लूका 4:6 - Sunuwar Bible

⁶ “रागी, रागीमी बाक्‍शो नेल्‍ल शोंप आं के नम। रागी नेल्‍ल आन कली हुकुम पाइब यो गो नङ। गो मेको इ कली गेनुङ। मारदे हना सु कली गेचा दाक्‍तु, मेको कली गेने चाप्‍नुङ।

लूका 4:6 ပူးပေါင်းရင်းမြစ်များ

एस्‍तर 5:11

मिनु मेको आन कली “आं शोंप, आं थेरशो रू नु शुश तौ बाक्‍नीम। मिनु पिपमी सासन पाइब नु गेय पाइब नेल्‍ल आन क्‍येङा आं कली शुश मान गेशो बाक्‍ब” दे आ नें बोरपाइश्‍शा लोव़ पाप्‍तु।

यसैया 23:9

मिनु मुर नेल्‍ल आन परमप्रभु यावेमी मेको मिम्‍ताक्‍व। आ शुश दारस आ पर्बम ठेयब लेत्‍तीके खतम सेल्‍चा नु आ मान पाइक्‍चा पुंइसीब आन कली मुने तोक्‍चा कली मिम्‍ताक्‍व।

यसैया 5:14

बेक्‍शो मुर आन बाक्‍तीकेम मेको आन कली दाक्‍चा कली आ शोव़ पाक्‍शो बाक्‍ब। मिनु यरूसलेम ङा ठेयब मुर नेल्‍ल नु मेकेर रेयके पा बाक्‍ब नेल्‍ल नरक आ शोव़म ओव़नीम।

लूका 4:7

गे आं ङोंइती बाप्‍शा, आं कली ठेयब सेल्‍तीवी हना, मेको नेल्‍ल इ कली गेनन” देंमाक्‍त।

यूहन्‍ना 12:31

मुल रागी नेल्‍ल ङा मुर आन कली निसाफ पची नाक्‍त जाक्‍त। मुल रागी कली हुकुम पाइब कली तिल्‍नीम। यूहन्‍ना १४:३०; यूहन्‍ना १६:११; लूका १०:१८

यूहन्‍ना 14:30

मुल ङा मेरे शुश मशेंनन्‍नी। मारदे हना रागी ङा मुर आन कली हुकुम पाइब जाक्‍ब। मेकोमी आं कली ग्राने मचाप्‍ब। यूहन्‍ना १२:३१; एफिसी २:२

यूहन्‍ना 8:44

इन आफ सैतान बाक्‍ब। मिनु गे इन आफ आ दाक्‍शो पचा दाक्‍नीनी। मेको चहिं ङोंइती रे मुर आन कली साइक्‍ब नु जोल पाइब बाक्‍त। मारदे हना मेको नु थमा देंशो बाक्‍सीन मबा। मोपतीके जोल ला पाइब। मेको जोल पना पन बाक्‍ब। जोल आ आफ बाक्‍त। १यूहन्‍ना ३८-१०; उत्‍पत्ती ३:४,१९

२ कोरिन्‍थी 11:14

मोपा गाक्‍तेक्‍म हना यो, मेको आन मोदेंशो पशो छक लाक्‍चा ङा ममाइ। मारदे हना सैतान यो परमप्रभु यावे आ स्‍वर्ग ङा गेय पाइब खोदेंब दुम्‍खु पा गेय पा गाक्‍ब।

एफिसी 2:2

मिनु रागी ङा मुर आन लां खोइक्‍तीनी। मोपा फशेम हुकुम पाइब, सैतान आ देंशो टीब बाक्‍तीनी। मेको आ सोक्‍ती परमप्रभु परमप्रभु यावे कली मटीब आन आगाम बाक्‍ब। तीतस ३:३; एफिसी ६:१२; यूहन्‍ना १२:३१

१ पत्रुस 1:24

परमप्रभु यावे आ देंशो लोव़ मार बाक्‍त देंशा हना, रागी ङा मुर नेल्‍ल घांस खोदेंशो बाक्‍नीम। मेको आन दार‍स बोइश्‍शो फू खोदेंशो बाक्‍ब। आ घांस सोव़ब, मिनु फू यो हेम्‍ब। याकूब १:१०-११

१ यूहन्‍ना 5:19

मिनु गोपुकीमी “गोपुकी परमप्रभु यावे आ मुर नय” तन्‍न सैतानमी नेल्‍ल रागी ङा मुर आन कली हुकुम पाइब, दे तुइक्‍नय। गलाती १:४

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८

प्रकाश 13:2

मिनु आं तशो जन्‍तु जोइ खोदेंशो बाक्‍त। आ खोइल चहिं वां के खोदेंशो बाक्‍त। आ शोव़ गुप्‍स आ शोव़ खोदेंशो बाक्‍त। मिनु मेको ठेयब बुस्‍सुमी आ सक्ति आ नित्‍तीके नु आ ठेयब अधिकार मेको जन्‍तु कली गेप्‍तु।

प्रकाश 13:7

मेकोमी परमप्रभु यावे आ योव़शो मुरपुकी नु लडाइ पशा, ग्राचा कली अधिकार तशो बाक्‍त। मिनु मेको कली जात नेल्‍ल, मुर नेल्‍ल, आंम आंम लोव़ पाइब नु रागी रागी ङा मुर नेल्‍ल आन कली सासन पतीके अधिकार यो गेशो बाक्‍त। प्रकाश ११:७; दानीएल ७:२१