लूका 5:17 - Sunuwar Bible

¹⁷ काबु येसुमी शेंना शेंन बाक्‍मेनु, गालील रागी, यहूदीया रागी, नु यरूसलेम सहर रे जाक्‍शो फरिसी नु अरेशो लोव़ शेंबपुकी देल्‍शा, येसु आ नेक्‍था निस्‍समा बाक्‍त। परमप्रभु आ सापाइक्‍तीक सक्ति येसु नु बाक्‍माक्‍त।

लूका 5:17 ပူးပေါင်းရင်းမြစ်များ

मत्ती 11:5

‘मिक्‍च मताइबपुकीमी मिक्‍च ताइबाक्‍तेक्‍म, खोइल मदुक्‍बपुकी गाक्‍बाक्‍तेक्‍म, कोर पाइब साबाक्‍तेक्‍म, नोफा मनेंबपुकी नेंबाक्‍तेक्‍म, बेक्‍शो मुर बेक्‍शो रे सेंसीशा ब्रोंइबाक्‍तेक्‍म। महिक्‍सीशो मुरपुकीम ग्‍येरपाइक्‍ब लोव़ नेंबाक्‍तेक्‍म’ यसैया ३५:५-६; यसैया ६१:१

मत्ती 15:1

मिनु फरिसी नु सास्‍त्रीपुकी यरूसलेम रे येसु कली ग्रुम्‍थ जाक्‍शा

मर्कूस 1:45

मिनु साशो मुर मेकेर लशा, दोपा सामे, मेको लोव़ तेइ तेइ ब्रपदा बाक्‍त। मोदेंशो लोव़ ब्रतीके येसु सहर सहरमी गाक्‍ने मचबा बाक्‍त। मोपतीके शुश मुर मबाक्‍तीकेमी बाक्‍माक्‍त। तन्‍न मुरपुकी तेइ तेइ रे जाक्‍बाक्‍मा बाक्‍त।

मर्कूस 16:18

बुस्‍स ग्‍याइक्‍ताक्‍म हना यो, ओश्‍येर तूतेक्‍म हना यो, मेको आन कली मारेइ मदुम्‍ब। रोइ पाइब आन तारी गुइ चाक्‍शा प्रार्थना पामेनु, सानीम” दे माइक्‍मी बाक्‍त। लूका १०:१९; प्रेरित २८:३-६; याकूब ५:१४-१५

मर्कूस 3:22

यरूसलेम रे यिशो सास्‍त्रीपुकीमी “बेल्‍जीबुलमी सुम्‍शो बाक्‍माक्‍त। वोल आन पिप आ सक्तिमी वोल आन कली खेरबाक्‍माक्‍त” देंमा बाक्‍त। मत्ती ९:३४

मर्कूस 5:30

येसुमी आइक्‍के सापाइक्‍तीक सक्ति ग्रूशो तुइश्‍शा, फिर लेश्‍शा कोव़शा “सुम आं फेक्‍शो वा थिवा?” दे हिल्‍लो पवा बाक्‍त। लूका ६:१९

मर्कूस 7:1

फरिसीपुकी नु सास्‍त्री का निक्‍शी यरूसलेम रे यिशा, येसु आ बाक्‍तीकेम जाक्‍मा बाक्‍त।

लूका 15:2

मिनु फरिसी नु सास्‍त्रीपुकीमी तिरो पोक्‍ब नु पापी शुश येसु नु काथा बाक्‍शा जशो तशा “मेको मुरुमी पापी आन कली ब्राइब। पापीपुकी नु काथा बाक्‍शा, खमे जाइब” दे आन थुं मनुथु, लोव़ पामे बाक्‍त। लूका ५:३०; लूका १९:७

लूका 2:46

नाक्‍दो नाक्‍ती सां सम्‍म माल्‍ना माल्‍न गाक्‍सा नोले परमप्रभु यावे आ खिंम थित्‍से बाक्‍त। मेको परमप्रभु यावे आ लोव़ शेंबपुकी नु बाक्‍शा, आन लोव़ नेंशा, मेको आन कली लोव़ हिल्‍लो पना पन बाक्‍शो ताम्‍से बाक्‍त।

