लूका 23:31 - Sunuwar Bible

³¹ क्‍येख शी लाइ यो चोव़मेनु, सोव़शो शी मार लीबा ङा?” दे माइक्‍मी बाक्‍त। भजन संग्रह २२:१९; १पत्रुस ४:१७

लूका 23:31 ပူးပေါင်းရင်းမြစ်များ

हितोपदेस 11:31

ठीक पाइब मुरपुकीम रागीम बाक्‍मानु, आन ठीक पशो ङा इनाम ताइनीम। परमप्रभु यावे आ अरेशो मटीब नु मरिम्‍शो पाइबपुकीमी यो आन मरिम्‍शो पशो ङा इनाम ताइनीम। १ पत्रुस ४:१७-१८

येरमीया 25:29

मेकोमी “कोव़ङीन, मुल गो आं नेंम वोइश्‍शो सहर कली श्‍येत गेचा चिक्‍शो बाक्‍नुङ। मिनु मार, गेपुकी चहिं सजाइ मतथु ब्रोंइनीनी ङा? इन कली सजाइ मगे‍थु मप्रोंइसीब। मारदे हना गो रागीम बाक्‍ब मुर नेल्‍ल आन पर्बम तरवार का ठीक पशो बाक्‍ती, दे मुर नेल्‍ल आन परमप्रभु यावेमी देंत” दे माइक्‍मी। इजीकीएल ९:६; १पत्रुस ४:१७; येरमीया ४९:१२

दानीएल 9:26

मिनु ६२ हप्‍ता नोले मेको तेल लुक्‍शो का मारेइ मदुम्‍थु यो तिल्‍चा पुंइसीब। मिनु मेको जाक्‍चा चिक्‍शो पिप आ लडाइ पाइब नु जाक्‍शा, मेको सहर नु परमप्रभु यावे आ बाक्‍तीक खतम पोक्‍ब। मिनु मेको आ नुप्‍ची ना ठेयब भोल यिशा, नोले सम्‍म लडाइ दुम्‍ब। ङोंइती मोदेंशो खतम दुम्‍तीक श्‍येत आ पर्बम देंशो बाक्‍ब। यसैया २८:२२; लूका २१:२३-२४

मत्ती 3:12

आ गुइमी ग्‍योल बाक्‍ब। मेकोमी लाङगामी हाम्‍शो चेरब हुरशा, भूस नु गेडा तिल्‍ब। गेडा कोठोमी कुर पा वोइक्‍ब। भूस चहिं गेनायो मकाप्‍ब मीमी चोइब” दे माइक्‍मी बाक्‍त। मत्ती १३:३०

लूका 23:30

मिनु मेकोमी रोंगु कली ‘ब्रेश्‍शा चिप्‍शा, आंइ कली सुम्‍शा ख्रुइक्‍तीकी’ दे पुंइनीम। होसे १०:८; प्रकाश ६:१६; प्रकाश ९:६

लूका 23:32

येसु कली लदमेनु, खुइ निक्‍शी आस कली यो साइक्‍थ लदमे बाक्‍त।

यूहन्‍ना 15:6

सु चहिं आं आगामी मबाक्‍बा, मेको ख्रोइश्‍शा ताइश्‍शो राशी खोदेंशो पा सोव़ब। मिनु मुरपुकीमी मोदेंशो राशी कली खुप्‍शा मीम चोइनीम।

हिब्रू 6:8

माल्‍शो रेउ यिशा यो चू नु सुवा ला वात हना, मेको रू शोर गाक्‍शा, सराप राइब। मिनु मी सुइश्‍शा क्रोइक्‍चा पुंइसीब।

यहूदा 1:12

मेकोपुकी इन ग्रुम्‍मुशो भोजमी जाक्‍शा, दाइल पपाइक्‍ब फुल्‍लु खोदेंशो पा बाक्‍नीमी। आंम दातेम ग्‍येरपमुइनीम, तन्‍न महिंथु आंम कोव़ज ला प्रिंनीम। मेको रेउ मपाइश्‍शो फशेम बेरशो गोस्‍स खोदेंशो बाक्‍नीम। फल सित्‍ची ना फल मसिप्‍ब रवा खोदेंशो बाक्‍नीम। शाक्‍श दुल्‍शो रवा खोदेंशो पा, निक्‍शी खेयप बेक्‍शो बाक्‍नीम। १कोरिन्‍थी ११:२१