लूका 6:21 - Sunuwar Bible

²¹ मुल जचा मतथु बाक्‍बपुकी, ग्‍येरसीने, मारदे हना परमप्रभु यावेमी इन कली रूथ्री जचा गेब। मुल श्‍येत जशा, ङाक्‍न ङाक्‍न बाक्‍शोपुकी, ग्‍येरसीने। मारदे हना नोले ग्‍येरसीशा बाक्‍चा ताइनीनी। प्रकाश ७:१६-१७

लूका 6:21 ပူးပေါင်းရင်းမြစ်များ

उत्पत्ती 17:17

मिनु अब्राहाममी खुम्‍की पा बाप्‍शा, रिश्‍शा “सहे का बर्स ङा मुरुम आल थीबा? सारा ९० बर्स दुम्‍शा, आल थिने चाप्‍‍बा?” दे आंम कली देंमाक्‍त। उत्‍पत्ती १८:१२; उत्‍पत्ती २१:६; लूका १:१८; रोमी ४:१९-२१

उत्पत्ती 21:6

मिनु सारामी “परमप्रभुमी आं कली रिप्‍पाइक्‍ती। सु सुम एको नेंनीमी, मेको यो गो नु रित्‍नीम। उत्‍पत्ती १८:१२

भजन संग्रह 107:9

मेकोमी तूतू दाक्‍ब आन कली तूपाइक्‍ब। मिनु शोव़लु बेक्‍शो आन कली ब्रोव़शो जचा थोव़कमी रूपाइक्‍ब। लूका १:५३

भजन संग्रह 119:136

गो ङाक्‍नुङ। मारदे हना मुरपुकीमी इन अरेशो लोव़ मटीम।

भजन संग्रह 143:6

गो आं गुइ इन गे दिंनुङ। मिनु कोक्‍त रूमी ब्‍वाक्‍कु माल्‍शो खोदेंशो पा, आं थुंमी इन कली माल्‍ब।ठेयब सेंदा पा। भजन संग्रह ४२:२-३

भजन संग्रह 17:15

गो चहिं ठीक पा बाक्‍शा, थमा पा इन कुल ताइनुङ। सुनी सेंसीशा, इन कली तशा, रूशो खोदेंशो दुम्‍शा, ग्‍येरसीनुङ” देंती।

भजन संग्रह 28:7

परमप्रभु यावे आं सक्ति नु आं तेक्‍तीके बाक्‍ब। गो मेको कली थमा सुइक्‍ता। मोपा आं कली वारच पाइक्‍ती। मोपतीके गो थाम्‍पा ग्‍येरसीशो बाक्‍नुङ। गो आं कुम्‍सोमी मेको कली ठेयब सेल्‍नुङ।

भजन संग्रह 65:4

सु सु इन योव़चा पुंइसीशो बाक्‍नीमी, मेकोपुकी ग्‍येरसीशो बाक्‍नीमी। मेको आन कली इन खिंम बाक्‍पाइक्‍चा कली चाक्‍नीनी। गो इन खिं, इन आंम बाक्‍तीके ङा ब्रोव़शो थोव़कमी रू‍नीकी। भजन संग्रह ६३:३-४; भजन संग्रह ८४:२-५; ब्‍यवस्‍था ४:७

यसैया 25:6

मिनु मुर नेल्‍ल आन परमप्रभु यावेमी सियोन डांडामी रागी नेल्‍ल ङा मुर आन कली थम ठेयब भोज का सेल्‍ब। ब्रोव़शो नु चोक्‍शो अङगुर शांबु नु ब्रोव़शो जचा थोव़क के भोज गेब। मत्ती २२:२-४

यसैया 30:19

यरूसलेमम बाक्‍ब सियोन ङा मुरपुकी, गे लेंशा मङाक्‍नीनी। मेकोमी इन ब्रेश्‍शो नेंशा, इन कली थमा पा शिशी पाइब। इन लोव़ नेंशा, लोव़ लेप्‍ब। यसैया ६५:२४

यसैया 66:10

मिनु गे यरूसलेम कली दाक्‍ब नेल्‍लेमी मेको नु ग्‍येरसीन। गे मेको आ पर्बम रोंका पाइब नेल्‍ल ग्‍येरसीन।

