लूका 5:12 - Sunuwar Bible

¹² मिनु काबु येसु आ शेंसीबपुकी नु सहर कामी बाक्‍मेनु, कोव़र पाइब मुर का कली ग्रुमा बाक्‍त। मिनु मेको कोव़र पाइबमी येसु कली तशा, आ ङोंइती बाप्‍शा “प्रभु, सापाइक्‍चा दाक्‍ताक्‍नी हना, आं कली सापाइक्‍ने चाप्‍नीनी” देंमाक्‍त।

लूका 5:12 ပူးပေါင်းရင်းမြစ်များ

उत्पत्ती 18:14

गो परमप्रभु यावे नङ। गो नेल्‍ल पने चाप्‍नुङ। गो माइक्‍थ लेश्‍शा जाक्‍ङानु, सारामी तौ थिशो बाक्‍ब” देंमाक्‍त। मत्ती १९:२६; लूका १:३७

१ राजा 18:39

मिनु मुर नेल्‍ल मेको तशा, खुम्‍की पा बाप्‍शा “परमप्रभु यावे, थमा पा परमप्रभु बाक्‍माक्‍त। परमप्रभु यावे, थमा पा परमप्रभु बाक्‍माक्‍त” देंमा बाक्‍त।

२ राजा 5:1

नामान अराम ङा पिप आ लडाइ पाइब आन ठेयब मुर बाक्‍माक्‍त। मेको आ होव़पम मेको कली शुश दाक्‍बाक्‍माक्‍त। मेको शुश हिक्‍सीशो मुर का बाक्‍माक्‍त। मारदे हना मेकोम पतीकेन परमप्रभु यावेम अराम कली ग्रापाइश्‍शो बाक्‍माक्‍त। मिनु मेको थम सक्ति पाइश्‍शो लडाइ पाइब मुर यो बाक्‍माक्‍त। तन्‍न मेको कोव़र पशो बाक्‍माक्‍त।

२ राजा 5:27

मुल नामान आ कोव़र पतीक रोइ गे नु इ चच युइ इन खिंम गेना हना यो खोक्‍शा लीब” दे मदा बाक्‍त। मिनु गेहाजी मेको आ ङोंइती रे लमाक्‍त। मिनु मेको फुं खोदेंशो पा बुश पा कोव़र मुमाक्‍त।

२ राजा 7:3

मिनु मेको सहर ङा लाप्‍चो आ ङोंइती ४ जना कोव़र पशो मुर बाक्‍मा बाक्‍त। मिनु मेकोपुकीम “गो मबेक्‍या सम्‍म मारदे एकेर बाक्‍नया? लेवी १३:४६

१ इतिहास 21:16

मिनु दाऊदमी इर गे कोव़ङानु, परमप्रभु यावे आ स्‍वर्ग ङा गेय पाइब का सरीङ नु रागी आस दातेमी राप्‍शा, आ गुइमी शोइश्‍शो तरवार का यरूसलेम गे दिंशो तवा बाक्‍त। मिनु दाऊद नु मेको नु बाक्‍शो खूशोपुकी भाङग्रा फेक्‍शा खुम्‍की पा बाम्‍मा बाक्‍त।

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

भजन संग्रह 91:15

मेकोमी आं कली थोइब। मिनु गो आ लोव़ लेत्‍नुङ। मेको श्‍येत जवानु, गो मेको नु बाक्‍नुङ। मेको कली श्‍येत रे प्रोंइशा, मान ताइब सेल्‍नुङ। भजन संग्रह ५०:१५

प्रस्‍थान 4:6

मिनु परमप्रभु यावेमी लेंशा “इ गुइ इ फेक्‍शो वा आगाम वोतो” देंत। मिनु मोसामी मो पाप्‍तु। मिनु नोले आ गुइ ग्रुंइशा कोव़ङानु, कोव़र मुशा बुश दुम्‍‍‍शो ताप्‍तु।

लेवी 13:16

तन्‍न मेको तांइसीशो श्‍ये लेंशा बुश दुम्‍त हना, मेको मुर लेंशा चढ़ेब आ बाक्‍तीक लचा माल्‍ब।

लेवी 9:24

मिनु परमप्रभु यावे आ ङोंइती रे मी ग्रूशा, चढ़ेतीकेम बाक्‍शो चोशा चढ़ेतीक नु मेक बाक्‍शो बोंसो नेक्‍तु। मिनु मुरपुकीमी मेको तशा, ठेयब सेंदा पा ग्‍येरसीशा, खुम्‍की पा बाप्‍तेक्‍म। न्‍यायाधीस ६:२१; १राजा १८:३८; १इतिहास २१:२६; २इतिहास ७:१

मत्ती 26:6

काबु येसु नु आ शेंसीबपुकी बेथानी ङा कोर पशो सिमोन आ खिंमी खमे जना जन बाक्‍मानु,

मत्ती 9:28

मिनु खिं ओव़मेनु, मेको निक्‍शी यो ओव़ताक्‍स। मिनु येसुमी “गो इस कली सापाइक्‍ने चाप्‍नन्‍सी, दे थमा सुइक्‍नीसी?” देंमेनु “थमा सुइक्‍नस्‍कु, प्रभु” देंताक्‍स। प्रेरित १४:९

मर्कूस 5:23

“आं तमी बेक्‍चा चिक्‍ताक्‍व। आं खिं लशा, इन गुइ आं आल आ तार वोतीने। मिनु आ रोइ साशा ब्रोंइब” दे पुना बाक्‍त।

लूका 17:16

मिनु दोरशा पिशा, येसु आ ङोंइती बाप्‍शा खुम्‍की पा “प्रभु, गे आं कली रिम्‍शो पाइतीनी” दे सेउ पवा बाक्‍त। मेको सामरीया ङा मुर बाक्‍माक्‍त।

लूका 5:13

मिनु येसुमी कोव़र पाइब कली थिशा “गो सापाइक्‍चा दाक्‍नुङ” देंमेनु, मेको कोव़र पशो मुर सा‍माक्‍त।

ब्‍यवस्‍था 24:8

कोव़र मुतीक तशा होस पा बाक्‍कीन। चढ़ेब, लेवीपुकीमी मेको आ पर्बम इन कली शेंशो खोदेंशो पा नेल्‍ल पचा माल्‍नीनी। गो मेको आन कली अरेशो खोदेंशो पा होस पा बाक्‍कीन।

हिब्रू 7:25

मोदुम्‍तीके येसु रे पा परमप्रभु यावे आ ङोंइती जाक्‍दीश्‍शो आन कली येसुमी गेना हना यो वारच पने चाप्‍ब। मारदे हना मेको आन पर्बम गेना हना यो परमप्रभु यावे आ ङोंइती बाक्‍शा पुंइशो बाक्‍ब। रोमी ८:३४; १यूहन्‍ना २:१

यहोसु 5:14

मिनु मेकोमी “ममाइ, गो परमप्रभु यावे आ फौज आन कली चलेब नङ। मोपतीके जाक्‍ती” देंत। मिनु यहोसुमी गु बाप्‍शा सेउ पशा “आं प्रभु, गो इन गेय पाइब नङ। आं कली मार लोव़ पाइनीनी?” दे हिल्‍लो पाप्‍तु।