लूका 3:11 - Sunuwar Bible

¹¹ मिनु यूहन्‍नामी “सु के फेक्‍तीक वा निक्‍शी बाक्‍मे, मेकोमी फेक्‍तीक का मबाक्‍शो कली गेचा माल्‍ब। सु के जचा थोव़क बाक्‍मे, मेकोमी जचा मताइब कली गेचा माल्‍ब” देंमाक्‍त।

लूका 3:11 ပူးပေါင်းရင်းမြစ်များ

इजीकीएल 18:7

मेकोम सुइ आन कली मदिप्‍ब, जाकटी वोइश्‍शो मार मार लेश्‍शा गेब, मेकोम खुइ मपाइब, शोव़लु बेक्‍शो आन कली आ जचा थोव़क गेब। मिनु शिश्रा बाक्शो आन कली वा फेक्‍पाइक्‍ब। ब्‍यवस्‍था २४:१०-१३; यसैया ५८:७

दानीएल 4:27

हजुर पिप, मोपतीके आं गेशो अर्ती इन कली दुम्‍ल। इन पाप कली ठीक पतीकेमी क्‍याम्‍दीन। मिनु इन मरिम्‍शो पशो, श्‍येत जाइब आन कली शिशी पतीकेमी क्‍याम्‍दीन। मो पाइतीनी हना, इन रिम्‍शो बाक्‍तीक शुश नाक्‍त सम्‍म लीब” देंत। हितोपदेस १९:१७; मत्ती ५:७

मत्ती 25:40

मिनु पिपमी ‘नोफा दाइश्‍शा नेनीने, आं लोक्‍ब नेल्‍ल क्‍येङा महिक्‍सीशो आन कली मार मार गेतीनी, मेको आं कली गेशो ननी’ देंब। मत्ती १०:४२; हितोपदेस १९:१७; हिब्रू २:११

लूका 11:41

गे आगा ङा थोव़क मथीब आन कली गेने। मिनु इन कली नेल्‍ल रिम्‍शो दुम्‍ब।

लूका 18:22

मिनु येसुमी “नेल्‍ल पाप्‍तीवी, का चहिं मपवी। इ शोंप नेल्‍ल लेयशा, क्‍येट मथीब आन कली योक्‍शा गेमी। मिनु आं नोले खोइय्‍यी। मिनु इ शोंप स्‍वर्गम बाक्‍ब” देंमाक्‍त। मत्ती ६:२०

लूका 19:8

मिनु जक्‍कैमी प्रभु कली खिंम ओंइशा “हे प्रभु, आं शोंप क्‍येट नेल्‍ल उइक्‍थ पा योक्‍शा, मथीब आन कली गेनुङमी। सु सु कली हिम हिम पा मार मार ताक्‍गु, मेको आन कली ४ खेयप तेम्‍शा लेश्‍शा गेनुङमी” देंमाक्‍त। प्रस्‍थान २१:३७; इजीकीएल ३३:१४-१६

यूहन्‍ना 13:29

का निक्‍शीमी “यहूदामी क्‍येट आ थैली कुरशो बाक्‍ब। मिनु येसुमी मेको कली पास्‍सा नाक्‍त कली ‘मार मार माल्‍नया, मेको ग्‍याप्‍थ लावो, दे मदा कों, प्रुङग आन कली क्‍येट योक्‍शा गेवो’ दे मदा कों?” दे मिम्‍ताक्‍म।

प्रेरित 10:2

मेको कप्‍तान परमप्रभु यावे कली मान पा हिंब मुर बाक्‍माक्‍त। आ खिं ङा मुर नेल्‍लेमी यो आ खोदेंशो पा प्रभु कली मान पा टीबाक्‍मा बाक्‍त। मेको कप्‍तानमी मारेइ मथीब आन कली शिशी पा शुश वारच पाइबाक्‍माक्‍त। परमप्रभु कली प्रार्थना पना पन बाक्‍बाक्‍माक्‍त।

प्रेरित 10:31

मेकोमी आं नें थिशा ‘ए कोरनेलीयस, परमप्रभुमी इ प्रार्थना पशो नेंशो बाक्‍ब। इ शिशी पा मथीब आन कली मार मार गेशो तशो बाक्‍ब।

प्रेरित 10:4

कोरनेलीयसमी हिंशा, कोव़स ङा कोव़स पा “मार देंनी, प्रभु” देंमेनु “इ प्रार्थना पशो, प्रभु कली मान पा टिशो, इ शिशी पा वारच पशो नेल्‍ल परमप्रभु यावेमी तुइश्‍शो बाक्‍ब।

एफिसी 4:28

खुइ पाइबमी लेंशा खुइ मपथु, ठीक गेय पचा माल्‍ब। मिनु मेकोमी रिम्‍शो गेय पवानु, श्‍येत जाइब आन कली यो वारच पने चाप्‍ब। प्रस्‍थान २०:१५; १थिस्‍सलोनिकी ४:११

१ तिमोथी 6:17

गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१

१ तिमोथी 6:18

मेकोपुकीमी रिम्‍शो गेय पतीकेमी गेनायो मनुप्‍ब शोंप पाइश्‍शो दुम्‍मल। हाइश्‍शो दुम्‍शा, मुर आन कली गेब दुम्‍चा माल्‍नीम।

हिब्रू 6:10

मारदे हना परमप्रभु यावे आ नेंमी अरु थमा सुइक्‍ब आन कली वारच पा रिम्‍शो पाइतीनी। मुल यो रिम्‍शो पाइनीनी। मिनु मेकोमी इन रिम्‍शो पशो गेनायो मप्रेंब। हिब्रू १०:३२-३४

याकूब 1:27

मखाल्‍थु ठीक पा थमा सुइक्‍तीके दोदेंशो बाक्‍ब देंशा हना, रोम रोइक्‍च नु वोंइश बेक्‍शो मीश मुर श्‍येत जामेनु, वारच पचा नु थमा मसुइक्‍ब पाप पाइब आन खोदेंशो पाप काइ मपचा, मेको इं आफ, परमप्रभु यावे आ ङोंइती ठीक पा थमा सुइक्‍तीके बाक्‍ब।

याकूब 2:14

आं लोक्‍बपुकी, मुर कामी “गो थमा सुइक्‍नुङ” दे परमप्रभु यावे आ अरेशो लोव़ नु गारब गेय मपाप्‍तु हना, आ थमा सुइश्‍शोमी मेको कली पाप रे प्रोंइने चाप्‍बा ङा? मत्ती ७:२१

१ यूहन्‍ना 3:17

सुमी शुश शोंप थिशा यो, लोक्‍ब आन कली श्‍येत जशो तशा “गो मारेइ मगेनुङ” दे मिम्‍बा, मेको मुर आ थुं रे परमप्रभु यावे आ गेशो दाक्‍तीक सक्ति यो जाम्‍शा लाइब। ब्‍यवस्‍था १५:७; १यूहन्‍ना ४:२०

१ यूहन्‍ना 4:20

सुमी चहिं “गो परमप्रभु यावे कली दाक्‍नुङ” देंबा, मिनु थमा सुइक्‍ब लोक्‍ब आन कली काइ मदाक्‍बा, मेको मुर आ देंशो लोव़ यो जोल बाक्‍ब। मारदे हना सुमी आ नु बाक्‍शो लोक्‍ब आन कली मदाक्‍बा, मेकोमी मुर आन मतशो परमप्रभु यावे कली दोपा दाक्‍ने चाप्‍बा ङा? मचाप्‍ब। १यूहन्‍ना ३:१७