लूका 7:16 - Sunuwar Bible

¹⁶ मिनु मुरपुकी मोदेंशो दुम्‍शो तशा, हिंमा बाक्‍त। मिनु मेकोपुकीमी परमप्रभु यावे कली ठेयब सेल्‍शा “इं दातेमी परमप्रभु यावे आ लोव़ पा छक लाक्‍चा ङा गेय पाइब का ग्रूमाक्‍त। परमप्रभु यावेम इं कली थमा पा शिशी पाइक्‍बाक्‍त” देंमा बाक्‍त। मत्ती १६:१४; लूका १:६८

लूका 7:16 ပူးပေါင်းရင်းမြစ်များ

भजन संग्रह 65:9

गे रागी हिरशा, रेउ यिपाइक्‍‍नीनी। गे मेको कली शुश ग्रेल्‍पाइक्‍नीनी। परमप्रभु आ खोला ब्‍वाक्‍कुम ब्रीशो बाक्‍नीम। मोपा मुर आन कली शुश अन्‍न ख्रेल्‍नीनी। मारदे हना मेकोन इन मिम्‍शो बाक्‍ब। भजन संग्रह ६७:७

प्रस्‍थान 4:31

मिनु मुरपुकीमी थमा सुइक्‍तेक्‍म। मिनु परमप्रभु यावेमी इस्राएली आन कली ग्रुम्‍शा, आन श्‍येत तशा, वारच पचा चिक्‍शो तुइश्‍शा, मेकोपुकी बाप्‍शा, परमप्रभु कली ठेयब सेल्‍तेक्‍म। प्रस्‍थान ३:१६

येरमीया 33:9

मिनु एको सहर आं ङोंइती ग्‍येरपाइक्‍तीक, ठेयब सेल्‍तीके नु आं कली मान पतीके दुम्‍ब। मिनु रागी रागी ङा मुरुम गो इस्राएली आन कली मार मार रिम्‍शो पशो नेंनीम। मिनु मेको आन कली रिम्‍शो नु आन माल्‍शो क्‍येङा शुश गेशो तशा आं पर्बम हिंशा ख्रिंख्रि पाइनीम” देंत।

मत्ती 15:31

मिनु शुश मुर आन कली साशो तशा “लाटापुकी लोव़ पाइबाक्‍तेक्‍म, कूंजी कुंजे साबाक्‍तेक्‍म, खोइल मदुक्‍ब गाक्‍बाक्‍तेक्‍म, मिक्‍च मताइब मुल मिक्‍च ताइब दुम्‍बाक्‍तेक्‍म” दे छक लाक्‍शा, इस्राएली आन परमप्रभु यावे कली ठेयब सेल्‍शा मान पाम्‍तेक्‍म। मर्कूस ७:३७

मत्ती 21:11

मिनु येसु नु काथा गाक्‍बपुकीमी “गालील रागी ङा नासरथ रे जाक्‍शो परमप्रभु यावे आ लोव़ पाइब येसु एको बाक्‍ब” देंतेक्‍म।

मत्ती 28:8

मिनु मेकेर रे ग्रूशा, हिंसा यो बाक्‍‍त, ग्‍येरसीसा यो बाक्‍त। मिनु गुरुर पा दोरशा, मेको लोव़ शेंचा, दे आ शेंसीब आन कली ग्रुम्‍थ लसा बाक्‍त।

मत्ती 9:8

मोदेंब दुम्‍शो तशा, मेकेर देल्‍शोपुकी हिंमा बाक्‍त। मिनु मुर आन कली मोदेंशो अधिकार गेब परमप्रभु कली ठेयब सुइश्‍शा मान पामे बाक्‍त।

लूका 1:65

मिनु लोव़ पाइब दुम्‍त देंशो नेंशा, मुर नेल्‍ल छक लाक्‍शा हिंमा बाक्‍त। मिनु मेको लोव़ यहूदीया ङा पहाड नेल्‍ल ब्रमाक्‍त।

लूका 1:68

मेकोमी “परमप्रभु, इस्राएली आन परमप्रभु यावे ठेयब बाक्‍ब। मारदे हना इस्राएल ङा मुर इं कली शिशी पा पाप रे प्रोंइब सोइक्‍चाप्‍तु। लूका ७:१६

लूका 19:44

मेकोपुकीमी इ कली नु इ आल आन कली खपीम राप्‍नीम। मेकेर फुल्‍लु का सम्‍म ख्रोप्‍शा मलीनीम। मारदे हना गे इ कली ग्रुम्‍थ जाक्‍ब कली मतुइक्‍ती” देंमाक्‍त। लूका २१:६

लूका 2:20

गोठलापुकीमी आन तशो नु आन नेंशो आ पर्बम परमप्रभु यावे कली ठेयब सेल्‍ना सेल्‍न लेम्‍मा बाक्‍त।

लूका 24:19

येसुमी “मार दुम” देंमाक्‍त। मिनु मेको निक्‍शीमी “मार दुम्‍त देंशा हना, नासरथ ङा येसुमी परमप्रभु यावे आ लोव़ पवानु, शुश चिन्‍ड कोंइताक्‍व। परमप्रभु यावे नु मुर नेल्‍ल आन ङोंइती मोदेंशो पाप्‍तु। मत्ती २१:११

