लूका 8:30 - Sunuwar Bible

³⁰ मिनु मेको येसु आ ङोंइती बाप्‍शा बाक्‍मेनु, येसुमी वोल कली “इ नें मारम?” दे हिल्‍लो पवानु, मेकोमी “फौज” देंमाक्‍त। मारदे हना मेको मुर आ रांमी शुश वोल ओव़शो बाक्‍मा बाक्‍त।

लूका 8:30 ပူးပေါင်းရင်းမြစ်များ

मत्ती 26:53

आं आफ कली ‘आफ, इन स्‍वर्ग ङा गेय पाइब हजार हजार आन कली सोइश्‍शा, आं कली वारच पा प्रोंइपाइय्‍यीनी’ दे पुंइता हना, गिश हना यो सोइश्‍शा, आं कली प्रोंइपाइक्‍ब, दे मतुइक्‍नीनी? १२ खेयप ६ हजार स्‍वर्ग ङा गेय पाइब ब्रेक्‍शो बाक्‍ब। मत्ती ४:११

मत्ती 4:24

मिनु सिरीया रागी नेल्‍ल मेको आ पर्बम लोव़ ब्रम्‍माक्‍त। मिनु रोइ पशो मुर नेल्‍ल आन कली येसु आ बाक्‍तीकेमी चाक्‍स ङा चाक्‍स पाइबाक्‍मा बाक्‍त। वोलमी तशो, वोलमी सुम्‍शो नु गुइ खोइल मदुक्‍ब मुर चाक्‍गमे बाक्‍त। मिनु येसुमी मेको नेल्‍ल आन कली सापाइक्‍मी बाक्‍त। मर्कूस ६:५५

मत्ती 8:29

मिनु मार दुम्‍माक्‍त देंशा हना, मेको निक्‍शीमी “परमप्रभु यावे आ तौ, गे नु गोपुकी मार पमुइया ङा? आंइ कली श्‍येत गेची मजाक्‍थु, मुल कना श्‍येत गेथ जाक्‍नी?” दे ग्रीसा बाक्‍त। लूका ४:४१; २पत्रुस २:४; याकूब २:१९

मर्कूस 16:9

हप्‍ता ङा ङोंइती नाक्‍ती सुनी कना येसु बेक्‍शो रे सेंसीशा, ७ ओटा वोल ग्रुंइचा पुंइसीशो माग्‍दाला ङा मरीयम कली तपांइसे बाक्‍त। लूका ८:२; यूहन्‍ना २०:१-१८

मर्कूस 5:9

मिनु “श्‍येत मगेयीनी, दे पुंइनन्‍नी” देंमेनु, येसुमी “इ नें मार में?” दे हिल्‍लो पवा बाक्‍त। मिनु मेकोमी “आं नें फौज बाक्‍ब, मारदे हना गो शुश बाक्‍नीकी” देंमाक्‍त।

लूका 8:2

मेको नु मीश मुर का निक्‍शी यो बाक्‍मा बाक्‍त। मेको वोल ग्रुंइशो नु रोइ रे साशो बाक्‍मा बाक्‍त। मेको आन दातेमी माग्‍दाला ङा मरीयम बाक्‍माक्‍त। येसुमी मेको रे पा ७ ओटा वोल ग्रुंइशो बाक्‍माक्‍त। यूहन्‍ना २०:१,११-१८

लूका 8:29

मारदे हना येसुमी ग्रांग्रा दिचा ङा वोल कली “ग्रूङो” दे माइश्‍शो बाक्‍माक्‍त। ङोंइती शुश खेयप वोलम मेको मुर कली सुमानु, मुरपुकीमी साङलोम पाइश्‍शा चोक्‍शा वोइश्‍शो बाक्‍मा बाक्‍त। तन्‍न वोलम साङलो प्रुइक्‍पाइश्‍शा, गोरशो रागीम चाक्‍दीश्‍शो बाक्‍माक्‍त।