लूका 7:22 - Sunuwar Bible

²² मिनु येसुमी यूहन्‍ना आ शेंसीब आस कली “मार मार तसी, मार मार नेंसी, मेको नेल्‍ल यूहन्‍ना कली मतीसे। मिक्‍च मताइब मिक्‍च ताइबाक्‍तेक्‍म। खोइल मदुक्‍ब गाक्‍बाक्‍तेक्‍म। कोव़र पाइब साबाक्‍तेक्‍म। नोफा मनेंबम नेंबाक्‍तेक्‍म। बेक्‍शो मुर बेक्‍शो रे सेंसीशा ब्रोंइबाक्‍तेक्‍म। मिनु महिक्‍सीशो मुरपुकी ग्‍येरपाइक्‍ब लोव़ नेंपांइ‍सीबाक्‍तेक्‍म।

लूका 7:22 ပူးပေါင်းရင်းမြစ်များ

अय्‍युब 29:15

गो मिक्‍च मताइब आन मिक्‍च दुम्‍ती। मिनु खोइल मदुक्‍ब आन खोइल दुम्‍ती।

भजन संग्रह 146:8

परमप्रभु यावेमी मिक्‍च मताइब आन कली ताइब सेल्‍ब। मिनु आन थुं लुक्‍च लशो मुर आन कली आन थुं बारपाइक्‍ब। परमप्रभु यावेमी ठीक पाइब आन कली दाक्‍ब। भजन संग्रह १४५:१४

यसैया 42:16

मिनु मिक्‍च मताइब आन कली आन मतुइश्‍शो लांमी खुल्‍नुङमी। आन मतुइश्‍शो गाक्‍तीक लांमी गाक्‍पाइक्‍नुङमी। मेको आन ङोंइती बाक्‍शो छिङछिङ कली छेङछेङ सेल्‍नुङ। मिनु फुल्‍लु बाक्‍तीक कली दिंम सेल्‍नुङ। एको मप्रोंइथु पाइनुङ। यसैया ४०:४

यसैया 43:8

मेको मिक्‍च बाक्‍शा यो मताइब, नोफा बाक्‍शा यो मनेंब आन कली ग्रुंइदीन।

येरमीया 31:8

नेनीन, गो मेको आन कली उत्तर ङा रागी रे चाक्‍नुङमी। मिनु गो मेको आन कली रागी ङा सुर रे खुप्‍नुङमी। मेकोपुकी आन दातेमी मिक्‍च मताइब, गुइ खोइल मदुक्‍ब, कोव़ज कुरशो मीश मुर नु सुत्‍केरी रोइ पशो मीश मुर यो बाक्‍नीम। मेको आन ठेयब हुल लेश्‍शा एकेर जाक्‍चा माल्‍नीम। यसैया ३५:८-१०; इजीकीएल ३४:१६

सेफन्‍याह 3:12

गो इ दातेमी ब्रेम्‍शो नु प्रुङग मुर लीचा गेनुङमी। मेकोपुकीम ‘परमप्रभु यावे आंइ कली वारच पाइब बाक्‍ब’ दे थमा सुइक्‍नीम। इजीकीएल ६:८

मत्ती 11:5

‘मिक्‍च मताइबपुकीमी मिक्‍च ताइबाक्‍तेक्‍म, खोइल मदुक्‍बपुकी गाक्‍बाक्‍तेक्‍म, कोर पाइब साबाक्‍तेक्‍म, नोफा मनेंबपुकी नेंबाक्‍तेक्‍म, बेक्‍शो मुर बेक्‍शो रे सेंसीशा ब्रोंइबाक्‍तेक्‍म। महिक्‍सीशो मुरपुकीम ग्‍येरपाइक्‍ब लोव़ नेंबाक्‍तेक्‍म’ यसैया ३५:५-६; यसैया ६१:१

मत्ती 21:14

मिनु मिक्‍च मताइब नु खोरन्‍डेपुकी जाक्‍तेक्‍म। मिनु येसुमी मेको आन कली सापाइक्‍तीमी।

लूका 4:18

“परमप्रभु यावे आ सोक्‍त आं तार बाक्‍ब। मारदे हना परमप्रभु यावेमी तेल लुक्‍‍ताक्‍यी। मेकोमी आं कली दिप्‍‍शो प्रुङग मुर आन कली ग्‍येरपाइक्‍ब लोव़ नेंपाइक्‍चा कली, ग्‍याइश्‍शा चोक्‍चा पुंइसीशो मुर आन कली प्रोंइ‍चा कली, मिक्‍च मताइब आन कली तपाइक्‍चा नु श्‍येत जाइब आन कली श्‍येत रे प्रोंइशा, रिम्‍शो पा बाक्‍चा गेचा कली सोइक्‍ताक्‍यी। यसैया ४२:७

लूका 7:21

मेको निक्‍शी जाक्‍सानु, येसुमी शुश रोइ पाइब मुर आन कली सापाइक्‍ना पाइक्‍न बाक्‍शो बाक्‍माक्‍त। बेक्‍चा ङा रोइ पशो, वोलम सुम्‍शो मुर आन वोल खेरना खेरन बाक्‍माक्‍त। मिक्‍च मताइब आन कली मिक्‍च तपाइक्‍ना पाइक्‍न बाक्‍माक्‍त।

लूका 7:23

सु सुमी आं कली तशा, आन थुं मखाइक्‍पाइक्‍नीमी, दल्‍गीर मपाइनीमी, मेको ग्‍येरसमल, दे मतीसे” दे सोइक्‍तीम्‍सी बाक्‍त।

यूहन्‍ना 1:46

मिनु नथानेलमी चहिं “नासरथ सहर रे सु रिम्‍शो मुर जाक्‍ने चाप्‍बा ङा?” दे फिलीप कली देंत। मिनु फिलीपमी “लो, कोव़ङो” देंत। यूहन्‍ना ७:४१

प्रेरित 26:18

मारदे हना मेकोपुकी मिक्‍च ताइब दुम्‍मल। छिङछिङमी बाक्‍शोपुकी छेङछेङमी बाक्‍चा तामेक्‍ल। सैतान आ अधिकारमी बाक्‍शोपुकी परमप्रभु यावे आ अधिकारमी बाक्‍ब दुम्‍मल। मेको आन पाप क्‍याम्‍चा पुंइसीशा, आं कली थमा सुइश्‍शोमी आं मुरपुकी नु काथा दुम्‍शा, आं मुर दुम्‍मल’ देंशो नेंता। प्रेरित २०:३२

प्रेरित 8:7

छक लाक्‍चा ङा गेय चहिं मार कोंइबाक्‍माक्‍त देंशा हना, वोलम तशो मुर आन कली वोल खेरशा सापाइक्‍बाक्‍माक्‍त। वोल खेरानु, वोलम तशो मुर वाइ ब्रेश्‍शा, वोल प्रोक्‍बाक्‍माक्‍त। गुइ खोइल मदुक्‍ब मुर शुश आन कली गुइ खोइल दुक्‍ब गाक्‍ब सेल्‍बाक्‍माक्‍त। मर्कूस १६:१७

याकूब 2:5

आं लोक्‍बपुकी, नेनीन, परमप्रभु यावेमी रागी ङा प्रुङग आन कली शुश थमा सुदमेक्‍ल, दे मयोव़ङा ङा? मिनु परमप्रभु यावे कली दाक्‍ब नेल्‍ल आ राज्‍य ओव़चा ताइनीम मदेंम ङा? १कोरिन्‍थी १:२६; १कोरिन्‍थी ११:२२; लूका १२:२१