लूका 8:24 - Sunuwar Bible

²⁴ मोपतीके शेंसीबपुकीम येसु कली पोक्‍शा “शेंब, शेंब! मुल बेक्‍चांइतय, है” दे हिंशा ख्रिंख्रि पा देंमा बाक्‍त। मिनु येसु बोक्‍शा, फश गिवार नु छाल कली हुइक्‍ता बाक्‍त। मिनु फश गिवार नाइश्‍शा ब्‍वाक्‍कु यो ख्रा दिक्‍माक्‍त। मिनु सिक्‍सी दुम्‍माक्‍त।

लूका 8:24 ပူးပေါင်းရင်းမြစ်များ

भजन संग्रह 65:7

गे समुन्‍द्र आन ग्रीशो सिक्‍सी पपाइक्‍तीनी। गे समुन्‍द्र आन बोक्‍शो नाइक्‍पाइक्‍नीनी। मिनु जात जात ङा मुर आन जिचा खेचा साम्‍नीनी। भजन संग्रह ८९:१०

यसैया 50:2

गो जाक्‍ङानु, मारदे सुइ मबाक्‍मा? गो ब्रेङङानु, मारदे सुइमी लोव़ मलेत्‍ता? आं गुइ इन कली पाप रे प्रोंइने मचाप्‍चा ङा दुम्‍शो बाक्‍मे? इन कली प्रोंइने चाप्‍तीक सक्ति गो नु मबाक्‍बा? गो हुइक्‍तुनु, समुन्‍द्र सोव़ब। खोलापुकी ब्‍वाक्‍कु मबाक्‍शो गोरशो रागी सेल्‍नुङ। ब्‍वाक्‍कु मबाक्‍तीके ङांइपुकी बेक्‍शा, राक्‍शा, रिना पाइनीम। यसैया ५९:१; गन्‍ती ११:२३; प्रस्‍थान १४:२१

येरमीया 5:22

मार, गे आं कली मान पा हिंचा ममाल्‍नीनी ङा? गे आं ङोंइती ख्रिंख्रि मपाइनीनी? गो समुन्‍द्र आ सांद कली बाल्‍वा वोइक्‍ता। आ छाल बोक्‍तेक्‍म हना यो, मेको कली ख्राक्‍ने मचाप्‍नीम। मेकोपुकी शुश बोल पाम्‍तेक्‍म हना यो, मेको कली लाक्‍ने मचाप्‍नीम। ठेयब रेयके पाम्‍तेक्‍म हना यो, लाक्‍ने मचाप्‍नीम। बजन संग्रह १०४:९

नहुम 1:4

मेकोमी ठेयब समुन्‍द्र कली हुइक्‍तानु, सोव़ब। मेकोमी खोला नेल्‍ल आन कली सोव़पाइक्‍ब। बाशान ङा बी ब्‍यफ योव़तीके नु कारमेल पहाड ङा मारेइ मारेइ सोल सुल बेक्‍नीम। लेबानोन ङा फू यो सोल सुल बेक्‍नीम।

मत्ती 14:30

मिनु फश गिवार पशो तशा हिंशा, ग्रुम्‍चा माल्‍तु। मिनु “प्रभु प्रोंइयीनी” दे वाइ ब्रेत्‍त।

मत्ती 8:25

मिनु शेंसीबपुकीमी हिंशा येसु कल पोक्‍शा “प्रभु, गो नेल्‍ल ग्रुम्‍शा बेक्‍चांइतय, है” दे वाइ ब्रेम्‍मा बाक्‍त।

मर्कूस 4:39

मिनु येसु बोक्‍शा, फश गिवार कली हुइश्‍शा, समुन्‍द्र कली “ब्‍वालेइ पावो, मदुक्‍को” देंमेनु, फश गिवार ख्रा दिक्‍माक्‍त। मिनु सिक्‍सी दुम्‍माक्‍त।

लूका 4:35

मिनु येसुमी वोल कली “रेयके मपथु, ग्रूङो” दे हुइक्‍ता बाक्‍त। मिनु वोलमी मुर कली श्‍येत मगेथु, दिङ खोल्‍शा वोइश्‍शा ग्रूमाक्‍त।

लूका 4:39

मिनु येसु मेको आ नेक्‍था राप्‍शा, जरो कली हुइक्‍ता बाक्‍त। मिनु हुइक्‍तानु, जरो जाम्‍माक्‍त। मिनु साशा छुल बोक्‍शा, येसु नु आ वारच आन कली जचा गेमी बाक्‍त।

लूका 5:5

मिनु सिमोनमी “शेंब, नाक्‍दो रे श्‍येत पा ग्‍याइली आप्‍ना आप्‍न बाक्‍तक। ङांइ का यो मरे। मुल ‘गे आपो’ देंतीनी हना, गो आप्‍नुङ” देंमाक्‍त।

लूका 8:25

मिनु शेंसीब आन कली “इन थमा सुइक्‍तीक ते लम?” देंमाक्‍त। मेकोपुकी चहिं हिंशा, छक लाक्‍शा “फश गिवार नु ब्‍वाक्‍कुमी यो आ लोव़ टीबाक्‍तेक्‍म, एको सु बाक्‍म माइ?” दे लोव़ पमुमा बाक्‍त।