लूका 7:41 - Sunuwar Bible

⁴¹ येसुमी “साइ होव़प का के जेर लाइक्‍ब मुर निक्‍शी बाक्‍सा बाक्‍त। कामी ५ सहे देनार जेर थुइश्‍शो बाक्‍माक्‍त। कामी ५० देनार जेर थुइश्‍शो बाक्‍माक्‍त। इस्राएल ङा क्‍येट देनार का नाक्‍त का ङा गाल्‍च बाक्‍त।

लूका 7:41 ပူးပေါင်းရင်းမြစ်များ

यसैया 50:1

मिनु परमप्रभु यावेमी “गोम इन ममा कली प्रोंइशा गेशो छोड पत्र ते बाक्‍म? गो तेको आं कली जेर गेब कली इन कली ले‍यन्‍नी? ममाइ, गे इन पापम पतीके लेयसीशो ननी। इन हेंथे पतीकेमी इन ममा प्रोंइचा पुंइसीशो बाक्‍ब। यसैया ५४:६; ब्‍यवस्‍था २४:१; यसैया ५२:३

येरमीया 3:11

मिनु नोले परमप्रभु यावेमी आं कली “थमा सुइक्‍ने मचाप्‍ब इस्राएल, जोल पा मरिम्‍शो पाइब यहूदा क्‍येङा ठीक पाइब दुम्‍त।

गन्‍ती 27:3

मिनु सेलोफेहाद आ तमीपुकीमी “आंइ आफ गोरशो रागीम बेक्‍त। तन्‍न मेको परमप्रभु यावे आ पर्बम मरिम्‍शो पा बोक्‍ब कोराह आ हुलम मबाक्‍शो बाक्‍त। तन्‍न मेको आ आंम पाप पतीके बेक्‍त। मिनु मेको के तौ मबाक्‍म। गन्‍ती १६:७; उत्‍पत्ती ३:१९

मत्ती 18:28

मेको जेर क्‍याम्‍चा पुंइसीब मेकेर रे लशा, आ वारच का कली ग्रुमा बाक्‍त। मेको आ वारचमी मेको के सहे का देनार जेर लाइश्‍शो बाक्‍माक्‍त। मिनु ग्रुम्‍सानु, ग्‍याइश्‍शा आ क्रोक्‍क्रो निप्‍शा ‘साइ लाइश्‍शो क्‍येट मुलन थाप्‍ती’ दे मप्रोना बाक्‍त। देनार का रोमी आन चांदी के क्‍येट बाक्‍त। ग्रीक लोव़मी द्राक्‍मे देंशो बाक्‍त।

मत्ती 6:12

आंइ मरिम्‍शो पशो क्‍याम्‍शा गेने। मारदे हना गो यो आंइ कली मरिम्‍शो पाइब आन कली माफ गेतक। मत्ती १८:२१-३५

मर्कूस 6:37

येसुमी “गेपुकीमी एको आन कली जचा गेने” दे माइक्‍मी बाक्‍त। मिनु शेंसीबपुकीमी “गोपुकी लशा, सहे निक्‍शी देनार खोइ ङा शोब्‍ले ग्‍याप्‍शा, चाक्‍शा, थुल्‍चा देंनी?” दे हिल्‍लो पामेनु, देनार का नाक्‍त का ङा गाल्‍च बाक्‍त। मेको रोम ङा चांदी के क्‍येट बाक्‍त।

लूका 11:4

आंइ मरिम्‍शो पशो क्‍याम्‍शा गेकी। मारदे हना गो यो आंइ कली मरिम्‍शो पाइब आन कली का का पा माफ गेनीकी। सैतानमी आंइ थुं थाम्‍चा मगेने’ दे प्रार्थना पने” दे शेंदीमी बाक्‍त।

लूका 12:48

होव़प आ देंशो मतुइक्‍थु, मरिम्‍शो पाप्‍तु हना, इच्‍का ला तुप्‍‍चा पुंइसीब। सुमी शुश रुप्‍शा तुइश्‍शो बाक्‍मे, मेकोम शुश जिम्‍मा ब्राइबा। मिनु सुमी शुश जिम्‍मा ब्राइबा, मेको शुश जिम्‍मा वारी दुम्‍ब” दे शेंदीमी बाक्‍त।

लूका 13:4

सिलोआमी नेल्‍ल क्‍येङा लाइश्‍शो खिं ब्रेम्‍मेनु, १८ जना चिप्‍शा बेक्‍मा बाक्‍त। मोपा बेक्‍शोपुकी यरूसलेम सहरम बाक्‍ब नेल्‍ल आन क्‍येङा मरिम्‍शो बाक्‍मा बाक्‍त, दे मिम्‍नी‍नी? ममाइ, मेको इन खोदेंशोन नम।

लूका 7:40

मिनु येसुमी फरिसी कली “ए सिमोन, गो इ कली लोव़ का पाइनुङ” देंमाक्‍त। मिनु मेकोमी “शेंब, मार देंनीनी?” देंमेनु

लूका 7:47

मोपतीके एको के शुश पाप नेल्‍ल क्‍याम्‍साक्‍व। मारदे हना एकोमी शुश आ दाक्‍तीके कोंइताक्‍व। सु के पाप इच्‍का ला क्‍याम्‍से, मेकोमी इच्‍का ला दाक्‍ब” दे मदा बाक्‍त।

रोमी 3:23

मारदे हना नेल्‍लेमी पाप पाम्‍तेक्‍म। मोपतीके परमप्रभु यावे आ छेङछेङम जाक्‍दीन्‍ने मचाप्‍नीम। उत्‍पत्ती ८:२१

रोमी 5:20

परमप्रभु यावेमी आ अरेशो लोव़ ब्रेक्‍पदा रे पाप तुइक्‍ना तुइक्‍न लाम्‍तेक्‍म। मिनु पाप ठेयब दुम्‍मेनु, परमप्रभु यावे आ शिशी मेको क्‍येङा ठेयब दुम्‍त। रोमी ७:८,१३; गलाती ३:१९