लूका 5:33 - Sunuwar Bible

³³ मिनु मेकोपुकीमी “यूहन्‍ना आ शेंसीबपुकी नु फरिसी आन शेंसीबपुकी शुश माइजा बाक्‍शा, प्रार्थना पाइनीम। तन्‍न इन शेंसीबपुकी माइजा मबाक्‍थु, जाइनीम तूनीम” देंमा बाक्‍त।

लूका 5:33 ပူးပေါင်းရင်းမြစ်များ

हितोपदेस 28:9

सुमी परमप्रभु यावे आ अरेशो लोव़ नेंशा मटीबा, मेको आ परमप्रभु कली पुंइतीक लोव़ यो ग्रांग्रा दिशो बाक्‍ब। हितोपदेस १५:८

यसैया 1:15

इन गुइ क्‍युक्‍शा, गो नु लोव़ पनीनु, आं कुल ख्रुइक्‍नुङ। गेपुकीम शुश पुंइतीनी हना यो, गो मनेंनुङ। मारदे हना इन गुइम हुश ख्राक्‍श पशो बाक्‍ब। हितोपदेस १:२८; हितोपदेस १५:२९; यूहन्‍ना ९:३१

जकरिया 7:6

मिनु गे जशा, ब्‍वशा तूती‍नी हना, गे आंम इन पर्बम मपाइ‍नीनी ङा?’ दे‍नो” देंत।

मत्ती 23:13

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना स्‍वर्ग ङा राज्‍य ओव़तीक लां तेक्‍नीनी। गे मओव़नीनी, मिनु अरु आन कली यो ओव़चा मगेनीनी।

मर्कूस 12:40

वोंइश बेक्‍शो मीश मुर आन शोंप नेल्‍ल नेक्‍शा गेशा, दुइश्‍शो दुइश्‍शो प्रार्थना पा कोंइखु पाइनीम। मोदेंशो पाइबपुकीमी अरु आन क्‍येङा शुश सजाइ ताइनीम” देंमाक्‍त। याकूब १:२७

लूका 11:1

काबु येसुमी प्रार्थना पवा बाक्‍त। मिनु प्रार्थना पने थुमानु, आ शेंसीब कामी “हे प्रभु, यूहन्‍नामी दोपा आ शेंसीब आन कली प्रार्थना पचा शेंदा, मोपा आंइ कली यो शेंदीकी” देंमाक्‍त।

लूका 18:12

साता कामी खेयप निक्‍शी माइजा बाक्‍नुङ। क्‍येट ताक्‍गुनु, १० भाग ङा भाग का योक्‍शा गेनुङ’ दे प्रार्थना पवा बाक्‍त। मत्ती २३:२३

लूका 2:37

मिनु आ वोंइश बेक्‍म नोले शुश बर्स ब्रोंइशा, ८४ बर्स दुम्‍माक्‍त। मेकोमी परमप्रभु यावे आ खिं मप्रोंइथु, नाक्‍दो नाक्‍ती मेकेर माइजा बाक्‍शा प्रार्थना पा, परमप्रभु यावे कली ठेयब सेल्‍ना सेल्‍न बाक्‍बाक्‍माक्‍त। १तिमोथी ५:५

लूका 20:47

मेकोपुकीमी वोंइश बेक्‍शो मीश मुर आन खिं रोइक्‍नीमी, दुइश्‍शो प्रार्थना पा कोंइखु पाइनीम। मोदेंशो पाइबपुकी अरु आन क्‍येङा शुश सजाइ ताइनीम” देंमाक्‍त।

लूका 5:32

ठीक पाइब आन कली ब्रेत्‍थ जाक्‍शो मनङ। तन्‍न पापी आन कली ‘इन थुं परमप्रभु यावे गे लेत्‍तीन’ दे ब्रेत्‍थ जाक्‍शो नङ” दे माइक्‍मी बाक्‍त।

लूका 5:34

मिनु येसुमी मेको आन कली “ग्‍युम्‍ले नु काथा बाक्‍मानु, जन्‍ती आन कली माइजा बाक्‍पाइक्‍ने चाप्‍नीनी ङा?

यूहन्‍ना 1:35

मिनु आ नित्‍थ नाक्‍त यूहन्‍ना आ शेंसीब निक्‍शी नु बाक्‍माक्‍त।

यूहन्‍ना 3:25

मिनु यूहन्‍ना आ शेंसीबपुकीमी “दोपा पाप क्‍याम्‍सीबा?” दे यहूदी का नु लोव़ पाम्‍तेक्‍म।

प्रेरित 9:11

“छुल बोक्‍शा ग्‍येत्‍थ माइश्‍शो लां लावो। मेकेर जाक्‍दीश्‍शा, यहूदा आ खिं लशा, टारसस ङा सावल माइश्‍शो मुर कली मालो। मेकोमी प्रार्थना पाइब।