लूका 7:44 - Sunuwar Bible

⁴⁴ मीश मुर कली कोव़शा, सिमोन कली “एको मीश मुर कली तवी? गो इ खिंमी जाक्‍ङानु, आं खोइल चिक्‍चा कली ब्‍वाक्‍कु मगेयी। एकोमी दा आं खोइल आ प्रेक्‍कुम जिप्‍‍पाइश्‍शा, आ चांमी फिक्‍तु। उत्‍पत्ती १८:४

लूका 7:44 ပူးပေါင်းရင်းမြစ်များ

उत्पत्ती 18:4

इन खोइल चिक्‍चा कली ब्‍वाक्‍कु गेनन्‍नी। मिनु चिक्‍शा, रवा आगाम नांइ‍सीन।

उत्पत्ती 19:2

मिनु लोतमी “आं प्रभु निक्‍शी, नेनीसे, मुलाक्‍दो आं खिंम बाक्‍कीसे। इस खोइल चिक्‍सीसे। सुनी बोक्‍शा, इस लां लने चाप्‍नीसी” देंमाक्‍त। मेको निक्‍शीमी “ममाइ, गो मेरे लाङगाम इप्‍नस्‍कु” देंसा बाक्‍त।

उत्पत्ती 43:24

मिनु मेको मुरुम मेको आन कली योसेफ आ खिं ओंइशा, खोइल चिक्‍चा कली ब्‍वाक्‍कु गेवा बाक्‍त। आन गधा आन कली थुला बाक्‍त।

२ सामुएल 11:8

मेको नोले दाऊदमी हित्ती उरीयाह कली “उइ इ खिं लशा नांइ‍सो, इ खोइल चिक्‍सो” दे मदा बाक्‍त। मिनु मेको पिप आ खिं रे ग्रूशा गाक्‍मेनु, पिपमी मेको आ नोले कोसेली सोइक्‍ता बाक्‍त।

लूका 7:38

मेको येसु आ खोइलीम बाक्‍शा ङाक्‍माक्‍त। मिनु आ प्रेक्‍कुम येसु आ खोइल जिप्‍‍पाइश्‍शा, आ चांमी फिक्‍गा बाक्‍त। मिनु आ खोइल पुक्‍पु पा मेको तेल ख्रेक्‍ता बाक्‍त।

लूका 7:43

मिनु सिमोनमी “शुश जेर थुइश्‍शोमी शुश दाक्‍ब, दे मिम्‍ताक्‍ङ” देंमाक्‍त। मिनु येसुमी “ठीक देंते” देंशा,

यूहन्‍ना 13:5

मिनु चिक्‍तीकेमी ब्‍वाक्‍कु कुर पा, आ शेंसीब आन खोइल चिक्‍ताक्‍मी। चिक्‍शा ङा मिन आ गिल्‍सीशो वाम फिक्‍ताक्‍मी।

१ तिमोथी 5:10

आ तमी तौ रिम्‍शो पा कोल्‍पाइश्‍शा, मुर आन कली बास बाक्‍चा गेशा, थमा सुइक्‍ब आन खोइली चिक्‍शा, श्‍येत जाइब आन कली वारच पशा, नेल्‍लेमी रिम्‍शो पना पन बाक्‍ब, दे मुरपुकीमी तुइश्‍शो मीश मुर आ नें ला ब्रेक्‍सीब। हिब्रू १३:२; यूहन्‍ना १३:१४

याकूब 2:6

गे चहिं प्रुङग आन कली दिप्‍नीनी। मेको शुश क्‍येट थीब मुरपुकी इन कली श्‍येत गेब मुर मनमी ङा? मेकोपुकीमी इन कली अडडाम मचाक्‍दीत्‍नीमी ङा?

न्‍यायाधीस 19:21

मिनु खाल्‍पामी आ खिंमी लाइक्‍मी बाक्‍त। गधा आस कली जचा गेवा बाक्‍त। मिनु आन खोइल चिक्‍शा, जशा तूशा बास बाक्‍मा बाक्‍त।

१ सामुएल 25:41

मिनु अबीगेल बोक्‍शा बाप्‍शा सेउ पा “गो इन गेय पाइब आन खोइल चिक्‍ब वाइलीम नङ” देंमाक्‍त।