लूका 7:8 - Sunuwar Bible

⁸ गो यो अधिकार पाइश्‍शो मुर बाक्‍नुङ। लडाइ पाइबपुकीम आं कली टी‍नीम। गो का कली ‘लावो’ देंती हना, मेको लाइब। मिनु अर्को कली ‘पिवो’ देंती हना, पीब। आं वाइल कली ‘मेको गेय पावो’ देंती हना, मेकोमी पाइब” दे माइक्‍थ सोइक्‍ता बाक्‍त।

लूका 7:8 ပူးပေါင်းရင်းမြစ်များ

लूका 7:7

मोपतीके गो इन कली ग्रुम्‍थ मपिङ। गे सापाइक्‍तीक लोव़ का ला पने। मिनु आं वाइल साब।

लूका 7:9

मिनु येसुमी मेको लोव़ नेंशा छक लाक्‍माक्‍त। मिनु आ नोले खोइक्‍ब आन कली हिरशा कोव़शा “गो इस्राएली आन दातेमी मेको कप्‍तान खोदेंशो थमा सुइक्‍ब मुर सुइ मतङमी” देंमाक्‍त।

प्रेरित 23:17

मिनु पावलमी कप्‍तान का ब्रेश्‍शा “एको ठिटा कली लडाइ पाइब आन ठेयब मुर नु ग्रुम्‍पतीने। मारदे हना लोव़ का निक्‍शी तुइक्‍पाइक्‍चा माल्‍ताक्‍व” देंमाक्‍त।

प्रेरित 23:23

मिनु लडाइ पाइब आन ठेयब मुरुमी कप्‍तान निक्‍शी आस कली ब्रेश्‍शा “एको चोक्‍सीशो पावल कली सिजरिया सहर चोव़दीचा माल्‍ताक्‍व। मोपतीके गे निक्‍शीमी आपो नाक्‍दो ९ बजे सहे निक्‍शी सिपाही, ७० जना शारा ङोइक्‍ब नु सहे निक्‍शी भाला शेयब आन कली साशा वोतीसे।

प्रेरित 23:26

मेको चिठीमी “हुकुम पाइब फेलीक्‍स हजुर, गो क्‍लौदीयस लिसीयस आं के नमस्‍ते। हजुर, आं के लोव़ का निक्‍शी नेनीने।

प्रेरित 23:31

मिनु लडाइ पाइब आन ठेयब मुरुमी दोदेंशो देंमे, मोदेंशो पा कप्‍तान नु सिपाहीपुकीमी पावल कली लाइश्‍शा गाक्‍मा बाक्‍त। मिनु नाक्‍दो रे गाक्‍शा, एन्‍तीपात्रीसमी जाक्‍दीम्‍मा बाक्‍त।

प्रेरित 24:23

पावल कली कप्‍तान आ गुइमी जिम्‍मा गेशा “सिपाहीपुकीमी कोव़शा, एर ओंथ गाक्‍चा गेचा। आ वारच जाक्‍तेक्‍म हना, ग्रुम्‍चा गेचा” दे वोइक्‍पदा बाक्‍त। प्रेरित २७:३

प्रेरित 25:26

तन्‍न सिजर कली एको मुर आ पर्बम मार लोव़ ब्रेक्‍चा ङा? आ दोस ग्रुंइने मचबु। मोपतीके मुलाक्‍ती अग्रीप्‍पा सरकार नु हजुर नेल्‍ल इन ङोंइती राप्‍पाइक्‍ता। गो नेल्‍लेमी हिल्‍लो हिक्‍सी पा दोस ग्रुंइताक्‍य हना, सिजर पिप कली ब्रेक्‍शा सोइक्‍ने चाप्‍नुङ।

कलस्‍सी 3:22

वाइलीम वाइलपुकी, इन ठेयब मुरुमी मार मार देंनीमी, मेको नेल्‍ल टिचा माल्‍नीनी। इन ठेयब मुरुमी कोव़तेक्‍म हना यो, मकोव़तेक्‍म हना यो, थुं का पशा, प्रभु कली मान पा हिनीन।