लूका 4:15 - Sunuwar Bible

¹⁵ मेकोमी आन ग्रुम्‍तीक खिं खिंमी शेंना शेंन गाक्‍मेनु, आ लोव़ नेंब नेल्‍लेमी “रिम्‍शो लोव़ पाइक्‍बाक्‍त” दे ठेयब सेल्‍मे बाक्‍त।

लूका 4:15 ပူးပေါင်းရင်းမြစ်များ

यसैया 55:5

नेनीन, गे इन मतुइश्‍शो रागी रागी ङा मुर आन कली ब्रेत्‍नीनी। मिनु इन कली मतुइश्‍शो रागी रागी ङा मुरपुकी इन गे जाक्‍नीम। परमप्रभु यावे, इन परमप्रभु, इस्राएली आन का ला बाक्‍शो परमप्रभु आ पर्बम मेकोपुकी जाक्‍नीम। मारदे हना मेकोमी इन कली आ खोदेंशो रिम्‍शो पा सेल्‍शो बाक्‍त” देंत।

मत्ती 13:54

मिनु लशा, आ बाक्‍शो सहरम जाक्‍दीश्‍शा, ग्रुम्‍तीक खिंमी शेंताक्‍व। शेंदानु, आ लोव़ नेंबपुकीमी छक लाक्‍शा “आमाइ, एकोमी ओदेंशो लोव़ दोपा जोक्‍गा? सु आ सक्तिमी छक लाक्‍चा ङा गेय पवा?

मत्ती 4:23

मिनु गालील रागी तेइ तेइ हिरना हिरन लमानु, येसुमी ग्रुम्‍तीक खिंमी स्‍वर्ग ङा राज्‍य ङा ग्‍येरपाइक्‍ब लोव़ शेंना शेंन नु रोइ पशो नु रोइमी गुरशो मुर नेल्‍ल आन कली सापाइक्‍ना पाइक्‍न गाक्‍बाक्‍माक्‍त।

मत्ती 9:35

येसु गालील रागी ङा सहर गाउं नेल्‍ल हिरना हिरन ग्रुम्‍तीक खिंमी मुर आन कली स्‍वर्ग ङा राज्‍य ङा लोव़ शेंना शेंन, रोइमी गुरशो नु रोइ पशो मुर नेल्‍ल आन कली सापाइक्‍ना पाइक्‍न गाक्‍त।

मत्ती 9:8

मोदेंब दुम्‍शो तशा, मेकेर देल्‍शोपुकी हिंमा बाक्‍त। मिनु मुर आन कली मोदेंशो अधिकार गेब परमप्रभु कली ठेयब सुइश्‍शा मान पामे बाक्‍त।

मर्कूस 1:27

मोदुम्‍शो तशा, मुरपुकी छक लाक्‍शा “मार बाक्‍म माइ? नक शेंतीक लोव़ बाक्‍म कोर में? अधिकार पाइश्‍शो लोव़ पवानु, ग्रांग्रा दिचा ङा वोलम लायो टीबाक्‍तेक्‍म” देंमुमा बाक्‍त।

मर्कूस 1:39

मिनु गालील रागी नेल्‍ल हिरशा, ग्रुम्‍तीक खिंमी शेंबाक्‍माक्‍त। वोल आन कली खेरबाक्‍माक्‍त।

मर्कूस 1:45

मिनु साशो मुर मेकेर लशा, दोपा सामे, मेको लोव़ तेइ तेइ ब्रपदा बाक्‍त। मोदेंशो लोव़ ब्रतीके येसु सहर सहरमी गाक्‍ने मचबा बाक्‍त। मोपतीके शुश मुर मबाक्‍तीकेमी बाक्‍माक्‍त। तन्‍न मुरपुकी तेइ तेइ रे जाक्‍बाक्‍मा बाक्‍त।

लूका 13:10

काबु नाइक्‍तीक नाक्‍ती ग्रुम्‍तीक खिंमी मुर आन कली शेंदीमी बाक्‍त। लूका ६:६-११

लूका 4:16

मोपा हिरना हिरन गाक्‍मेनु, काबु आ कोल्‍तीक नासरथ सहरम जाक्‍दीम्‍माक्‍त। आल रेन नाइक्‍तीक नाक्‍ती ग्रुम्‍तीक खिं लशो खोदेंशो पा, ग्रुम्‍तीक खिं लशा, परमप्रभु यावे आ लोव़ पढेचा कली राम्‍माक्‍त।