येरमीया 13:17

तन्‍न गेपुकीम मेको मनेंतीनी हना, गो इन ठेयब लेश्‍शो आ पतीके, गो आं थुंम सुइ आन मतुइक्‍चा ङा पा ङाक्‍नुङ। परमप्रभु यावे आ हुल ग्‍याइश्‍शा लाइक्‍चा पुंइसीतीके गो हुइ हुइ पा ङाक्‍नुङ। मिनु आं मिक्‍च रे प्रेक्‍कु दोक्‍ब। येरमीया ८:२३; येरमीया १४:१७; लूका १९:४१

येरमीया 31:25

गो दशो आन कली लेंशा बोल्‍यो सेल्‍नुङमी। मिनु थशो आन कली लेंशा बोल गे‍नुङमी” देंत।

येरमीया 31:9

मेकोपुकी ङाक्‍ना ङाक्‍न जाक्‍नीम। गो मेको आन कली शिशी पा लेश्‍शा चाक्‍नुङमी। गो मेको आन कली खोला आ नेक्‍था गाक्‍पाइक्‍नुङमी। दाइल मपांइसीचा ङा पित्‍थ लांम खुल्‍नुङमी। मारदे हना गो इस्राएल आ आफ दुम्‍शो बाक्‍नुङ। मिनु एफ्राइम आं ङोंइती जरमेशो तौ बाक्‍ब।

येरमीया 9:1

परमप्रभुमी “आं पिया ब्‍वाक्‍कु बुक्‍तीक दुम्‍शो हना, नु आं मिक्‍ची प्रेक्‍कु बुक्‍तीक दुम्‍शो हना, गो नाक्‍दो नाक्‍ती ङाक्‍ङ वा। श्‍येत जशो साइश्‍शो आं मुर आन पर्बम ङाक्‍ङ वा। येरमीया १३:१७; लूका १९:४१

इजीकीएल 7:16

मिनु ब्रोंइशा प्रोक्‍शो नेल्‍ल बेंसी ङा ढुकुर खोदेंशो पा पहाडम बाक्‍नीम। मेको आन मरिम्‍शो पशो आ पर्बम रोंका पा बाक्‍नीम।

इजीकीएल 9:4

“यरूसलेम सहर आ एर ओंथ नेल्‍ल हिरशा मेकेर पशो मूर्ति पूजा नेल्‍ल आन पर्बम सुर्ता नु रोंका पाइब मुर नेल्‍ल आन कुप्‍फीम चिन्‍ड का वोतो” दे माइक्‍तु। प्रकाश ७:३

मत्ती 5:4

आन थुं खाइश्‍शोपुकी आसीक राइनीम। मारदे हना आन थुं नाइक्‍चा ताइनीम। भजन संग्रह १२६:५; प्रकाश ७:१७

मत्ती 5:6

ठीक पशो तचा दाक्‍बपुकी आसीक राइनीम। मारदे हना आन दाक्‍शो ताइनीम। लूका १८:९-१४; यूहन्‍ना ६:३५

लूका 1:53

शोव़लु बेक्‍शो आन कली जचा गेब। शोंप पाइश्‍शो आन कली श्‍येत्‍थ गुइ सोइक्‍ब। भजन संग्रह ३४:११; भजन संग्रह १०७:९

लूका 6:20

मिनु येसुमी शेंसीब आन कली कोव़शा “गे प्रुङग मुर, ग्‍येरसीने। मारदे हना परमप्रभु यावे आ राज्‍य इन के बाक्‍ब। याकूब २:५

लूका 6:22

मुरुमी इन कली आं पर्बम काइ मदाक्‍थु, खेरशा हेला पामेनु, रागीम जरमेशो आ पर्बम इन कली दिप्‍मेनु, गे शुश ग्‍येरसीन। यूहन्‍ना १५:१८-१९

लूका 6:25

मुल शुश जचा ताइबपुकी, हिनीन। मारदे हना नोले जचा मतथु शोव़लु बेक्‍नीनी। मुल रिश्‍शा बाक्‍बपुकी, हिनीन। मारदे हना नोले ङाक्‍शा रोंका पचा माल्‍नीनी।

