लूका 6:26 - Sunuwar Bible

²⁶ मुल मुरपुकी रे पा मान पाइक्‍चा पुंइसीशोपुकी, हिनीन। मारदे हना इन किकी पिपीमी यो जोल पा परमप्रभु यावे आ लोव़ पाइब आन कली मो पाइक्‍बाक्‍तेक्‍म” देंत।

लूका 6:26 ပူးပေါင်းရင်းမြစ်များ

हितोपदेस 27:21

चांदी यपाइक्‍‍चा कली गारचा ङा ग्‍योंब नु सुन यपाइक्‍चा कली यो गारचा ङा ग्‍योंब माल्‍शो खोदेंशो पा, मुर आ पतीक अर्को मुर आन ठेयब सेल्‍तीक रे पा तुंइसीब।

यसैया 30:10

मेकोपुकीमी नोले दुम्‍ब लोव़ ताइब आन कली ‘मतने। मकोव़ङीन’ देंनीम। मिनु परमप्रभु यावे आ लोव़ पाइब आन कली ‘ठीक पचा आ पर्बम आंइ कली लोव़ मपने। जोल पा हना यो, आंइ दाक्‍शो लोव़ ला पने। आमोस २:१२

येरमीया 5:31

परमप्रभु यावे आ लोव़ पाइबपुकीम जोल पा लोव़ पाइनीम। दोपा परमप्रभु यावे आ लोव़ पाइबपुकीम जोल पा लोव़ पाइनीमी, मोपा चढ़ेबपुकीम मुर आन कली हुकुम पाइनीम। मिनु आं मुरपुकी चहिं मोदेंशोन दुम्‍चा दाक्‍नीम। तन्‍न नोले ङा नाक्‍ती मार, पाइनीनी?” देंत। इजीकीएल १३:६

मीका 2:11

तेकोइ मुरुमी जोल पा दूली लोव़ पशा “गो इ कली अङगुर शांबु तूचा नु रकसी तूचा आ पर्बम लोव़ पाइनुङ” देंत हना, मेको मुर मेको आन कली गारचा ङा लोव़ पाइब बाक्‍ब।

मत्ती 7:15

होस पांइसीने। मारदे हना परमप्रभु यावे आ लोव़ दूली शेंबपुकी बोक्‍नीम। मेकोपुकी भेडा खोदेंशो तांइसीनीमी। मेको आन थुं चहिं फर के खोदेंशो बाक्‍नीम। मत्ती २४:४,५,२४; २कोरिन्‍थी ११:१३-१५

लूका 6:25

मुल शुश जचा ताइबपुकी, हिनीन। मारदे हना नोले जचा मतथु शोव़लु बेक्‍नीनी। मुल रिश्‍शा बाक्‍बपुकी, हिनीन। मारदे हना नोले ङाक्‍शा रोंका पचा माल्‍नीनी।

यूहन्‍ना 15:19

गेपुकी रागी ङा मुर खोदेंशो बाक्‍तीनी हना, रागी ङा मुरपुकीमी इन कली दाक्‍नीमी। तन्‍न गे रागी ङा मुर मननी। गो इन कली रागी ङा मुरपुकी रे योव़तन्‍नी। मोपतीके रागी ङा मुरपुकीमी इन कली मदाक्‍नीम। यूहन्‍ना १७:१४; १यूहन्‍ना ४:४-५

यूहन्‍ना 7:7

रागी ङा मुरपुकीमी इन कली श्‍येत मगेनीम। आं कली चहिं श्‍येत गेनीम। मारदे हना गो मेको आन कली ‘आन पशो गेय मरिम्‍शो बाक्‍ब’ दे कोंइनुङमी। यूहन्‍ना १५:१८

रोमी 16:18

मेकोपुकीमी येसु ख्रीस्‍त आ गेय मपाइनीम। आन कोव़ज प्रिंचा ला मिम्‍शा, गेय पाइनीम। मिलो शिलो लोव़ पा रिम्‍शो लोव़ नेंब आन थुं क्‍याल्‍नीम। मोदेंशो मुर आन क्‍येङा होस पा बाक्‍कीन। फिलिप्‍पी ३:१९; कलस्‍सी २:४

याकूब 4:4

गे परमप्रभु यावे आ लां प्रोंइशा हेंथे गाक्‍बपुकी, गे थमा मसुइक्‍ब आन वारच बाक्‍तीनी हना, परमप्रभु यावे आ जोरी सत्रु दुम्‍नीनी। सु थमा मसुइक्‍ब आन वारच दुम्‍चा माल्‍बा, मेको परमप्रभु यावे नु जोरी सत्रु दुम्‍ब। लूका ६:२६; रोमी ८:७; १यूहन्‍ना २:१५