लूका 8:33 - Sunuwar Bible

³³ मिनु वोलपुकी मुर रे ग्रूशा, पोव़मी ओव़मानु, पोव़ नेल्‍ल गशा रोंगु रे दोरशा थिश्‍शा समुन्‍द्रम प्रेक्‍ना प्रेक्‍न बेक्‍मा बाक्‍त।

लूका 8:33 ပူးပေါင်းရင်းမြစ်များ

मत्ती 8:32

मिनु येसुमी “लने” दे सोइक्‍तीमी बाक्‍त। मिनु मुर रे ग्रूशा, पोव़मी ओव़दीम्‍मा बाक्‍त। मिनु पोव़ नेल्‍ल गशा, डांडा रे यिना यिन समुन्‍द्रम प्रेक्‍ना प्रेक्‍न ग्रुम्‍शा बेक्‍मा बाक्‍त।

लूका 5:1

मिनु काबु येसुमी गेनेसरेथ समुन्‍द्र आ नेक्‍था जाक्‍दीश्‍शा, मुर आन कली परमप्रभु यावे आ लोव़ शेंदीमी बाक्‍त। मुरपुकीमी येसु कली डी डा चूमे बाक्‍त।

लूका 8:32

मेको डांडामी शुश पोव़ जोना जोन बाक्‍शो बाक्‍मा बाक्‍त। मिनु वोलपुकीमी “मेको पोव़ आन रांम ओव़चा गेकी” दे पुन्‍मे बाक्‍त। मिनु येसुमी ओव़चा गेमी बाक्‍त।

लूका 8:34

मिनु पोव़ योव़बपुकीमी मो दुम्‍शो तशा प्रोक्‍शा, सहर नु सहर आ एर ओंथ नेल्‍ल मेको लोव़ शोव़ङमे बाक्‍त।

यूहन्‍ना 8:44

इन आफ सैतान बाक्‍ब। मिनु गे इन आफ आ दाक्‍शो पचा दाक्‍नीनी। मेको चहिं ङोंइती रे मुर आन कली साइक्‍ब नु जोल पाइब बाक्‍त। मारदे हना मेको नु थमा देंशो बाक्‍सीन मबा। मोपतीके जोल ला पाइब। मेको जोल पना पन बाक्‍ब। जोल आ आफ बाक्‍त। १यूहन्‍ना ३८-१०; उत्‍पत्ती ३:४,१९

१ पत्रुस 5:8

गेय पचा ङोंइती मिम्‍तीन। होस पा बाक्‍कीन। मारदे हना इन कली मदाक्‍ब सैतानमी शोव़लु बेक्‍शो गुप्‍स खोदेंशो पा “सु कली ब्‍वाइनुङा” दे माल्‍ना माल्‍न गाक्‍ब। १थिस्‍सलोनिकी ५:६; लूका २२:३१; २कोरिन्‍थी २:११

प्रकाश 9:11

मेको आन के पिप का बाक्‍त। मेको पिप सु बाक्‍त देंशा हना, दुइश्‍शो, पुं मपाइश्‍शो ढोडोङगा ङा गेय पाइब बाक्‍त। मेको पिप आ नें हिब्रू लोव़मी अब्‍बादोन नु ग्रीक लोव़मी अपोल्‍लीयोन देंनीम। मेको निम्‍फा आस अर्थ चहिं खतम पाइब बाक्‍ब।