लूका 4:18 - Sunuwar Bible18 “परमप्रभु यावे आ सोक्त आं तार बाक्ब। मारदे हना परमप्रभु यावेमी तेल लुक्ताक्यी। मेकोमी आं कली दिप्शो प्रुङग मुर आन कली ग्येरपाइक्ब लोव़ नेंपाइक्चा कली, ग्याइश्शा चोक्चा पुंइसीशो मुर आन कली प्रोंइचा कली, मिक्च मताइब आन कली तपाइक्चा नु श्येत जाइब आन कली श्येत रे प्रोंइशा, रिम्शो पा बाक्चा गेचा कली सोइक्ताक्यी। यसैया ४२:७ အခန်းကိုကြည့်ပါ။ |
लूका 4:18
56 ပူးပေါင်းရင်းမြစ်များ
मिनु ठेयब नु इर ङा, गेना हना यो बाक्ब आ नें का ला बाक्शो परमप्रभुमी “गो नेल्ल क्येङा इर ङा आं बाक्तीकेमी बाक्नुङ। मिनु गो थुं लुक्च लशो नु दिप्चा पुंइसीशो मुर नु बाक्नुङ। गो दिप्शो मुर नु आन थुं लुक्च लशो आन थुं बारपाइक्चा कली मेकोपुकी नु बाक्नुङ। भजन संग्रह ११३:५-९; यसैया ६६:१-२; भजन संग्रह ५०:१९
“परमप्रभु, परमप्रभु यावे आ सोक्त आं तार बाक्ब। मारदे हना परमप्रभु यावेमी तेल लुक्ताक्यी। मेकोमी आं कली दिप्शो प्रुङग मुर आन कली ग्येरपाइक्ब लोव़ नेंपाइक्चा कली, थुं जिक्शो आन कली आन थुं बारपाइक्चा कली, चोक्चा पुंइसीशो मुर आन कली प्रोंइचा कली नु जेल्खान बाक्ब आन कली ग्रुंइचा कली सोइक्ताक्यी। यसैया १:२; मत्ती ११:५; लूका ४:१८-१९
इ मुर नु परमप्रभु आ सहर ७० हप्ता सम्म श्येत जचा माल्नीम। मिनु मे नोले मरिम्शो नु पाप पतीके नुप्ब। मेना अरेशो मटितीके क्याम्तीके गेय पशो बाक्ब। मिनु ठीक पतीके गेना हना यो लीब। मिनु मेको कोंइतीक नु परमप्रभु यावे आ लोव़ पाइब कली छाप थोक्शा नोले परमप्रभु आ बाक्तीक लेंशा सेल्शा तेल ख्रेक्नीम।
मिनु येसुमी यूहन्ना आ शेंसीब आस कली “मार मार तसी, मार मार नेंसी, मेको नेल्ल यूहन्ना कली मतीसे। मिक्च मताइब मिक्च ताइबाक्तेक्म। खोइल मदुक्ब गाक्बाक्तेक्म। कोव़र पाइब साबाक्तेक्म। नोफा मनेंबम नेंबाक्तेक्म। बेक्शो मुर बेक्शो रे सेंसीशा ब्रोंइबाक्तेक्म। मिनु महिक्सीशो मुरपुकी ग्येरपाइक्ब लोव़ नेंपांइसीबाक्तेक्म।
परमप्रभु यावेमी मेको नासरथ ङा येसु कली आ सोक्तीम प्रिंशा, आ सक्ति पाइश्शो सेल्तु। मिनु परमप्रभु यावे आ सक्ति पाइश्शो दुम्शा, तेइ तेइ गाक्शा मुर आन कली रिम्शो पाप्तु। वोलम तशो आन कली वोल खेरशा सापाइक्तु। सैतानमी दिप्शा वोइश्शा श्येत गेशो आन कली श्येत रे प्रोंइतीमी। मारदे हना परमप्रभु यावे मेको नु बाक्त। मत्ती ३:१६
तन्न गे परमप्रभु यावे आ योव़शो मुर दुम्तीके, आ राज्य ङा चढ़ेब परमप्रभु यावे आ रागी ङा मुर दुम्तीनी। मारदे मोदेंशो दुम्तीनी देंशा हना, परमप्रभु यावेमी इन कली रिम्शो पशा, छिङछिङ रे ग्रुंइशा, आंम आ छक लाक्चा ङा छेङछेङमी वोइश्शो बाक्त। मिनु अरु नेल्ल आन कली शेंचा, दे मोदेंशो दुम्तीनी। प्रस्थान १९:६; यसैया ४३:२१; प्रकाश १:६; ब्यवस्था ४:२०; ब्यवस्था ७:६; एफिसी ५:८
ကြော်ငြာတွေ