शो रे गेम्‍तेक्‍म” देंमाक्‍त।

मर्कूस 9:18

वोलमी सुमानु, गोल्‍ब। आ शोव़ रे बोग्‍यो ग्रुंइब। आ ख्रुइ शेप्‍ब। मिनु आ रां मदुक्‍ब दुम्‍ब। इन शेंसीब आन कली ‘वोल ग्रुंइदीन’ दे पुंइता, तन्‍न वोल ग्रुंइने मचबेम” देंमाक्‍त।

लूका 13:11

मेकेर वोलम तशा, १८ बर्स कूंजी दुम्‍शो मीश का मुर बाक्‍माक्‍त। मेको गुर ब्‍वेशो बाक्‍माक्‍त। रिम्‍शो पा राप्‍ने मचाप्‍बाक्‍माक्‍त।

लूका 13:16

एको मीश मुर अब्राहाम आ तमी बाक्‍ब। सैतानमी एको कली १८ बर्स सम्‍म रोइम गुरपाइश्‍शा वोइश्‍शो बाक्‍त। मिनु एको कली नाइक्‍तीक नाक्‍ती मप्रोंइचा? मसापाइक्‍चा?” दे हुइक्‍ता बाक्‍त। लूका १९:९

लूका 8:27

मिनु जाक्‍दीश्‍शा, डोंगा रे तोंइसामानु, वोलम सुम्‍‍शो मुर का सहर रे पिशा, येसु आ ङोंइती जाक्‍माक्‍त। मेको मुर वोलम सुमा रे शिश्रा गाक्‍शा, खिंमी मबाक्‍थु, बेक्‍शो मुर वोइक्‍तीकेमी बाक्‍शो बाक्‍माक्‍त। मोपा बाक्‍शो शुश बर्स दुम्‍शो बाक्‍माक्‍त।

लूका 8:42

मेको के १२ बर्स जाक्‍दीश्‍शो तमी का ला बाक्‍माक्‍त। मिनु मेको रोइ पा बेक्‍चशो बाक्‍माक्‍त। मिनु येसु लमेनु, हुल ङा मुरपुकीमी येसु कली डी डा चूमे बाक्‍त।

लूका 8:44

मिनु मेकोमी येसु आ नोले जाक्‍शा, येसु आ फेक्‍शो वा थिवा बाक्‍त। मिनु आ हुश याप्‍चा दिक्‍माक्‍त।

यूहन्‍ना 9:1

मिनु येसु लना लन बाक्‍मेनु, जरमेशो रेन मिक्‍च मताइब मुर का ग्रुम्‍तु।

यूहन्‍ना 9:21

मुल दोपा मिक्‍च ताइब दुम्‍मे, गो मतुइक्‍नस्‍कु। सुम ताइब सेला, मेको यो मतुइक्‍नस्‍कु। आ कली हिल्‍लो पने। आल ममाइ, आंमान देंने चाप्‍ब” देंताक्‍स।

प्रेरित 3:2

मेकेर जरमेसे रेन खोइल मदुक्‍ब मुर का बाक्‍माक्‍त। मेको कली नाक्‍त किंत किंत कुरशा चाक्‍शा, खिं ओव़ब आन कली पुंइदीमील, दे “रिम्‍शो लाप्‍चो” नें पाइश्‍शो लाप्‍चो आ ङोंइती वोइक्‍बाक्‍मा बाक्‍त।

प्रेरित 4:22

साशो मुर चहिं ४० बर्स लाक्‍शो बाक्‍माक्‍त। मोपतीके मेको कली साशो तशा, नेल्‍ल छक लाक्‍मा बाक्‍त।