यूहन्‍ना 11:35

मिनु येसु यो ङाक्‍त।

यूहन्‍ना 4:10

मिनु येसुमी मेको मीश मुर कली “परमप्रभु यावेमी इ कली मार गेचा दाक्‍ब, दे तुइक्‍ताक्‍वी हना, नु ब्‍वाक्‍कु पुंइब, आं कली, सु बाक्‍नुङ, दे तुइक्‍ताक्‍वी हना, आं कली ‘ब्‍वाक्‍कु गेयी’ दे पुंइदी वा। मिनु ब्रोंइचा गेब ब्‍वाक्‍कु गेन वा” दे मदा बाक्‍त। यूहन्‍ना ७:३८-३९

यूहन्‍ना 6:35

मिनु येसुमी “गेना हना यो परमप्रभु यावे नु ब्रोंइ‍चा गेब शोब्‍ले गो नङ। सु सु आं गे पीनीमी, मेको शोव़लु मबेक्‍नीम। मिनु आं कली थमा सुइक्‍बपुकी गेनायो तूतू मदाक्‍नीम। यूहन्‍ना ४:१४; यूहन्‍ना ७:३७

१ कोरिन्‍थी 4:11

मुल यो जचा तूचा मतथु, मरिम्‍शो फेक्‍सीशा, श्‍येत जशा, आंइ बाक्‍तीक खिं यो मबाक्‍ब। २कोरिन्‍थी ११:२३-२७

२ कोरिन्‍थी 11:27

येसु आ लोव़ शेंना शेंन गाक्‍ङानु, शुश गेय पा, शुश श्‍येत जशा, शुश नाक्‍दो इप्‍चा यो मतङ। जचा तूचा यो मतङ। ग्‍यूमी फेक्‍चा यो मतङ। २कोरिन्‍थी ६:५

२ कोरिन्‍थी 12:10

मोपतीके ख्रीस्‍त आ सक्ति तांइसेक्‍ल, दे मारेइ पने मचाप्‍ब दुम्‍ती हना यो, शुक्‍शी लोव़ पाइक्‍चा पुंइसाक्‍यी हना यो, जचा फेक्‍चा मारेइम मजाक्‍दीत्‍ती हना यो, खेदा पचा पुंइसाक्‍यी हना यो नु दोदेंब श्‍येत गेचा पुंइसाक्‍यी हना यो, आं थुं नाइश्‍शा हेम्‍म पा बाक्‍नुङ। मारदे हना गो मारेइ पने मचाप्‍ब दुम्‍ङानु, सक्ति पाइश्‍शो बाक्‍नुङ, दे रुप्‍ता। फिलिप्‍पी ४:१३

२ कोरिन्‍थी 6:10

सुर्ता पशो, तन्‍न गेना हना यो ग्‍येरसीशो बाक्‍नीकी। प्रुङग दुम्‍शो, तन्‍न शुश आन कली शोंप सेल्‍नीकी। मारेइ मथीब दुम्‍शो, तन्‍न मारेइ मारेइमी गाप्‍शो बाक्‍नीकी। फिलिप्‍पी ४:१२-१३

याकूब 1:12

सु इन दातेमी आ थमा सुइक्‍तीके ठीक बाक्‍म कों, मबाक्‍म देय थुं थाम्‍चा पुंइसीशा फाल्‍ने चाप्‍बा, मेको मुर ग्‍येरसेक्‍ल। मेको थुं थाम्‍तीके ठीक दुम्‍त हना, मेको मुरुमी ब्रोंइतीक सिरपेच ताइब। परमप्रभु यावेमी “सुम आं कली दाक्‍बा, मेकोमी ब्रोंइतीक सिरपेच ताइब” दे लोव़ पशो बाक्‍ब। २तिमोथी ४:८

प्रकाश 21:3

मिनु गो ठेयब नित्‍तीके रे ठेयब सेंदा का ग्रूशो नेंता। मेकोमी “कोव़ङीन, परमप्रभु यावे आ बाक्‍तीकेमी मुरपुकी यो बाक्‍नीम। परमप्रभु यावे मुरपुकी नु बाक्‍ब। मेकोपुकी परमप्रभु यावे आ मुर बाक्‍नीम। मिनु परमप्रभु यावे आ मुरपुकी नु बाक्‍ब। प्रस्‍थान २९:४३५; येरमीया ७:२३

प्रकाश 7:16

मुल मेकोपुकी लेंशा शोव़लु मबेक्‍नीम। तूतू मदाक्‍नीम। नां नु अर्को रापमी मेको आन कली गेनायो मनाप्‍ब। यसैया ४९:१०