लूका 5:21 - Sunuwar Bible

²¹ मिनु फरिसी नु सास्‍त्रीपुकीमी “ओदेंशो शुक्‍शी लोव़ पाइब सु बाक्‍म? परमप्रभु यावेमी ला पाप क्‍याम्‍ने चाप्‍ब” दे मिम्‍तमे बाक्‍त। फरिसी रिती थिती सेल्‍शा, रिम्‍शो पचा कली कोव़ब यो बाक्‍शो बाक्‍तेक्‍म। सास्‍त्री यहूदी आन कली परमप्रभु यावे आ अरेशो लोव़ शेंब बाक्‍शो बाक्‍तेक्‍म। लूका ७:४९; भजन संग्रह १३०:४; यसैया ४३:२५

लूका 5:21 ပူးပေါင်းရင်းမြစ်များ

भजन संग्रह 103:3

मेकोमी इ मरिम्‍शो पशो नेल्‍ल क्‍याम्‍शा गेशो बाक्‍ब। मिनु इ रोइ नेल्‍ल सापाइक्‍ब। भजन संग्रह ३२:१

भजन संग्रह 130:4

गे माफ गेनीनी। मोपतीके मुर इन कली मान पा हिंचा माल्‍नीम। यसैया ५५:७; रोमी ६:१-२

भजन संग्रह 32:5

मिनु “गो परमप्रभु यावे कली आं पाप शोव़नुङ” देंशा, गो आं मरिम्‍शो पशो इन ङोंइती मख्रुइक्‍तु। मिनु गे आं मरिम्‍शो पशो क्‍याम्‍ताक्‍नी। ठेयब सेंदा पा।

भजन संग्रह 35:5

मेकोपुकी फशेम योल्‍शो भूस खोदेंशो दुम्‍मल। मिनु परमप्रभु यावे आ स्‍वर्ग ङा गेय पाइबमी मेको आन कली खेदा पस ङा पस पवल।

यसैया 1:18

मिनु परमप्रभु यावेमी “जाक्‍कीन, गोपुकी बुक्‍शा, लोव़सी पय। इन पाप हुश खोदेंशो लल बाक्‍त हना यो, फुं खोदेंशो बुश दुम्‍ब। शुश लल बाक्‍त हना यो, मेको ऊन खोदेंशो बुश दुम्‍ब। यसैया ४४:२२; भजन संग्रह ५१:९

यसैया 43:25

गो नङ, इ हेंथे पशो क्‍याम्‍नुङ। गो मेको आं पर्बम पाइनुङ। गो इ पाप लेंशा ममिम्‍नुङ। यसैया ४४:२२; येरमीया ३१:३४

यसैया 44:22

गो इ पाप गोस्‍स खोदेंशो पा जाम्‍पाइक्‍ता। इ हेंथे पशो यो क्‍याम्‍ताक्‍ङ। गे आं गे लेतो। मारदे हना गो इ कली पाप रे प्रोंइतन। यसैया ४३:२५

दानीएल 9:19

आं परमप्रभु, नेनीन। परमप्रभु, आंइ पाप क्‍याम्‍दीन। परमप्रभु, नेनीन। मिनु इन नें आ पर्बम मरिम्‍थु गेय पने। मारदे हना इन सहर नु इन मुर इन नें रे ब्रेत्‍चा पुंइसीशो बाक्‍नीम” दे गो दानीएलमी परमप्रभु कली देंती। येरमीया १४:९

दानीएल 9:9

गोपुकी इन देंशो गन गन पा मटीतक हना यो, परमप्रभु, आंइ होव़प, गे शिशी पाइब नु पाप क्‍याम्‍ब बाक्‍नीनी। भजन संग्रह १३०:४

लेवी 24:16

परमप्रभु यावे आ नें आ पर्बम मरिम्‍शो लोव़ पाइब साइक्‍चा पुंइसीब। इस्राएल ङा मुर बाक्‍त हना यो, अर्को रागी ङा मुर बाक्‍त हना यो, सुम परमप्रभु यावे आ नें आ पर्बम मरिम्‍शो लोव़ पाइबा, मेको साइक्‍चा पुंइसीब। प्रस्‍थान २०:७; मत्ती २६:६५-६६

मीका 7:19

मेकोमी आंइ कली लेंशा शिशी पाइ‍ब। मेकोमी आंइ पाप कली दिम्‍ब। गे आंइ पाप शुश लुक्‍च लशो समुन्‍द्रमी ताइक्‍नीनी।

मत्ती 26:65

मिनु नेल्‍ल क्‍येङा ठेयब चढ़ेबमी आ फेक्‍शो वा खाक्‍शा “ये, परमप्रभु यावे कली शुक्‍शी लोव़ पाइबाक्‍त। मार सांकछी लोव़ माल्‍दा ङा? आ शुक्‍शी पशो लोव़ गे नेल्‍लेमी नेंशा, सांकछी दुम्‍तीनी। लेवी २४:१६; यूहन्‍ना १०:३३; यूहन्‍ना १९:७

मत्ती 9:3

सास्‍त्री का निक्‍शीमी “इ पाप क्‍याम्‍साक्‍व” देंशो नेंशा “मेकोमी परमप्रभु यावे कली शुक्‍शी पाइबाक्‍माक्‍त” दे मिम्‍तमे बाक्‍त। मत्ती २६:६५

लूका 3:8

इन थुं परमप्रभु यावे गे लेश्‍शा, रिम्‍शो फल सिश्‍शो खोदेंशो गेय कोंइदीने। गे ‘इं किकी पिपी अब्राहाम बाक्‍ब’ दे मिम्‍शा, देश पा मबाक्‍कीन। मारदे हना गो इन कली ‘परमप्रभु यावेमी एको फुल्‍लु रे अब्राहाम आ चच युइ सेल्‍ने चाप्‍ब’ देंनुङ।

लूका 5:17

काबु येसुमी शेंना शेंन बाक्‍मेनु, गालील रागी, यहूदीया रागी, नु यरूसलेम सहर रे जाक्‍शो फरिसी नु अरेशो लोव़ शेंबपुकी देल्‍शा, येसु आ नेक्‍था निस्‍समा बाक्‍त। परमप्रभु आ सापाइक्‍तीक सक्ति येसु नु बाक्‍माक्‍त।

लूका 5:22

मिनु येसुमी मेको आन मिम्‍शो तुइश्‍शा, मेको आन कली “मारदे इन थुंम मोदेंशो मिम्‍तीनी?

लूका 7:49

मिनु येसु नु काथा जाइबपुकीमी “पाप क्‍याम्‍ने चाप्‍ब, एको सु बाक्‍म माइ?” देंमुमा बाक्‍त। लूका ५:२१

यूहन्‍ना 10:33

यहूदीपुकीमी “रिम्‍शो गेय पतीक आ पर्बम इ कली फुल्‍लु मआप्‍नीकी। तन्‍न परमप्रभु यावे आ पर्बम मरिम्‍शो लोव़ पतीके इ कली फुल्‍लु आप्‍चाइतक। गे मुर दुम्‍शा यो, परमप्रभु यावे नु उइक्‍थ नङ देंनेवे” देंतेक्‍म। मत्ती ९:३; मत्ती २६:६५; यूहन्‍ना ५:१८

रोमी 8:33

परमप्रभु यावे आ योव़शो आन कली सुमी दोस गेने चाप्‍बा ङा? सुइमी मचाप्‍नीम। मारदे हना परमप्रभु यावेमी मेको आन कली ठीक दुम्‍पाइक्‍तु। यसैया ५०:८