लूका 8:27 - Sunuwar Bible

²⁷ मिनु जाक्‍दीश्‍शा, डोंगा रे तोंइसामानु, वोलम सुम्‍‍शो मुर का सहर रे पिशा, येसु आ ङोंइती जाक्‍माक्‍त। मेको मुर वोलम सुमा रे शिश्रा गाक्‍शा, खिंमी मबाक्‍थु, बेक्‍शो मुर वोइक्‍तीकेमी बाक्‍शो बाक्‍माक्‍त। मोपा बाक्‍शो शुश बर्स दुम्‍शो बाक्‍माक्‍त।

लूका 8:27 ပူးပေါင်းရင်းမြစ်များ

यसैया 65:4

मेकोपुकी तुरस आगाम बाक्‍शा, ख्रुंइसीशा नां सोंइताम। मेकोपुकीमी पोव़ श्‍ये ब्‍वाइनीम। आन ग्‍योंबुम ग्रांग्रा दिशो श्‍ये क्‍येनीम। यसैया ६६:१७; लेवी १:७

गन्‍ती 19:16

मिनु सुमी लांम तरवारम साइक्‍चा पुंइसीशो मुर बाक्‍त हना यो, आंमा बेक्‍शो मुर बाक्‍त हना यो, मुर आ रुश बाक्‍त हना यो, मेको थीब मुर ७ नाक्‍त सम्‍म ग्रांग्रा दिशो दुम्‍ब।

मत्ती 4:24

मिनु सिरीया रागी नेल्‍ल मेको आ पर्बम लोव़ ब्रम्‍माक्‍त। मिनु रोइ पशो मुर नेल्‍ल आन कली येसु आ बाक्‍तीकेमी चाक्‍स ङा चाक्‍स पाइबाक्‍मा बाक्‍त। वोलमी तशो, वोलमी सुम्‍शो नु गुइ खोइल मदुक्‍ब मुर चाक्‍गमे बाक्‍त। मिनु येसुमी मेको नेल्‍ल आन कली सापाइक्‍मी बाक्‍त। मर्कूस ६:५५

मर्कूस 5:15

मिनु येसु आ नेक्‍था जाक्‍शा, ङोंइती वोलमी ब्रीशो मुर वा फेक्‍शा, साशा, येसु नु निश्‍शो तामे बाक्‍त। मेको कली साशो तशा, हिंमा बाक्‍त।

लूका 8:26

मिनु समुन्‍द्र शोक्‍शा, गेरासीनी आन रागी जाक्‍दीम्‍मा बाक्‍त। गेरासीनी आन रागी चहिं गालील रागी क्‍येङा आइक्‍ची हांबुम बाक्‍माक्‍त।

लूका 8:28

मेकोमी येसु कली तशा, वाइ ब्रेश्‍शा, आ ङोंइती बाप्‍शा, ठेयब सेंदा पा “येसु, नेल्‍ल क्‍येङा ठेयब, आ तौ, गो मार पमुया ङा? श्‍येत मगेयीनी, दे सेउ पाइनन्‍नी” देंमाक्‍त।

१ सामुएल 19:24

मेकोमी यो आ वा प्रुइश्‍शा, सामुएल आ ङोंइती परमप्रभु यावे आ सोक्‍तीम लोव़ पना पन नाक्‍त रे नु नाक्‍दो रे शिश्रा बाक्‍माक्‍त। मोपतीके मुरपुकीम “मार, सावल यो परमप्रभु यावे आ लोव़ पाइब आन दातेमी बाक्‍मे?” देंबाक्‍मा बाक्‍त।