लूका 7:37 - Sunuwar Bible

³⁷ मिनु सहर ङा मीश मुर का यो बाक्‍माक्‍त। मेको तेल्‍लेम बाक्‍माक्‍त। मेकोमी येसु मेको फरिसी आ खिंमी जाक्‍शो बाक्‍ब, दे नेंशा, ब्रोव़शो रिना पाइश्‍शो तेल कुरशा, जाक्‍माक्‍त। मर्कूस १४:३

लूका 7:37 ပူးပေါင်းရင်းမြစ်များ

मत्ती 21:31

आस आफ आ दाक्‍शो सुमी पवा? जेठामी पवा, दे कान्‍छामी पवा?” दे माइक्‍मीनु “जेठामी पवा बाक्‍त” देंतेक्‍म। मिनु येसुमी मेको आन कली “नोफा दाइश्‍शा नेनीने, इन क्‍येङा ङोंइती तिरो पोक्‍ब नु तेल्‍लेम पाइबपुकी परमप्रभु यावे आ राज्‍य ओव़चा ताइनीम। लूका १८:९-१४

लूका 18:13

तिरो पोक्‍ब चहिं हारे बाक्‍शा, शुर खुक्‍शा ‘परमप्रभु यावे, गो पापी नङ। शिशी पाइयीनी’ दे प्रार्थना पवा बाक्‍त। भजन संग्रह ५१:१३,१९

लूका 19:7

मेकोमी मोदेंशो पशो तशा, मेकेर बाक्‍बपुकीमी “मेको पापी आ खिंम ओव़शा बास बाक्‍त” दे आन थुं मनुथु, लोव़ पामे बाक्‍त। लूका १५:२

लूका 5:30

मिनु फरिसी नु सास्‍त्रीपुकीमी मेको आन कली काथा बाक्‍शो तशा, आन थुं मनुथु येसु आ शेंसीब आन कली “मारदे गे तिरो पोक्‍ब नु पापीपुकी नु काथा बाक्‍शा जाइनीनी?” देंमा बाक्‍त।

लूका 5:32

ठीक पाइब आन कली ब्रेत्‍थ जाक्‍शो मनङ। तन्‍न पापी आन कली ‘इन थुं परमप्रभु यावे गे लेत्‍तीन’ दे ब्रेत्‍थ जाक्‍शो नङ” दे माइक्‍मी बाक्‍त।

लूका 7:34

रागीम जरमेशोमी चहिं जचा तूचा थोव़की नेल्‍ल जाइब तूब। मेको कली तशा ‘धोक्रे, शांबु राकसीमी दुक्‍ब, क्‍येट पोक्‍ब नु पापी आन वारच बाक्‍माक्‍त’ देंशा, मरिम्‍शो सुइक्‍तीनी। लूका १५:२

लूका 7:36

काबु फरिसी कामी येसु कली खमे जथ ब्रेत्‍ता बाक्‍त। मिनु येसु मेको आ खिंम लशा, खमे जचा कली निस्‍से बाक्‍त। लूका ११:३

यूहन्‍ना 11:2

मरीयम सु बाक्‍त देंशा हना, येसु आ खोइलीमी ब्रोव़शो रिना पाइश्‍शो तेल ख्रेक्‍शा, आ चांमी फिक्‍ब बाक्‍त। मेको आस लोक्‍ब लाजरस रोइ पशो बाक्‍त। यूहन्‍ना १२:३

यूहन्‍ना 9:24

मिनु मिक्‍च ताइब दुम्‍शो कली लेंशा ब्रेश्‍शा “परमप्रभु यावे कली मान पावो। इ कली मिक्‍च तपाइक्‍ब पापी बाक्‍माक्‍त, दे तुइक्‍नीकी” देंतेक्‍म।

यूहन्‍ना 9:31

परमप्रभु यावेमी पापी आन लोव़ मनेंब, दे गोपुकीमी तुइक्‍नय। तन्‍न सुमी परमप्रभु यावे कली मान पशा, आ दाक्‍शो पाइबा, परमप्रभु यावेमी मेको कली आ पुंइशो गेब। भजन संग्रह ६६:१८; यसैया १:१५; हितोपदेस १५:२९

रोमी 5:8

तन्‍न परमप्रभु यावेमी इं कली शुश दाक्‍शा, गो पापी, इं बेक्‍चा आ पा ङा ख्रीस्‍त कली बेक्‍चा गेप्‍तु। यूहन्‍ना ३:१६; १यूहन्‍ना ४:१०

१ तिमोथी 1:15

मरिम्‍शो पाइब आन कली नरक रे प्रोंइचा, दे ख्रीस्‍त येसु रागीम जाक्‍त। एको लोव़ थमा बाक्‍ब नु थमा सुइक्‍चा माल्‍शो बाक्‍ब। गो नेल्‍ल क्‍येङा मरिम्‍शो पाइब नङ। लूका १९:१०

१ तिमोथी 1:9

ठीक पाइब आन कली मब्रेक्‍शो बाक्‍ब, दे यो तुइक्‍नय। तन्‍न परमप्रभु यावे आ अरेशो लोव़ मपाइब, मटीब, परमप्रभु कली ममिम्‍ब नु मरिम्‍शो पाइब आन कली ब्रेक्‍शो बाक्‍ब। परमप्रभु यावे रे ङोन बाक्‍ब, रागी कली ला मिम्‍ब, आम आफ कली साइक्‍ब, आंम ममा कली साइक्‍ब नु मुर आन कली साइक्‍ब आन कली ब्रेक्‍शो बाक्‍ब। १कोरिन्‍थी ६:९-११

१ पत्रुस 4:18

मिनु ठीक पाइब मुरपुकी हेरा ब्रोंइचा मताइब दुम्‍तेक्‍म हना, थमा मसुइक्‍ब नु मरिम्‍शो पाइबपुकी दोदेंशो दुम्‍नीमी? हितोपदेस ११:३१