लूका 4:43 - Sunuwar Bible

⁴³ मिनु येसुमी “अर्को सहर लचा माल्‍नुङ। मारदे हना गो मेकेर ङा मुर आन कली यो परमप्रभु यावे आ राज्‍य ङा लोव़ पचा माल्‍नुङ। गो मेको गेय पचा कली सोइश्‍शो नङ” देंमाक्‍त।

लूका 4:43 ပူးပေါင်းရင်းမြစ်များ

यसैया 48:16

आं नेक्‍था जाक्‍शा, एको लोव़ नेनीन। गो ङोंइती रे ख्रुइश्‍शो लोव़ काइ मपङ। एको गोशो रे गो बाक्‍शो नङ। मुल परमप्रभु, परमप्रभु यावेमी आ सोक्‍त गेशा, आं कली सोइक्‍ताक्‍यी” देंत। यसैया ४५:१९

मत्ती 4:23

मिनु गालील रागी तेइ तेइ हिरना हिरन लमानु, येसुमी ग्रुम्‍तीक खिंमी स्‍वर्ग ङा राज्‍य ङा ग्‍येरपाइक्‍ब लोव़ शेंना शेंन नु रोइ पशो नु रोइमी गुरशो मुर नेल्‍ल आन कली सापाइक्‍ना पाइक्‍न गाक्‍बाक्‍माक्‍त।

मर्कूस 1:35

आ दीसा सुनी नां मसोव़थु, येसु बोक्‍शा मेकेर रे गाक्‍शा, सुइ मबाक्‍तीकेमी जाक्‍दीश्‍शा, प्रार्थना पवा बाक्‍त। मत्ती १४:२३; मत्ती २६:३६; लूका ५:१६; लूका ११:१

यूहन्‍ना 20:21

मिनु लेंशा येसुमी मेको आन कली “इन थुं नाइश्‍शा बाक्‍कीन। आं आफोमी दोपा सोइक्‍ती, मोपा गो इन कली यो सोइक्‍ताक्‍नन्‍नी” दे माइक्‍तीमी। यूहन्‍ना १७:१८

यूहन्‍ना 9:4

मिनु गोपुकीमी आं कली सोइक्‍ब आ गेय नाक्‍ती पचा माल्‍नय। नां रिक्‍मेनु, सुइमी गेय पने मचाप्‍नीम। यूहन्‍ना ५:१७; येरमीया १३:१६

प्रेरित 10:38

परमप्रभु यावेमी मेको नासरथ ङा येसु कली आ सोक्‍तीम प्रिंशा, आ सक्ति पाइश्‍शो सेल्‍तु। मिनु परमप्रभु यावे आ सक्ति पाइश्‍शो दुम्‍शा, तेइ तेइ गाक्‍शा मुर आन कली रिम्‍शो पाप्‍तु। वोलम तशो आन कली वोल खेरशा सापाइक्‍तु। सैतानमी दिप्‍शा वोइश्‍शा श्‍येत गेशो आन कली श्‍येत रे प्रोंइतीमी। मारदे हना परमप्रभु यावे मेको नु बाक्‍त। मत्ती ३:१६

२ तिमोथी 4:2

“परमप्रभु यावे आ लोव़ पावो। नेंचा दाक्‍ताक्‍म हना यो, मदाक्‍ताक्‍म हना यो, शेंदीमी। मरिम्‍शो पाइब आन कली लोव़ पावो। मुर आन कली ‘ठीक पचा’ दे शेंदो। आन थुं बारपतो। नेल्‍ल आन कली फाल्‍शा, रिम्‍शो शेंदो। प्रेरित २०:२०,३१