लूका 23:25 - Sunuwar Bible

²⁵ ङोंइती मरिम्‍शो गेय पा, मुर साइश्‍शा चोक्‍सीशो बारब्‍बा कली प्रोंइपाइश्‍शा सोइक्‍ता बाक्‍त। येसु कली आन पुंइशो खोदेंशो पा शीम केप्‍शा कांटी थोक्‍शा क्‍याइश्‍शा साइक्‍चा कली गेवा बाक्‍त।

लूका 23:25 ပူးပေါင်းရင်းမြစ်များ

एस्‍तर 3:11

मिनु पिपमी हामान कली “मेको चांदी नु मेको मुरपुकी इन केन बाक्‍नीम। गे मार दाक्‍नीनी मेको पने चाप्‍नीनी” देंत।

मत्ती 27:26

मिनु बारब्‍बा कली प्रोंइशा सोइक्‍ता बाक्‍त। येसु कली कोर्राम युक्‍पाइश्‍शा शीमी केप्‍शा कांटी थोक्‍शा क्‍याइश्‍शा साइक्‍चा कली आ सिपाही आन गुइमी जिम्‍मा गेमी बाक्‍त।

मर्कूस 15:15

मिनु पिलातसमी “हुल आन दाक्‍शो पचा” दे मिम्‍शा, बारब्‍बा कली प्रोंइपदा बाक्‍त। येसु कली चहिं युक्‍पाइश्‍शा, शीमी क्‍येप्‍शा कांटी थोक्‍शा क्‍याइक्‍चा कली सिपाइ आन गुइमी गेवा बाक्‍त।

लूका 23:2

मिनु पिलातस आ ङोंइती राप्‍पाइश्‍शा “हजुर, एको मुरुमी मुर आन थुं क्‍याल्‍ब। ‘सिजर कली ममानेचा। तिरो थाप्‍चा ममाल्‍ब। गो ख्रीस्‍त नङ। मिनु गोन पिप नङ’ दे शेंना शेंन गाक्‍त” दे दोस गेमे बाक्‍त। प्रेरित २४:५; लूका २०:२५

लूका 23:24

मिनु पिलातसमी मेको आन कली सिक्‍सी पपाइक्‍ने मचाप्‍तीके “मो हना, लो, सतीन” दे आन पुंइशो पचा गेमी बाक्‍त।

लूका 23:26

मिनु सिपाइपुकीमी येसु कली लदमे बाक्‍त। सहर रे ग्रुंइदमेनु, आ रू रे पिशो साइरेनी ङा सिमोन कली ग्‍याइश्‍शा, येसु कली क्‍याइक्‍तीक शी कुरपा, येसु आ नोनोले खोइक्‍पाइश्‍शा लदमे बाक्‍त।

लूका 23:5

मिनु मेकोपुकीमी “एकोमी गालील रागी नु यहूदीया रागी नेल्‍ल हिरशा, एक यो जाक्‍शा, मुर आन कली ‘पिप कली ममानेन। आं कली मानेन’ दे आन थुं क्‍याल्‍‍तीमी। मिनु गाउं सहरमी पिप आ पर्बम दूली लोव़ पचा गोम्‍तेक्‍मे” दे दोस गेशा लोव़ थोक्‍शा देंमा बाक्‍त।

यूहन्‍ना 18:40

मेकोपुकीमी चहिं “एको कली मप्रोंइचा। तन्‍न बारब्‍बा कली प्रोंइचा” दे ग्रीतेक्‍म। बारब्‍बा चहिं खुइ बाक्‍माक्‍त।

यूहन्‍ना 19:16

पिलातसमी “येसु कली शीमी क्‍येप्‍शा कांटी थोक्‍तीन” दे मेको आन कली जिम्‍मा गेप्‍तु।

प्रेरित 3:14

तन्‍न गेपुकीमी परमप्रभु यावे आ योव़शो नु ठीक पाइब कली तिल्‍तीनी। मुर साइक्‍ब कली प्रोंइशा सोइक्‍चा कली पुंइतीनी। मत्ती २७:२०-२१

१ सामुएल 12:13

मुल इन पुंइशो पिप एक बाक्‍ब। गेपुकीम एको कली माल्‍शा, योव़तीनी। मिनु परमप्रभु यावेमी इन कली पिप का गेप्‍तु।