52 मिनु शेंसीबपुकीमी आन पोक्च थेक्शा, येसु कली ठेयब सेल्शा, थाम्पा ग्येरसीशा यरूसलेम लेम्मा बाक्त।
गो रोंका पाइब मुर, सिल पाइब दुम्ती। आं रोंका पतीक अरन्डी प्रुइश्शा, ग्येरतीक किप्शुर खोदेंशो पा किप्ताक्यीनी।
मिनु येसु कली तामेनु, मान पाम्तेक्म। का निक्शीमी चहिं दल्गीर पामे बाक्त।
मिनु दोरना दोरन लसानु, मार दुम्माक्त देंशा हना, येसुमी मेको आस कली ग्रुम्सी बाक्त। मिनु “आसीक रसील” दे सेत्तीम्सीनु, आ नेक्था जाक्शा बाप्शा, आ खोइल थिशा मान पदसे बाक्त।
आसीक गेना गेन बाक्मेनु, सरीङ गे लाइक्चा पुंइसे बाक्त।
मिनु परमप्रभु यावे आ खिंम बाक्ना बाक्न परमप्रभु यावे कली मान पा ठेयब सेल्मे बाक्त।
‘गो लाइनुङ। मिनु लेंशा जाक्नुङ’ दे आं देंशो नेंतीनी। गेपुकी आं कली दाक्ताक्यीनी हना, ग्येरसीनी वा। मारदे हना गो आं आफ आ बाक्तीक लाइनुङ। आं आफ चहिं आं क्येङा ठेयब बाक्ब।
मिनु मेको खोदेंशो पा गेपुकी मुल थुं खाइश्शो बाक्नीनी। तन्न गो इन कली लेंशा तङानु, गेपुकी थमा पा ग्येरसीनीनी। मिनु इन ग्येरसीशो सुइमी क्याम्ने मचाप्नीम।
नोफा दाइश्शा नेनीन, आं लशो इन कली रिम्शो दुम्ब। गो मलती हना, थमा सुइक्ब आन कली वारच पाइब मजाक्ब। गो लती हना, मेको कली सोइक्नुङ। यूहन्ना १४:१६,२६
थोमासमी “आं प्रभु, आं परमप्रभु यावे” देंत। यूहन्ना १:१
मिनु मेकोपुकी जैतून डांडा रे यरूसलेम लेम्मा बाक्त। मेको लां चहिं नाइक्तीक नाक्त गाक्चा दुम्तीक लां बाक्माक्त।
गे मेको कली मताइतीनी हना यो, दाक्नीनी। मेको कली मुल सम्म मतथु यो, थमा सुइक्तीनी। गे गिश ग्येरना ग्येरन बाक्शो बाक्नीनी, देंने मचाप्नीनी। यूहन्ना २०:२९; २कोरिन्थी ५:७