लूका 3:7 - Sunuwar Bible

⁷ मिनु शुश मुर यूहन्‍ना आ बाक्‍तीकेमी ब्‍वाक्‍कुम ख्रुम्‍शा ग्रुंइपांइसीचा कली जाक्‍मा बाक्‍त। मिनु यूहन्‍नामी मेको आन कली “गे बुस्‍स आ खलकपुकी, परमप्रभु यावे आ सजाइ रे ब्रोंइचा ताइनीनी, दे सुम शेंदा?

लूका 3:7 ပူးပေါင်းရင်းမြစ်များ

उत्पत्ती 3:15

गे नु मेको मीश मुर जिशा, बाक्‍चा मलीसे। मेको आ युइ नु इ युइ जिशा बाक्‍नीमी। मीश मुर आ युइ कामी इ पिया दिम्‍शा प्रोल्‍ब। गे चहिं मेको आ गेंग्रेम कोक्‍नेवे” दे सराप पदा बाक्‍त। प्रकाश १२:४-५,१५-१७

यसैया 59:5

बीस पाइश्‍शो बुस्‍स आ ब्‍वोफु रे चाइक्‍ब पुक्‍नीम। माख्रा आ जाल प्रोव़नीम। मेको ब्‍वोफु जाइब बेक्‍नीम। ब्‍वोफु दिम्‍शा पुक्‍तेक्‍म हना, बुस्‍स ग्रूब।

मत्ती 12:34

ए बुस्‍स आ खलकपुकी, गे मरिम्‍शो थुं पाइश्‍शो ननी। मिनु इन शोव़ रे दोपा रिम्‍शो लोव़ ग्रूबा ङा? थुं मारम ब्रीशो बाक्‍मे, मेकोन लोव़ पा ग्रूब। मत्ती ३:७

मत्ती 23:33

गे बीख पाइश्‍शो बुस्‍स आ खलकपुकी, नरक लतीके सजाइ रे दोपा ब्रोंइनीनी ङा?

मत्ती 3:6

यूहन्‍ना आ लोव़ नेंशा, शुश मुरुमी आन मरिम्‍शो पशो शोव़ङमे बाक्‍त। मो पा शोव़ब आन कली यूहन्‍नामी यर्दन खोलामी ख्रुम्‍शा ग्रुंइदीमी बाक्‍त।

यूहन्‍ना 8:44

इन आफ सैतान बाक्‍ब। मिनु गे इन आफ आ दाक्‍शो पचा दाक्‍नीनी। मेको चहिं ङोंइती रे मुर आन कली साइक्‍ब नु जोल पाइब बाक्‍त। मारदे हना मेको नु थमा देंशो बाक्‍सीन मबा। मोपतीके जोल ला पाइब। मेको जोल पना पन बाक्‍ब। जोल आ आफ बाक्‍त। १यूहन्‍ना ३८-१०; उत्‍पत्ती ३:४,१९

प्रेरित 13:10

“गे सैतान आ तौ नवे। रिम्‍शो मदाक्‍थु, मरिम्‍शो ला दाक्‍नेवे। प्रभुमी सेल्‍शो रिम्‍शो लां कली मरिम्‍शो सेल्‍चा थुं पवी? मरिम्‍शो थुं पाइश्‍शो बाक्‍ते। मोपतीके प्रभुमी इ कली मुल सजाइ गेब।

१ थिस्‍सलोनिकी 1:10

मिनु बेक्‍शो रे सेंशो परमप्रभु यावे आ तौ लेंशा सरीङ रे यीब, दे रिम्‍शा बाक्‍तीनी। येसुमी इं कली परमप्रभु यावे आ गाइक्‍चा रे प्रोंइब। तीतस २:१३

हिब्रू 6:18

मिनु परमप्रभु यावेमी गेनायो जोल मपाइब, आ गेशो लोव़ नु आ कसम जशो, एको निक्‍शी गेनायो मफांइसीनीस दे तुइश्‍शा, गो सजाइ तचा रे प्रोंइचा पुंइसीबपुकी इं ङोंइती वोइश्‍शो आस तचा कली इं थुं बारपाइक्‍चा ताइनय।

१ यूहन्‍ना 3:8

सु चहिं मरिम्‍शो पना पन बाक्‍बा, मेको मुर सैतान रे जाक्‍शो बाक्‍ब। मारदे हना सैतान ङोंइती रे मरिम्‍शो पना पन बाक्‍शो बाक्‍ब। मोपतीके परमप्रभु यावे आ तौ सैतान आ गेय थुम्‍चा कली रागीमी जाक्‍त। यूहन्‍ना ८:४४