लूका 5:20 - Sunuwar Bible

²⁰ मिनु येसुमी मेको आन थमा सुइक्‍शो तुइश्‍शा, मेको कली “आं वारच, इ पाप क्‍याम्‍शा गेतन” दे मदा बाक्‍त।

लूका 5:20 ပူးပေါင်းရင်းမြစ်များ

उत्पत्ती 22:12

मेकोमी “इ तौ कली मक्‍योरो। मेको कली मारेइ मपतो। मारदे हना गे परमप्रभु कली मान पा हिंबाक्‍ते। गो मुल तुइक्‍ताक्‍ङ। गे इ का ला बाक्‍शो तौ आं कली गेचा ठीक पाप्‍तीवी। इ का ला तौ यो आं कली गेचा टीबाक्‍ते” देंमाक्‍त। रोमी ८:३२; हिब्रू ११:१७

यसैया 38:17

एको श्‍येत थमा पा आं कली ब्रोंइचा कली बाक्‍त। गे आं कली दाक्‍शा, श्‍येत रे ग्रुंइताक्‍यीनी। मारदे हना गे आं पाप नेल्‍ल क्‍याम्‍ताक्‍नी। भजन संग्रह ३२:५; मीका ७:१८-१९

मत्ती 9:2

मिनु मार दुम्‍माक्‍त देंशा हना, आ गुइ खोइल मदुक्‍ब मुर का कली आ ब्राख्‍येमी कुरशा चाक्‍गमे बाक्‍त। मिनु येसुमी “मेको मुर कली चाक्‍बपुकीमी थमा सुइक्‍यीमी बाक्‍त” दे तुइश्‍शा, मेको गुइ खोइल मदुक्‍ब कली “आं तौ, इ पाप क्‍याम्‍साक्‍व। मिनु इ थुं बारपतो” दे मदा बाक्‍त। प्रस्‍थान ३४:६-७; भजन संग्रह १०३:३

मत्ती 9:5

‘इ पाप क्‍याम्‍साक्‍व’ देंचा देय ‘छुल बोक्‍शा एर ओंथ हिरशा कोंइदो’ देंचा तेको सज्‍लो बाक्‍बा?

मर्कूस 2:5

मिनु येसुमी मेको आन कली मो पशो तशा, थमा सुइय्‍‍यीमी बाक्‍त, दे तुइक्‍ता बाक्‍त। मिनु गुइ खोइली मदुक्‍ब कली “आं तौ, इ पाप क्‍याम्‍साक्‍व” देंमाक्‍त।

लूका 7:48

मिनु मीश मुर कली “इ पाप क्‍याम्‍साक्‍व” दे मदा बाक्‍त।

यूहन्‍ना 2:25

मारदे हना मुर नेल्‍ल आन कली तुइश्‍शा, आन पर्बम लोव़ नेंचा ममाल्‍द। आन थुंमी मार बाक्‍मे, मेको नेल्‍ल तुइश्‍शो बाक्‍त। मर्कूस २:८

यूहन्‍ना 5:14

मिनु नोले येसुमी मेको साशो मुर कली परमप्रभु यावे आ खिंमी ग्रुम्‍तु। मिनु “गे साते। मेको क्‍येङा ठेयब रोइ मपचा कली गे लेंशा पाप मपावो” दे माइक्‍तु। यूहन्‍ना ८:११

प्रेरित 11:23

बारनाबास एन्‍टीओकम जाक्‍दीश्‍शा, परमप्रभु यावेमी शुश मुर आन कली शिशी पा आन थुं लेप्‍पाइश्‍शो तशा थाम्‍पा ग्‍येरसे बाक्‍त। मिनु मेको आन कली “मार दुम्‍त हना यो, प्रभु कली मप्रोंइचा, है” दे आन थमा सुइक्‍तीक थुं बारपाइक्‍मी बाक्‍त।

प्रेरित 14:9

काबु मेको खोइल मदुक्‍ब मुरुमी पावल आ शेंशो लोव़ थाम्‍पा नोफा दाइश्‍शा नेंना बाक्‍त। मिनु पावलमी मोपा नोफा दाइश्‍शा नेंशो तशा, मेकोमी साबाक्‍ती, दे थमा सुदा बाक्‍त, दे तुइश्‍शा, मत्ती ९:२८

२ कोरिन्‍थी 2:10

गेपुकीमी सु सु आन कली माफ गेनी, गो यो मेको आन कली माफ गेता। माफ गेङानु, इन पर्बम ख्रीस्‍त आ ङोंइती गेता। यूहन्‍ना २०:२३

कलस्‍सी 3:13

का निक्‍शीमी दोस गेचा पुंइसाक्‍म हना, फाल्‍मुशा, माफ गेमुशा बाक्‍कीन। प्रभुमी दोपा इन कली माफ गेवा, मोपा माफ गेमुने। एफिसी ४:२; मत्ती ६:१४; एफिसी ४:३२

याकूब 2:18

मुर का निक्‍शीमी “गे थमा सुइक्‍ब दुम्‍तीनी। गो चहिं परमप्रभु यावे आ गेय पाइब दुम्‍तक। मोपतीके इन थमा सुइश्‍शो कोंइदीन। इन गेय कोंइचा ममाल्‍नीनी। गो यो आंइ पशो गेय रे आंइ थमा सुइक्‍तीके कोंइनीकी” देंने चाप्‍नीम। गलाती ५:६