लूका 6:23 - Sunuwar Bible23 मेको नाक्ती थाम्पा ग्येरसीने। मारदे हना परमप्रभु यावेमी इन कली स्वर्गम इनाम गेब। इन कली श्येत गेब आन किकी पिपीमी साइ रे परमप्रभु यावे आ लोव़ पाइब आन कली यो खेदा पा श्येत गेशो बाक्तेक्म। အခန်းကိုကြည့်ပါ။ |
लूका 6:23
45 ပူးပေါင်းရင်းမြစ်များ
मिनु मेकोमी “परमप्रभु यावे, मुर नेल्ल आन परमप्रभु, गो इन पर्बम शुश गेय पाता। इस्राएलीमी इन कबल प्रोंइतेक्म। इन कली चढ़ेतीक प्रेत्तेक्म। मिनु इन लोव़ पाइब आन कली तरवारम क्योरशा साइक्तेक्म। गो आं का ला लीशो बाक्नुङ। मिनु मुल मेकोपुकीमी आं कली यो साइक्चा माल्शो बाक्नीम” देंमाक्त। भजन संग्रह ६९:१०; यसैया ४९:४; १राजा १८:२२; रोमी ११:३
मिनु इस्राएल ङा पिपम येहो-शाफात कली “परमप्रभु यावे कली हिल्लो पचा कली अर्को का बाक्ब। मेको इम्लाह आ तौ मीकाया बाक्ब। तन्न गो मेको मुर कली काइ मदाक्नुङ। मारदे हना मेकोम आं पर्बम गेनायो रिम्शो लोव़ मपाइब। गेना हना यो मरिम्शो लोव़ ला पाइब” देंमाक्त। मिनु येहो-शाफातमी पिप कली “पिपम मोदेंशो लोव़ मपवल” देंमाक्त। २इतिहास १८:७-२७
मोपतीके ख्रीस्त आ सक्ति तांइसेक्ल, दे मारेइ पने मचाप्ब दुम्ती हना यो, शुक्शी लोव़ पाइक्चा पुंइसाक्यी हना यो, जचा फेक्चा मारेइम मजाक्दीत्ती हना यो, खेदा पचा पुंइसाक्यी हना यो नु दोदेंब श्येत गेचा पुंइसाक्यी हना यो, आं थुं नाइश्शा हेम्म पा बाक्नुङ। मारदे हना गो मारेइ पने मचाप्ब दुम्ङानु, सक्ति पाइश्शो बाक्नुङ, दे रुप्ता। फिलिप्पी ४:१३
परमप्रभु यावे आ सोक्तीमी थमा सुइक्ब मुर आन कली शेंशो लोव़ सु सुमी नेंने चाप्नीमी, मेकोमी नेन्मेक्ल। मिनु सु सुमी सैतान कली ग्रानीमी, मेको आन कली ख्रुइश्शा वोइश्शो मन्ना शोब्ले गेनुङ। मिनु गोमी मेको ग्राब आन कली बुश हीरा का का गेनुङ। मेको बुश हीरा तार हीरा ताइब आन नक नें ब्रेक्शो बाक्ब। मेको नें हीरा ताइबमी ला तुइक्नीम। अर्को मुरुमी चहिं मतुइक्नीम” दे ब्रेक्पाइक्ती। भजन संग्रह ७८:२४; यसैया ६२:२
सु सुमी सैतान कली ग्रानीमी, गोमी मेको आन कली आं परमप्रभु यावे आ खिं ङा थाम खोदेंशो बोल्यो सेल्नुङ। मिनु मेको गेना हना यो परमप्रभु यावे आ खिंमी बाक्नीम। मिनु मेको मुर आन तारी आं परमप्रभु यावे आ नें, आं परमप्रभु यावे आ सहर आ नें नु आं नक नें ब्रेक्नुङ। आं परमप्रभु यावे आ सहर चहिं नक यरूसलेम माइश्शो बाक्ब। मेको नक यरूसलेम आं परमप्रभु यावे आ बाक्तीक स्वर्ग रे यीब। प्रकाश १४:१; प्रकाश २१:२
ကြော်ငြာတွေ