लूका 5:26

मेको चिन्‍ड तशा, मुर नेल्‍ले छक लाक्‍शा, परमप्रभु यावे कली ठेयब सेल्‍शा, मान पा हिंशा “ङोंइती गेनायो मतशो ताइतय” देंमुमा बाक्‍त।

लूका 5:8

मिनु सिमोन पत्रुसमी मो दुम्‍शो तशा, येसु आ ङोंइती पोक्‍च थेक्‍शा बाप्‍शा “प्रभु, गो पापी मुर नङ। गे नु काथा बाक्‍चा मशिरनुङ” देंमाक्‍त। लूका १८:१३

लूका 7:15

मिनु बेक्‍शो मुर बोक्‍शा निश्‍शा, लोव़ पचा गोवा बाक्‍त। मोपा सेंपाइश्‍शा, आ ममा कली गेवा बाक्‍त। १राजा १७:२३; २राजा ४:३६

लूका 7:39

मिनु फरिसीमी मो पशो तशा “येसु परमप्रभु यावे आ लोव़ पाइब बाक्‍त हना, आ कली थीब मीश मुर दोदेंशो बाक्‍म, दे तुइक्‍त वा। मारदे हना पापी बाक्‍ब” दे मिम्‍ता बाक्‍त।

लूका 8:37

मिनु गेरासीन रागीम बाक्‍बपुकीमी येसु कली “आंइ रागीम मबाक्‍कीन, लने” दे पुन्‍मे बाक्‍त। मारदे हना थाम्‍पा हिंमा बाक्‍त। मिनु येसु डोंगा ङोइश्‍शा लेम्‍माक्‍त।

लूका 9:19

मिनु मेकोपुकीमी “का निक्‍शीमी ब्‍वाक्‍कुम ख्रुम्‍शा ग्रुंइब यूहन्‍ना, का निक्‍शीमी एलीया, का निक्‍शीमी साइ नेसी ङा परमप्रभु यावे आ लोव़ पाइब का बेक्‍शो रे सेंसे बाक्‍त देंनीम” देंमा बाक्‍त। लूका ९:-८

यूहन्‍ना 1:21

मेकोपुकीमी “मिनु, गे एलीया ननी?” दे हिल्‍लो पाम्‍तेक्‍म। मिनु यूहन्‍नामी “गो मेको यो मनङ” देंत। मिनु मेकोपुकीमी लेंशा “गे परमप्रभु यावे आ लोव़ पाइब ननी?” दे हिल्‍लो पाम्‍तेक्‍म। मिनु मेकोमी “गो मेको यो मनङ” देंत। मलाकी ३:२३; मत्ती १७:१०-१३; ब्‍यवस्‍था १८:१५

यूहन्‍ना 1:25

मिनु यूहन्‍ना कली “गे ख्रीस्‍त मननी हना, एलीया मननी हना, परमप्रभु यावे आ लोव़ पाइब यो मननी हना, मारदे मुर आन कली ब्‍वाक्‍कुमी ख्रुम्‍शा ग्रुंइतीक गेय पाइनीनी?” दे हिल्‍लो पाम्‍तेक्‍म।

यूहन्‍ना 4:19

मिनु “प्रभु, गे परमप्रभु यावे आ लोव़ पाइब का बाक्‍नी बाक्‍त। मोपतीके आं मारेइ मारेइ तुइक्‍ताक्‍नी।

यूहन्‍ना 6:14

मिनु मुरपुकीमी येसु आ पशो छक लाक्‍चा ङा गेय तशा “रागीमी जाक्‍ब परमप्रभु यावे आ लोव़ पाइब एकोन बाक्‍त” देंतेक्‍म। ब्‍यवस्‍था १८:१५

यूहन्‍ना 9:17

मिनु फरिसीपुकीमी लेंशा आ मिक्‍च साशो कली “मिनु इ कली मिक्‍च ताइब सेल्‍ब आ पर्बम मार देंनेवे?” दे हिल्‍लो पाम्‍तेक्‍म। मिनु मेकोमी “परमप्रभु यावे आ लोव़ पाइब बाक्‍त” देंत।

प्रेरित 5:5

मिनु हनानीयामी पत्रुस आ देंशो नेंशा, दिङ गोल्‍शा बेक्‍माक्‍त। मिनु मुरपुकीमी मेको लोव़ नेंशा, शुश हिंमा बाक्‍त।

प्रेरित 7:37

मेको मोसामी इस्राएली आन कली ‘आं खोदेंशो, परमप्रभु यावेमी आ लोव़ पाइब इन दाते रे का योव़शा, आ लोव़ नेंपाइक्‍ब का सेल्‍ब’ दे तुइक्‍पाइक्‍मी बाक्‍त। ब्‍यवस्‍था १८:१५

गलाती 1:24

मेको नेंशा परमप्रभु यावे कली ठेयब सेल्‍तेक्‍म ने।

ब्‍यवस्‍था 18:15

परमप्रभु यावे, इन परमप्रभुमी इन दाते रे आं खोदेंशो पा आ लोव़ पाइब का योव़ब। गेपुकीमी मेको आ लोव़ नेंचा माल्‍नीनी। गन्‍ती १२:६-८; यूहन्‍ना १:४५; यूहन्‍ना ६:१४; यूहन्‍ना ७:४०; प्रेरित ३:२२; प्रेरित ७:३७