7 ‘रागीम जरमेशो पापी आन गुइमी जिम्मा गेने पुंइसीशा, शीम क्याइश्शा कांटी थोक्शा साइक्चा पुंइसीब। मिनु बेक्शो आ नित्थ नाक्ती बेक्शो रे सेंसीब’ दे शेशो प्रेंदीनी ङा?” देंसा बाक्त। लूका ९:२२
मेना रे येसुमी आ शेंसीब आन कली “यरूसलेम लशा, जोक्ब तुइक्ब खाल्पा, ठेयब चढ़ेब नु सास्त्रीपुकी रे पा शुश श्येत जशा साइक्चा पुंइसीनुङ। मिनु बेक्शा आ नित्थ नाक्त सेंसीनुङ” दे शेंचा गोप्तु। मत्ती १२:४०; यूहन्ना २:१९
ख्रीस्त श्येत जशा, सक्ति पाइश्शो दुम्शा, राज्य पचा ताइब देंशो लोव़ मुल यो मरुप्नीसी?” देंमाक्त।
मिनु मार ब्रेक्पाइक्मी बाक्त देंशा हना “ख्रीस्त श्येत जशा, साइक्चा पुंइसीशा आ नित्थ नाक्ती बेक्शो रे सेंसीचा माल्ब। होसे ६:२
गोपुकी यहूदी नय। अर्को रागी ङा मुरपुकीमी परमप्रभु यावे कली मतुइक्नीमी। आ अरेशो लोव़ मतुइक्थु, मटीनीम। गो मोदेंशो मनय।