लूका 23:32 - Sunuwar Bible

³² येसु कली लदमेनु, खुइ निक्‍शी आस कली यो साइक्‍थ लदमे बाक्‍त।

लूका 23:32 ပူးပေါင်းရင်းမြစ်များ

यसैया 53:12

मोपतीके गो मेको कली ठेयब नु सक्ति पाइश्‍शो नु वोइक्‍नुङ। मेकोमी बोल्‍यो मुर नु मार मार योक्‍सीब। मारदे हना मेको साइक्‍ब नु मरिम्‍शो मुरपुकी नु हिक्‍सीचा पुंइसाक्‍व। शुश पापी आन पाप कुरतु। मिनु हेंथे गाक्‍ब मुर आन पर्बम परमप्रभु यावे कली पुंइतु। मर्कूस १५:२८; लूका २२:३७; लूका २३:३३-३४

मत्ती 27:38

मिनु खुइ निक्‍शी आस कली यो आ कली खोदेंशो पा आ ग्‍युरा नु पेरा गे क्‍युक्‍गमे बाक्‍त।

मर्कूस 15:27

खुइ निक्‍शी आस कली यो का आ ग्‍युरा गे, का आ पेरा गे क्‍याइश्‍शा वोदमे बाक्‍त।

लूका 22:37

आं पर्बम ब्रेक्‍पाइश्‍शो लोव़ नेल्‍ल थमा दुम्‍चाप्‍तु। मार ब्रेक्‍शो बाक्‍ब देंशा हना ‘मरिम्‍शो पाइब सुइश्‍शा, दोस गेनीम’ दे ब्रेक्‍शो बाक्‍ब। आं पर्बम ब्रेक्‍शो लोव़ नेल्‍ल थमा दुम्‍चा माल्‍ब” देंमाक्‍त। यसैया ५३:१२

लूका 23:31

क्‍येख शी लाइ यो चोव़मेनु, सोव़शो शी मार लीबा ङा?” दे माइक्‍मी बाक्‍त। भजन संग्रह २२:१९; १पत्रुस ४:१७

यूहन्‍ना 19:18

मेकेर जाक्‍दीश्‍शा, येसु कली शीमी केप्‍शा कांटी थोक्‍ताक्‍म। मोदेंशो पा मुर निक्‍शी आस कली यो शीमी केप्‍शा कांटी थोक्‍ताक्‍म। मिनु येसु कली कांटी थोक्‍शो शी मेको आस दातेमी ख्रुक्‍तेक्‍म।

२ तिमोथी 2:9

मेको ग्‍येरपाइक्‍ब लोव़ शेंतीके, गो मरिम्‍शो पाइब खोदेंशो पा साङलोम पाइक्‍चा पुंइसीशा श्‍येत जाइनुङ। तन्‍न परमप्रभु यावे आ लोव़ दा मपांइसीशो बाक्‍ब। फिलिप्‍पी १:१२-१४

हिब्रू 12:2

थमा सुइक्‍तीक लां कोंइशा, पाको सेल्‍ब येसु कली मिम्‍तय। मेकोमी शीम केप्‍शा कांटी थोक्‍शा क्‍याइश्‍शा साइक्‍चा पुंइसीचा आ पर्बम, मुने आ पर्बम मारेइ ममिम्‍ता बाक्‍त। नोले मान पा ग्‍येरसीशा बाक्‍चा ताइनुङ, दे मिम्‍ता बाक्‍त। मिनु मुल परमप्रभु यावे आ ग्‍युरा गे निश्‍शो बाक्‍ब। हिब्रू ५:८-९; फिलिप्‍पी २:८-१०