लूका 5:21

मिनु फरिसी नु सास्‍त्रीपुकीमी “ओदेंशो शुक्‍शी लोव़ पाइब सु बाक्‍म? परमप्रभु यावेमी ला पाप क्‍याम्‍ने चाप्‍ब” दे मिम्‍तमे बाक्‍त। फरिसी रिती थिती सेल्‍शा, रिम्‍शो पचा कली कोव़ब यो बाक्‍शो बाक्‍तेक्‍म। सास्‍त्री यहूदी आन कली परमप्रभु यावे आ अरेशो लोव़ शेंब बाक्‍शो बाक्‍तेक्‍म। लूका ७:४९; भजन संग्रह १३०:४; यसैया ४३:२५

लूका 5:30

मिनु फरिसी नु सास्‍त्रीपुकीमी मेको आन कली काथा बाक्‍शो तशा, आन थुं मनुथु येसु आ शेंसीब आन कली “मारदे गे तिरो पोक्‍ब नु पापीपुकी नु काथा बाक्‍शा जाइनीनी?” देंमा बाक्‍त।

लूका 6:19

रोइ पाइबपुकीमी येसु कली थिचा माल्‍मे बाक्‍त। मारदे हना येसु आ सक्तिम मेको नेल्‍ल आन रोइ साबाक्‍मा बाक्‍त।

लूका 7:30

फरिसी नु सास्‍त्रीपुकीमी चहिं यूहन्‍ना आ लोव़ नेंशा “ब्‍वाक्‍कुम मख्रुम्‍पांइसीनीकी” दे परमप्रभु यावे कली थमा मसुइक्‍थु बाक्‍मा बाक्‍त। मेकोपुकीमी परमप्रभु आ पावो, दे देंशो लोव़ मपामे बाक्‍त। प्रेरित १३:४६

लूका 8:46

येसुमी चहिं “मुर कामी आं कली थिती। मारदे हना आं सक्ति लशो तुइक्‍ताक्‍ङ” देंमाक्‍त।

यूहन्‍ना 3:10

मिनु येसुमी “गे इस्राएली आन कली शेंब दुम्‍शा यो, एको लोव़ मतुइक्‍नीनी?

यूहन्‍ना 3:21

सुमी चहिं थमा पा रिम्‍शो गेय पाइबा, मेको छेङछेङमी लाइब। मारदे हना आ रिम्‍शो गेय परमप्रभु यावे कली टिशो नेल्‍ल तांइसेक्‍ल, दे छेङछेङमी लाइब। १यूहन्‍ना १:६-७

प्रेरित 19:11

मिनु परमप्रभु यावेमी शुश छक लाक्‍चा ङा गेय पावल आ गुइ रे पा कोंइदा बाक्‍त। प्रेरित १४:३; २कोरिन्‍थी १२:१२

प्रेरित 4:30

परमप्रभु यावे, इन गेय पाइब येसु आ नें ब्रशा, सापाइक्‍तीक गेय, छक लाक्‍चा ङा गेय नु चिन्‍ड कोंइने चाप्‍कल, दे पुंइनीकी” दे प्रभु कली ठेयब सेल्‍शा पुन्‍मे बाक्‍त।

प्रेरित 5:34

मिनु मेको आन दातेमी गमालीएल माइश्‍शो फरिसी का बाक्‍माक्‍त। मेको निसाफ पतीक आ पर्बम शेंब बाक्‍माक्‍त। मुर नेल्‍लेमी मेको कली मान पाइबाक्‍मा बाक्‍त। मिनु गमालीएलमी मेकेर बाक्‍ब आन कली मोपा गाइश्‍शो तशा, सोइश्‍शो आन कली लाङगा ग्रुंइशा वोइक्‍मी बाक्‍त। प्रेरित २२:३