लूका 3:38 - Sunuwar Bible

³⁸ केनान एनोश आ तौ बाक्‍माक्‍त। एनोश सेथ आ तौ बाक्‍माक्‍त। सेथ आदम आ तौ बाक्‍माक्‍त। आदम चहिं परमप्रभु यावे आ सेल्‍शो बाक्‍माक्‍त।

लूका 3:38 ပူးပေါင်းရင်းမြစ်များ

उत्पत्ती 2:7

मिनु नोले परमप्रभु यावेमी रू ङा खप के मुर का सेला बाक्‍त। मिनु मुर आ नेंमी ब्रोंइतीक सोक्‍त मुइक्‍ता बाक्‍त। मिनु मुर सोक्‍त पाइश्‍शो दुम्‍माक्‍त। उत्‍पत्ती ३:१९; अय्‍युब १०:९; अय्‍युब ३३:४; भजन संग्रह १०४:२९-३०; १कोरिन्‍थी १५:४५,४७

उत्पत्ती 4:25

मिनु आदम लेंशा आ मीश नु इप्‍‍शा, तौ का थि‍माक्‍त। मेको कली सेथ नें वोदा बाक्‍त। हव्‍वामी “परमप्रभुमी हाबील आ पा ङा अर्को तौ का गेती। मारदे हना काइनमी हाबील कली साइक्‍तु” देंमाक्‍त।

उत्पत्ती 4:26

मिनु सेथमी यो तौ का थि‍माक्‍त। मिनु मेको कली एनोश नें वोदा बाक्‍त। मिनु मेना रे मुरपुकीमी परमप्रभु यावे कली पुंइचा नु ठेयब सेल्‍चा गोव़मे बाक्‍त। उत्‍पत्ती १२:८

यसैया 64:8

मो हना यो परमप्रभु यावे, गे आंइ आफ बाक्‍नीनी। गो खप नकी, गे खप के ग्‍योंब सेल्‍ब बाक्‍नीनी। गो नेल्‍ले इन सेल्‍शो नकी।

लूका 3:37

लमेक मेथुसेलाह आ तौ बाक्‍माक्‍त। मेथुसेलाह हनोक आ तौ बाक्‍माक्‍त। हनोक यरेद आ तौ बाक्‍माक्‍त। यरेद मा-हालालेल आ तौ बाक्‍माक्‍त। मा-हालालेल केनान आ तौ बाक्‍माक्‍त।

लूका 4:1

येसु परमप्रभु यावे आ सोक्‍तीम ब्रीशा, यर्दन खोला रे लशा, परमप्रभु यावे आ सोक्‍तीमी गोरशो रागीमी चाक्‍दीत्‍चा पुंइसे बाक्‍त।

१ कोरिन्‍थी 15:45

मार ब्रेक्‍शो बाक्‍ब देंशा हना “नेल्‍ल क्‍येङा ङोंइती ङा मुर, आदम, ब्रोंइब दुम्‍माक्‍त” दे ब्रेक्‍शो बाक्‍ब। नेल्‍ल क्‍येङा नोले ङा आदम चहिं ब्रोंइतीक सोक्‍त गेब दुम्‍त। उत्‍पत्ती २:७; २कोरिन्‍थी ३:१७

१ कोरिन्‍थी 15:47

ङोंइती ङा मुर रागी ङा खप के सेल्‍शो बाक्‍त। नोले ङा मुर स्‍वर्ग रे बाक्‍ब।