लूका 23:40 - Sunuwar Bible

⁴⁰ मो देंमेनु, अर्कोमी “गे यो परमप्रभु यावे कली तशा महिंनेवे? गो सांफा कांइचीक सजाइ ताइतय।

लूका 23:40 ပူးပေါင်းရင်းမြစ်များ

२ इतिहास 28:22

मोपा पिप आहाज दोशो श्‍येत जवा, मोशोन परमप्रभु यावे क्‍येङा ङोन दुम्‍माक्‍त।

भजन संग्रह 36:1

परमप्रभु आ अरेशो मटीब आन थुंमी हेंथे पतीक लोव़ बाक्‍ब। मार लोव़ बाक्‍ब देंशा हना “मेकोपुकीम परमप्रभु कली मान पा महिंनीम” देंशो लोव़ बाक्‍ब। रोमी ३:१८

येरमीया 5:3

मिनु “परमप्रभु यावे, गे थमा लोव़ तचा ममाल्‍नीनी ङा? गे मेको आन कली तुप्‍तीनी। तन्‍न मेकोपुकी मखा‍इक्‍म। गे मेको आन कली खतम सेल्‍‍तीनी। तन्‍न मेकोपुकीमी इन देंशो पचा मबित्‍‍नीम। मेकोपुकीम आन कुल फुल्‍लु क्‍येङा यो खकटा सेल्‍तेक्‍म। मेकोपुकी लेश्‍शा जाक्‍ने मबिस्‍सम। येरमीया २:३०; येरमीया७:२८; येरमीया ९:२; यसैया ४८:४

लेवी 19:17

गे इन लोक्‍ब कली काइ मदाक्‍ब मदुमीन। इन नेक्‍था ङा मुर कली रिम्‍शो पा मोदेंशो दूली गेय मपने’ दे लोव़ पने। मो मपाइतीनी हना, गे पाप राइनीनी। भजन संग्रह १४१:५; मत्ती १८:१५

मत्ती 20:9

मिनु क्‍यारश चोक्‍ची ना जाक्‍शो आन कली ङोंइती ब्रेश्‍शा, काबु ङा गाल्‍च देनार का का गेमी बाक्‍त।

मत्ती 8:26

मिनु येसुमी “मारदे हिंनी? गे थमा पा थमा सुइक्‍ने मचाप्‍बपुकी” देंशा बोक्‍शा, फश नु समुन्‍द्र आस कली हुइक्‍ता बाक्‍त। मिनु सिक्‍सी पाम्‍से बाक्‍त। भजन संग्रह ८९:१०; प्रेरित २७:२२,३४

लूका 12:5

तन्‍न परमप्रभु यावे कली मान पा हिनीन। मारदे हना मुर आन कली साइश्‍शा, नाराक सोइक्‍तीक सक्ति मेको नु बाक्‍ब। मोपतीके मेको कली तशा मान पा हिनीन। हिब्रू १२:२९

लूका 23:39

येसु नु काथा क्‍‍याइश्‍शो खुइ कामी यो शुक्‍शी पा “ख्रीस्‍त मनवे ङा? लो, मुल ब्रोनो। मिनु आंस कली यो प्रोंइस्‍की” देंमाक्‍त।

लूका 23:41

गो सजाइ जचा माल्‍शो नस। मारदे हना खुइ पाइतस। एको मुरुमी चहिं मारेइ मरिम्‍शो मपावो” दे हुइक्‍ता बाक्‍त।

एफिसी 5:11

छिङछिङ ङा गेयमी काइ फल मथिंसीब। मोदेंशो गेय पाइबपुकी नु मबाक्‍कीन। मेको गेय यो मपने। तन्‍न मेको गेय मरिम्‍शो बाक्‍ब, दे कोंइदीन।

प्रकाश 15:4

नेल्‍लेमी इन कली मान पा हिंशा इन नें ठेयब सेल्‍नीमी। मारदे हना गे ला परमप्रभु बाक्‍नीनी। रागी रागी ङा मुर नेल्‍ले इन ङोंइती जाक्‍शा, पोक्‍च थेक्‍शा, खुम्‍की पा बाप्‍नीमी। मारदे हना इन निसाफ पतीके नेल्‍लेमी ताम्‍तेक्‍म” देंशो कुम्‍सो आ लोव़ बाक्‍त। भजन संग्रह ८६:९; येरमीया १६:१९-२१

प्रकाश 16:11

मोपतीके स्‍वर्ग ङा परमप्रभु कली सराप पाम्‍तेक्‍म। मारदे हना मेकोमी ठेयब मरिम्‍शो गार दुम्‍पाइश्‍शा, श्‍येत गेप्‍तु। तन्‍न आन मरिम्‍शो पचा मप्रोनेम।