लूका 8:2 - Sunuwar Bible

² मेको नु मीश मुर का निक्‍शी यो बाक्‍मा बाक्‍त। मेको वोल ग्रुंइशो नु रोइ रे साशो बाक्‍मा बाक्‍त। मेको आन दातेमी माग्‍दाला ङा मरीयम बाक्‍माक्‍त। येसुमी मेको रे पा ७ ओटा वोल ग्रुंइशो बाक्‍माक्‍त। यूहन्‍ना २०:१,११-१८

लूका 8:2 ပူးပေါင်းရင်းမြစ်များ

मत्ती 4:24

मिनु सिरीया रागी नेल्‍ल मेको आ पर्बम लोव़ ब्रम्‍माक्‍त। मिनु रोइ पशो मुर नेल्‍ल आन कली येसु आ बाक्‍तीकेमी चाक्‍स ङा चाक्‍स पाइबाक्‍मा बाक्‍त। वोलमी तशो, वोलमी सुम्‍शो नु गुइ खोइल मदुक्‍ब मुर चाक्‍गमे बाक्‍त। मिनु येसुमी मेको नेल्‍ल आन कली सापाइक्‍मी बाक्‍त। मर्कूस ६:५५

मर्कूस 16:1

मिनु नाइक्‍तीक नाक्‍त नोले माग्‍दाला ङा मरीयम, याकूब आ ममा मरीयम नु सालोमेमी बेक्‍शो मुर आ रांम ख्रेक्‍चा कली ख्रेक्‍तीक ग्‍याप्‍मे बाक्‍त।

मर्कूस 16:9

हप्‍ता ङा ङोंइती नाक्‍ती सुनी कना येसु बेक्‍शो रे सेंसीशा, ७ ओटा वोल ग्रुंइचा पुंइसीशो माग्‍दाला ङा मरीयम कली तपांइसे बाक्‍त। लूका ८:२; यूहन्‍ना २०:१-१८

लूका 23:27

शुश मुरुमी मेको आन नोले खोदमे बाक्‍त। मीश मुरपुकी ङाक्‍शा रोंका पना पन गाक्‍मा बाक्‍त।

लूका 23:49

गालील रागी रे यरूसलेम सम्‍म येसु नु काथा गाक्‍शो मीश मुर नु आ वारचपुकीमी ङोन रे कोव़शा, मोदेंशो दुम्‍शो नेल्‍ल तामे बाक्‍त। लूका ८:२-३

लूका 23:55

गालील रे येसु नु काथा गाक्‍ब मीश मुरपुकीमी योसेफमी येसु आ रां लाइश्‍शो तशा “ते वोइक्‍बा?” दे कोव़शो बाक्‍मा बाक्‍त।

लूका 8:30

मिनु मेको येसु आ ङोंइती बाप्‍शा बाक्‍मेनु, येसुमी वोल कली “इ नें मारम?” दे हिल्‍लो पवानु, मेकोमी “फौज” देंमाक्‍त। मारदे हना मेको मुर आ रांमी शुश वोल ओव़शो बाक्‍मा बाक्‍त।

यूहन्‍ना 19:25

मिनु सिपाहीपुकीमी मो पामेनु, येसु आ ममा येसु आ शी आ नेक्‍था बाक्‍त। क्‍लोपास आ मीश मरीयम नु माग्‍दाला ङा मरीयम यो मेकेर बाक्‍ताक्‍स। मिनु येसु आ नेल्‍ल क्‍येङा दाक्‍शो शेंसीब यो मेकेर बाक्‍त।

प्रेरित 1:14

मेकोपुकी नु मीश मुरपुकी, येसु आ ममा मरीयम नु येसु आ लोक्‍बपुकी यो बाक्‍मा बाक्‍त। मेको नेल्‍ल थुं का ङा दुम्‍शा, नाक्‍त किंत किंत परमप्रभु यावे कली ठेयब सेल्‍ना सेल्‍न, पुंइना पुंइन बाक्‍बाक्‍मा बाक्‍त। यूहन्‍ना ७:३