लूका 6:13 - Sunuwar Bible

¹³ मिनु आ दीसा नां सोव़शा, आ नोले खोइक्‍ब आन कली ग्रुम्‍शा, १२ जना आन कली योव़मी बाक्‍त। योव़शो आन कली “सोइश्‍शो” दे नें वोदा बाक्‍त। मत्ती १०:२-४; प्रेरित १:१३

लूका 6:13 ပူးပေါင်းရင်းမြစ်များ

मत्ती 10:2

मोदेंशो अधिकार ताइब आन कली “सोइश्‍शोपुकी” दे यो देंसीब। मेकोपुकी सु सु बाक्‍तेक्‍म देंशा हना, पत्रुस माइश्‍शो सिमोन नु आ दाग्‍यु अन्‍द्रीयास, जब्‍दी आ तौ याकूब नु यूहन्‍ना, मर्कूस ३:१६-१९; लूका ६:१४-१६; प्रेरित १:१३

मत्ती 19:28

येसुमी “नोफा दाइश्‍शा नेनीने, मार ताइनीनी देंशा हना, परमप्रभु यावेमी सेल्‍शो नक सरीङ नु रागीमी दुम्‍शा, रागीम जरमेशो पिप दुम्‍मेनु, आं कली खोइक्‍बपुकी १२ ओटा ठेयब नित्‍तीकेम निश्‍शा, इं इस्राएल ङा १२ थर आन कली निसाफ पाइब दुम्‍नीनी। लूका २२:३०; प्रकाश ३:२१; १कोरिन्‍‍थी ६:२

मत्ती 9:36

शुश मुर आन कली तशा, शिशी पाइक्‍तीमी। मारदे हना गोठला मबाक्‍शो भेडापुकी खोदेंशो पा दशो बाक्‍मा बाक्‍त। १राजा २२:१७; इजीकीएल ३४:५; मर्कूस ६:३४

मर्कूस 6:30

येसु आ सोइश्‍शोपुकी लशा शेंशा, लेश्‍शा जाक्‍मा बाक्‍त। मिनु मार पामे, मार शेंदमे, मेको लोव़ येसु कली शोव़ङमे बाक्‍त। लूका ९:१०; लूका १०:१७

मर्कूस 6:7

मिनु काबु आ १२ जना शेंसीब आन कली ब्रेश्‍शा, निनिक्‍शी पा शेंथ सोइक्‍चा गोवा बाक्‍त। शेंसीब आन कली वोल खेरतीक सक्ति गेवा बाक्‍त। लूका १०:१

लूका 11:49

साइ नेसी परमप्रभु यावे आ तुइक्‍तीक पाइश्‍शोमी ‘गो आं लोव़ शेंब मुर सोइक्‍नुङमी। मेको आं सोइश्‍शो मुर का निक्‍शी आन कली खेदा पा श्‍येत गेनीम, का निक्‍शी आन कली साइक्‍नीम’ देंशो बाक्‍त।

लूका 22:30

आं राज्‍यमी गो नु काथा बाक्‍शा, जचा तूचा ताइनी‍नी। मिनु इं इस्राएल ङा १२ थर आन कली निसाफ पाइनीनी” दे माइक्‍मी बाक्‍त। मत्ती १९:२८

लूका 6:14

मेको १२ जना सु सु बाक्‍मा बाक्‍त देंशा हना, सिमोन, मेको कली पत्रुस यो देंनीम। सिमोन आ लोक्‍ब अन्द्रीयास, याकूब, यूहन्‍ना, फिलीप, बारथोलोमाइ,

