लूका 6:17 - Sunuwar Bible

¹⁷ मेको मुर आन कली योव़शा, डांडा रे यिमा बाक्‍त। मिनु ठेयब दिंमम जाक्‍दीश्‍शा बाक्‍मानु, येसु आ लोव़ नेंथ एर ओंथ रे शुश मुर खुम्‍सीशा देल्‍मा बाक्‍त। मेकोपुकी यहूदीया रागी, यरूसलेम सहर, टायर नु सीदोन सहर एर ओंथ रे जाक्‍शो बाक्‍मा बाक्‍त।

लूका 6:17 ပူးပေါင်းရင်းမြစ်များ

भजन संग्रह 103:3

मेकोमी इ मरिम्‍शो पशो नेल्‍ल क्‍याम्‍शा गेशो बाक्‍ब। मिनु इ रोइ नेल्‍ल सापाइक्‍ब। भजन संग्रह ३२:१

मत्ती 11:21

“ए खोराजीन, ए बेथसैदा, गेमी तशो छक लाक्‍चा ङा गेय नु चिन्‍ड टायर नु सीदोन ङा मुरपुकीमी तशो नम हना, साइ कना भाङरा फेक्‍शा, पुलु ख्रेक्‍सीशा, आन थुं परमप्रभु यावे गे लेत्‍तेम वा। जोना ३:६

मत्ती 12:15

मिनु येसुमी मेको आन लोव़ पशो तुइश्‍शा, मेकेर रे गाक्‍त। मिनु शुश मुरुमी आ नोले खोइक्‍तेक्‍म। मेकोपुकी रोइ पाइबपुकी यो बाक्‍तेक्‍म। मेको नेल्‍ल आन कली सापाइक्‍तीमी।

मत्ती 14:14

मिनु येसु डोंगा रे तोइश्‍शा, शुश मुर देल्‍शो तशा, मेको आन कली शिशी पा रोइ पाइब आन कली सापाइक्‍तीमी।

मत्ती 15:21

मिनु येसु मेकेर रे लशा, टायर नु सीदोन सहर आ नेक्‍था जाक्‍दीत्‍त।

मत्ती 5:1

मिनु येसुमी शुश मुर आ नोले खोइश्‍शो तशा, डांडा ङोइश्‍शा निस्‍से बाक्‍त। मिनु मेकेर आ शेंसीबपुकी यो जाक्‍मा बाक्‍त।

लूका 5:15

सुइ कली मदेंचा देंशो बाक्‍त हना यो, शुश मुरुमी येसु आ पर्बम लोव़ पामे बाक्‍त। रागी नेल्‍लेम मेको लोव़ ब्रमाक्‍त। येसु आ लोव़ नेंचा कली नु रोइ रे साचा कली शुश मुर येसु आ बाक्‍तीकेम जाक्‍मा बाक्‍त।

लूका 6:12

काबु येसु डांडा का ङोइश्‍शा, नाक्‍दो रे परमप्रभु यावे कली प्रार्थना पवा बाक्‍त। मर्कूस १:३५

लूका 6:16

याकूब आ तौ यहूदा नु इस्‍कारीयोत ङा यहूदा बाक्‍मा बाक्‍त। इस्‍कारीयोत ङा यहूदा चहिं नोले येसु कली साइक्‍चा, दे माल्‍ब आन कली वारच पाइब दुम्‍बाक्‍माक्‍त।

लूका 6:18

का निक्‍शी येसु आ लोव़ नेंथ जाक्‍मा बाक्‍त। का निक्‍शी आन रोइ सापांइसीथ जाक्‍मा बाक्‍त। मिनु वोलम तशो मुरपुकी यो जाक्‍शा, सामा बाक्‍त।