लूका 3:23 - Sunuwar Bible

²³ मिनु येसुमी मुर आन कली परमप्रभु यावे आ लोव़ शेंचा गोवानु, ३० बर्स दुम्‍शो बाक्‍माक्‍त। मुरपुकीमी आ आफ योसेफ बाक्‍ब, दे मिम्‍तमे बाक्‍त। योसेफ हेली आ तौ बाक्‍माक्‍त। लूका ४:२२

लूका 3:23 ပူးပေါင်းရင်းမြစ်များ

उत्पत्ती 41:46

योसेफ फाराओ पिप आ ङोंइती लोव़ पवानु, ३० बर्स दुम्‍शो बाक्‍माक्‍त। मिनु फाराओ आ ङोंइती रे लशा, इजीप्‍त रागी नेल्‍ल हिरथ लमाक्‍त। उत्‍पत्ती ३७:२

२ सामुएल 5:4

दाऊद ३० बर्स दुम्‍मेनु, पिप दुम्‍माक्‍त। मिनु मेकोमी ४० बर्स सासन पवा बाक्‍त। १राजा २:११; १इतिहास ३:४; १इतिहास २९:२७

गन्‍ती 4:3

गे ३० बर्स रे ५० बर्स सम्‍म ङा वोंइश मुर आन कली हिक्‍कीस। मेकोपुकी ला ग्रुम्‍तीक ताम्‍बु ङा गेय पने चाप्‍नीम। गन्‍ती ८:२४-२५; १इतिहास २३:२४

गन्‍ती 4:35

मिनु ३० बर्स रे ५० बर्स सम्‍म ङा मुर ला ग्रुम्‍तीक ताम्‍बुमी गेय पने चाप्‍बाक्‍तेक्‍म।

गन्‍ती 4:39

मिनु ३० बर्स रे ५० बर्स सम्‍म ङा मुर ला ग्रुम्‍तीक ताम्‍बुमी गेय पने चाप्‍बाक्‍तेक्‍म।

गन्‍ती 4:43

मेको ३० बर्स रे ५० बर्स सम्‍म ङा मुर ला ग्रुम्‍तीक ताम्‍बुमी गेय पने चाप्‍बाक्‍तेक्‍म।

गन्‍ती 4:47

मिनु ३० बर्स रे ५० बर्स सम्‍म ङा मुर ला ग्रुम्‍तीक ताम्‍बुमी गेय पने नु मार मार कुरने चाप्‍बाक्‍तेक्‍म।

मत्ती 1:1

अब्राहाम आ तौ, पिप दाऊद आ तौ, येसु ख्रीस्‍त आ किकी पिपी आन नें एको बाक्‍नीम। १इतिहास १७:११; उत्‍पत्ती २२:१८

मत्ती 1:16

मिनु याकूबमी योसेफ थि‍माक्‍त। योसेफ मरीयम आ वोंइश बाक्‍माक्‍त। मरीयममी येसु थि‍माक्‍त। येसु कली ख्रीस्‍त देंमा बाक्‍त। लूका १:२७

मत्ती 1:6

पिप दाऊदमी उरीयाह आ मीश चाक्‍शा, सोलोमन थि‍माक्‍त। २सामुएल१२:२४

मत्ती 13:55

शी के सेल्‍ब आ तौ ममाइ ङा? आ ममा मरीयम ममाइ ङा? आ लोक्‍ब याकूब, योसेफ, सिमोन, यहूदा मनमी ङा?

मत्ती 4:17

येसुमी मुर आन कली “इन थुं परमप्रभु यावे गे लेत्‍तीन। मारदे हना स्‍वर्ग ङा राज्‍य जाक्‍चशो बाक्‍ब” दे शेंचा गोवा बाक्‍त। मत्ती ३:२

मर्कूस 6:3

शी मुइब ममाइ ङा? मरीयम आ तौ ममाइ ङा? याकूब, योसेस, यहूदा नु सिमोन आन लोक्‍ब ममाइ ङा? आ लोक्‍बपुकी गोपुकी नु मबाक्‍नीमी ङा?” दे आन थुं मनुशो लोव़ पमुमा बाक्‍त। यूहन्‍ना ६:४२

लूका 2:48

आ आम आफोम मेको कली तशा, थाम्‍पा छक लाक्‍सा बाक्‍त। मिनु आ ममामी “आं तौ, गे मारदे आंस कली मोदेंशो श्‍येत गेस्‍की? इ आफ नु गो इ कली ‘ते लाक्‍गा?’ दे शुश हिंशा माल्‍तास्‍कु” देंमाक्‍त।

लूका 3:31

एल्‍याकीम मेलेया आ तौ बाक्‍माक्‍त। मेलेया मेन्‍ना आ तौ बाक्‍माक्‍त। मेन्‍ना मात्‍ताथा आ तौ बाक्‍माक्‍त। मात्‍ताथा नाथान आ तौ बाक्‍माक्‍त। नाथान दाऊद आ तौ बाक्‍माक्‍त। २सामुएल ५:१४

लूका 4:22

नेंबपुकीमी मेको आ पर्बम रिम्‍शो लोव़ पामे बाक्‍त। येसु आ रिम्‍शो लोव़ नेंशा छक लाक्‍शा “एको योसेफ आ तौ ममाइ ङा?” देंमुमा बाक्‍त। लूका ३:२३

यूहन्‍ना 1:45

मिनु फिलीपमी नथानेल माइश्‍शो मुर कली ग्रुम्‍शा, मेको कली “मोसामी नु परमप्रभु यावे आ लोव़ पाइबपुकीमी यो परमप्रभु यावे आ सोइश्‍शो का आ पर्बम ब्रेक्‍शो बाक्‍तेक्‍म। मिनु गोपुकीमी मेको कली ग्रुम्‍तक। मेको नासरथ सहर ङा योसेफ आ तौ येसु बाक्‍माक्‍त” दे नथानेल कली देंत। यसैया ५३:२; ब्‍यवस्‍था १८:१८; येरमीया २३:५; इजीकीएल ३४:२३

यूहन्‍ना 6:42

मिनु मेकोपुकीमी “मार, एको योसेफ आ तौ येसु ममाइ? मेको आ आम आफ कली गो तुइक्‍नीकी” देंतेक्‍म। मिनु मेकोमी “ ‘गो स्‍वर्ग रे जाक्‍शो नङ’ दे दोपा देंने चाप्‍बा ङा?” दे गन गन पाम्‍तेक्‍म। लूका ४:२२

प्रेरित 1:1

आं दाक्‍शो थियोफीलस, गो ङोंइती ङा किताबमी परमप्रभु यावे आ बाक्‍तीक लाइक्‍चा मपुंइसे सम्‍म येसुमी मार पवा, मार शेंदा, मेको नेल्‍ल ब्रेक्‍शा, तुइक्‍पाइक्‍ने थुम्‍तन्‍नी। लूका १:३