यूहन्‍ना 4:33

मिनु शेंसीबपुकीमी “सुइमी जचा थोव़क चाक्‍शा, गेमे कों” देंमुम्‍तेक्‍म।

प्रेरित 1:13

मिनु यरूसलेम सहरम जाक्‍शा ङा मीन, खिं का ङा तला तारी ओव़शा बाक्‍मा बाक्‍त। मोपा बाक्‍बपुकी सु सु बाक्‍मा बाक्‍त देंशा हना, पत्रुस, यूहन्‍ना, याकूब, अन्‍द्रीयास, फिलीप, थोमास, बारथोलोमाइ, मत्ती, अल्‍फयस आ तौ याकूब, सिमोन, मेको कली कनानी यो देंसीब नु याकूब आ तौ यहूदा बाक्‍मा बाक्‍त। लूका ६:१३-१६

एफिसी 2:20

मिनु ख्रीस्‍त आ सोइश्‍शो नु साइ ङा परमप्रभु यावे आ लोव़ पाइबपुकी जग खोदेंशो दुम्‍तेक्‍म। गेपुकी चहिं मेको तारी सेल्‍शो खिं खोदेंशो ननी। ख्रीस्‍त येसु मेको खिं ङा ङोंइती वोइश्‍शो जग फुल्‍लु खोदेंशो बाक्‍ब। मत्ती १६:१८; यसैया २८:१६; १पत्रुस २:४-६ मत्ती १६:१८

एफिसी 4:11

मिनु येसु ख्रीस्‍तम मुर आन कली गेशो गेय मार बाक्‍ब देंशा हना, का निक्‍शी आ सोइश्‍शो दुम्‍नीम, का निक्‍शी परमप्रभु यावे आ लोव़ पाइब दुम्‍नीम, का निक्‍शी ग्‍येरपाइक्‍ब लोव़ नेंपाइक्‍ब दुम्‍नीम, का निक्‍शी थमा सुइक्‍ब आन कली कोव़ब नु शेंब दुम्‍नीम। १कोरिन्‍थी १२:२८; प्रेरित २१:८

हिब्रू 3:1

मोपतीके परमप्रभु यावे आ मुर, आं लोक्‍बपुकी, गे यो स्‍वर्ग रे ब्रेत्‍चा पुंइसीशो बाक्‍नीनी। सोइश्‍शो, दे नें वोइक्‍चा पुंइसीशो नु इं थमा सुइक्‍तीक ङा नेल्‍ल क्‍येङा ठेयब चढ़ेब येसु कली मिम्‍तीने। हिब्रू ४:१४

२ पत्रुस 3:2

इन कली मार फ्रुक्‍पाइक्‍चा दाक्‍ताक्‍ङ देंशा हना, परमप्रभु यावे आ साइ ङा लोव़ पाइब आन ब्रेक्‍शो लोव़ फ्रुक्‍पाइक्‍चा दाक्‍ताक्‍ङ। पाप रे प्रोंइब प्रभु आ अरेशो लोव़ इन कली मिम्‍पाइक्‍चा दाक्‍ताक्‍ङ। इन शेंबपुकीमी इन कली शेंताक्‍मे।

प्रकाश 12:1

मिनु गो सरीङमी ठेयब चिन्‍ड का ताता। मेको चिन्‍ड दोदेंब बाक्‍त देंशा हना, मीश मुर का नां फेक्‍सीशा, तास्‍ला तारी राप्‍शो बाक्‍त। मेको आ पियामी १२ ओटा सोरुल के सिरपेच गुप्‍शो बाक्‍त।

प्रकाश 18:20

मिनु स्‍वर्गमी बाक्‍ब नेल्‍ले ग्‍येरसीने। परमप्रभु यावे आ योव़शोपुकी, ख्रीस्‍त आ सोइश्‍शोपुकी नु परमप्रभु यावे आ लोव़ पाइबपुकी ग्‍येरसीने। मारदे हना, परमप्रभु यावेमी इन कली गेशो श्‍येत आ पर्बम मेको कली सजाइ गेप्‍तु” देंशो नेंता। येरमीया ५१:४८

प्रकाश 21:14

मिनु मेको सहर ङा गारोमी १२ ओटा जग बाक्‍तेक्‍म। मेको जगमी पाठा आ सोइश्‍शो १२ जना आन नें ब्रेक्‍शो बाक्‍तेक्‍म।