लूका 24:11 - Sunuwar Bible

¹¹ येसु आ शेंसीबपुकीमी मीश मुर आन लोव़ नेंशा “एको मीश मुर आन लोव़ बाक्‍ब” दे थमा मसुदमे बाक्‍त।

लूका 24:11 ပူးပေါင်းရင်းမြစ်များ

उत्पत्ती 19:14

मिनु लोतमी आ तमी आस कली ग्‍युंबे पचशो वोंइश आल आस कली ग्रुम्‍शा “बोक्‍कीस, सहर रे लसे। मारदे हना परमप्रभु यावेमी सहर क्‍याम्‍ब” दे माइक्‍सी बाक्‍त। मेको निक्‍शीमी चहिं “रित्‍चा ङा लोव़ बाक्‍त” दे मिम्‍तसे बाक्‍त। गन्‍ती १६:२१

२ राजा 7:2

मिनु पिप कली कुक्‍‍ब लडाइ पाइब आन ठेयब मुरुम परमप्रभु आ मुर कली “परमप्रभु यावेमी आ सरीङ ङा झेल नेल्‍ल रोक्‍तु हना यो, मोदेंशो गेनायो दुम्‍ने मचाप्‍ब” देंमाक्‍त। मिनु एलीशाम “गे मेको इ मिक्‍चीमीन ताइनेवे। तन्‍न जचा चहिं मताइक्‍नेवे” देंमाक्‍त।

अय्‍युब 9:16

गो मेको कली ब्रेत्‍तुनु, लोव़ लेत्‍ताक्‍यी हना यो, मेकोम आं लोव़ नेंतु, दे थमा मसुइक्‍नुङ।

भजन संग्रह 126:1

परमप्रभु यावेमी ग्‍याइश्‍शा लाइक्‍चा पुंइसीशो आन कली सियोनम लेश्‍शा चाक्‍गानु, गोपुकी ङोमु तशो खोदेंशो दुम्‍तक। भजन संग्रह १४:७

मर्कूस 16:11

मेकोपुकीमी मरीयम आ लोव़ थमा मसुदमे बाक्‍त।

मर्कूस 16:13

मेको निक्‍शी फ्रा फ्रु लेश्‍शा जाक्‍शा, अरु आन कली “येसु कली ताइतस्‍कु” देंसा बाक्‍त। मिनु मेको आस लोव़ यो थमा मसुदमे बाक्‍त।

मर्कूस 16:14

मिनु नोले आ शेंसीब ११ जनामी खमे जना जन बाक्‍मानु, येसुमी मेको आन कली तपांइसे बाक्‍त। मिनु “मुल सम्‍म रुप्‍चा थुं मपनी? मुल यो थमा मसुइय्‍‍यीनी?” दे हुइक्‍तीमी बाक्‍त। मारदे हना “बेक्‍शो रे सेंसीशा ब्रोंइशो आंइ मिक्‍चीमी ताइतक” देंब आन लोव़ थमा मसुइश्‍शो बाक्‍मा बाक्‍त। १कोरिन्‍थी १५:५

लूका 24:25

मिनु येसुमी “गे मरुप्‍ब नसी। साइ नेसी परमप्रभु यावे आ लोव़ पाइब आन देंशो लोव़ रुप्‍शा थमा सुइक्‍ने मचाप्‍नीसी? लूका ९:२२

लूका 24:41

मिनु छक लाक्‍शा “येसु बाक्‍म कों, मबाक्‍म” दे दल्‍गीर पामे बाक्‍त। हिंमा यो बाक्‍त। ग्‍येरसमा यो बाक्‍त। मिनु येसुमी मेको आन कली दल्‍गीर पशो तशा “एक मारेइ जचा थोव़की बाक्‍म कों” दे पुना बाक्‍त।

प्रेरित 12:9

मिनु पत्रुस मेको आ नोनोले खोइश्‍शा, कोठा रे ग्रूसा बाक्‍त। पत्रुसमी चहिं एको नेल्‍ल गो कोंइतीक तना तन बाक्‍नुङ, दे मिम्‍ता बाक्‍त। थमा कोठा रे ग्रूङा बाक्‍त, दे मतुइश्‍शो बाक्‍माक्‍त।