लूका 4:23 - Sunuwar Bible

²³ मिनु येसुमी मेको आन कली “गे इच्‍ची ना आं कली ‘मुर आन कली सापाइक्‍ब, गे इ कली यो सापतो’ देंतीक लोव़ देंनीनी। मिनु ‘गो कापेरनाउम सहरम चिन्‍ड नु छक लाक्‍चा ङा गेय पशो नेंतक। मुल इ कोल्‍तीक सहरम, एकेर यो मोदेंशो पावो’ दे आं कली देंनीनी” देंमाक्‍त।

लूका 4:23 ပူးပေါင်းရင်းမြစ်များ

मत्ती 13:54

मिनु लशा, आ बाक्‍शो सहरम जाक्‍दीश्‍शा, ग्रुम्‍तीक खिंमी शेंताक्‍व। शेंदानु, आ लोव़ नेंबपुकीमी छक लाक्‍शा “आमाइ, एकोमी ओदेंशो लोव़ दोपा जोक्‍गा? सु आ सक्तिमी छक लाक्‍चा ङा गेय पवा?

मत्ती 4:13

मिनु नासरथ रे लशा ङा मिन, जबूलून नु नाप्‍ताली रागी ङा समुन्‍द्र आ नेक्‍था ङा कापेरनाउम सहरम जाक्‍दीश्‍शा बाक्‍माक्‍त।

मत्ती 4:23

मिनु गालील रागी तेइ तेइ हिरना हिरन लमानु, येसुमी ग्रुम्‍तीक खिंमी स्‍वर्ग ङा राज्‍य ङा ग्‍येरपाइक्‍ब लोव़ शेंना शेंन नु रोइ पशो नु रोइमी गुरशो मुर नेल्‍ल आन कली सापाइक्‍ना पाइक्‍न गाक्‍बाक्‍माक्‍त।

मर्कूस 6:1

मिनु मेकेर रे लशा, आ बाक्‍तीके सहरमी जाक्‍दीम्‍माक्‍त। आ शेंसीबपुकी यो खोइश्‍शा लमा बाक्‍त।

लूका 2:39

मिनु परमप्रभु आ अरेशो पचा माल्‍शो गेय नेल्‍ल थुम्‍शा, आल कली लाइश्‍शा, गालील रागी ङा नासरथ सहरम लेस्‍सा बाक्‍त।

लूका 2:51

मिनु येसु आ आम आफ नु लेश्‍शा, नासरथ आ खिं लमाक्‍त। में ङा मेरे आ आम आफ आस लोव़ टिशा बाक्‍माक्‍त। आ ममामी मेको मोदेंशो दुम्‍शो नेल्‍ल शुश मिम्‍शा थुंम वोदा बाक्‍त।

लूका 4:16

मोपा हिरना हिरन गाक्‍मेनु, काबु आ कोल्‍तीक नासरथ सहरम जाक्‍दीम्‍माक्‍त। आल रेन नाइक्‍तीक नाक्‍ती ग्रुम्‍तीक खिं लशो खोदेंशो पा, ग्रुम्‍तीक खिं लशा, परमप्रभु यावे आ लोव़ पढेचा कली राम्‍माक्‍त।

लूका 4:31

मिनु नोले गालील रागी ङा कापेरनाउम सहर ब्रुम्‍‍माक्‍त। मिनु नाइक्‍तीक नाक्‍ती ग्रुम्‍तीक खिं लशा, मुर आन कली शेंदा बाक्‍त।

लूका 4:35

मिनु येसुमी वोल कली “रेयके मपथु, ग्रूङो” दे हुइक्‍ता बाक्‍त। मिनु वोलमी मुर कली श्‍येत मगेथु, दिङ खोल्‍शा वोइश्‍शा ग्रूमाक्‍त।

लूका 6:42

इन मिक्‍चीम मुढा बाक्‍त हना, दोपा इन लोक्‍ब कली ‘आं लोक्‍ब, इ मिक्‍चीम बाक्‍शो कसीङगर फेत्‍नुङ’ देंने चाप्‍नीनी ङा? गे कपटी, ङोंइती इन मिक्‍चीम बाक्‍शो मुढा फेत्‍तीने। मिनु मिक्‍च ठीक ताइब दुम्‍शा ला, इन लोक्‍ब आ मिक्‍चीम बाक्‍शो कसीङगर फेन्‍ने चाप्‍नीनी।

यूहन्‍ना 4:28

मिनु मीश मुरुमी आ गर प्रोंइ‍शा, सहर लत। मिनु सहर जाक्‍दीश्‍शा, सहर ङा मुर आन कली

२ कोरिन्‍थी 5:16

गो मुल रे मुर नेल्‍ल आन कली रागी ङा मुर खोदेंशो पा मकोव़नीकी। खेयप का गो ख्रीस्‍त कली मुर खोदेंशो पा कोव़तक। मुल मोदेंशो ममिम्‍नीकी।