लूका 22:52 - Sunuwar Bible

⁵² मिनु येसुमी मेकेर जाक्‍शो ठेयब चढ़ेब, परमप्रभु यावे आ खिं ङा ठेयब मुर नु जोक्‍ब तुइक्‍ब खाल्‍पा आन कली “तरवार कोक्‍के कुरशा, खुइ पाइब कली ग्‍याइक्‍थ जाक्‍शो खोदेंशो पा आं कली ग्‍याइक्‍थ जाक्‍नी?

लूका 22:52 ပူးပေါင်းရင်းမြစ်များ

२ राजा 11:15

मिनु चढ़ेब येहो-यादामी लडाइ पाइब आन ठेयब मुर आन कली “मेको कली खिं रे ग्रुंइदीन। मेको आ नोले खोइक्‍ब नेल्‍ल आन कली तरवारम स‍तीन। मारदे हना ‘मेको परमप्रभु यावे आ खिंम साइक्‍चा मपुंइसेक्‍ल’ ” देंमाक्‍त।

मत्ती 26:47

मो देंमेनु, आ शेंसीब यहूदामी ठेयब चढ़ेब नु जोक्‍ब तुइक्‍ब खालपापुकीमी सोइश्‍शो हुलमी तरवार कोक्‍के कुरशा, येसु कली ग्‍याइक्‍थ चाक्‍तीमी।

मत्ती 26:55

मिनु येसुमी हुल आन कली “तरवार कोक्‍के कुरशा, खुइ पाइब कली ग्‍याइक्‍थ जाक्‍शो खोदेंब पा आं कली ग्‍याइक्‍थ जाक्‍नी? नाक्‍त किंत किंत परमप्रभु यावे आ खिंमी मुर आन दातेमी शेंना शेंन बाक्‍ङानु, मग्‍याइक्‍तीनी।

लूका 22:37

आं पर्बम ब्रेक्‍पाइश्‍शो लोव़ नेल्‍ल थमा दुम्‍चाप्‍तु। मार ब्रेक्‍शो बाक्‍ब देंशा हना ‘मरिम्‍शो पाइब सुइश्‍शा, दोस गेनीम’ दे ब्रेक्‍शो बाक्‍ब। आं पर्बम ब्रेक्‍शो लोव़ नेल्‍ल थमा दुम्‍चा माल्‍ब” देंमाक्‍त। यसैया ५३:१२

लूका 22:4

मिनु मेको ठेयब चढ़ेब नु ठेयब मुर आन कली ग्रुम्‍थ लशा “येसु ग्‍याइक्‍पाइक्‍चा कली वारच पाइनन्‍नी” दे माइक्‍मी बाक्‍त।

लूका 22:51

येसुमी मेको ख्रोइश्‍शो तशा “दुम्‍त मपने” दे नोफा सेस सेला बाक्‍त।

लूका 22:53

नाक्‍त किंत किंत परमप्रभु यावे आ खिंमी गेपुकी नु काथा बाक्‍ङानु, मग्‍याइक्‍तीनी। मुल चहिं छिङछिङ ङा सक्ति नु इन पालो जाक्‍त” दे माइक्‍मी बाक्‍त। यूहन्‍ना ७:३०; यूहन्‍ना ८:२०

यूहन्‍ना 17:12

गो आं कली गेशो मुरपुकी नु बाक्‍ङानु, इन नें ङा सक्तिमी रिम्‍शो कोव़शा वोइक्‍तामी। सुइ मजाम्‍म। इन ब्रेक्‍पाइश्‍शो लोव़ थमा दुम्‍चा, दे का चहिं जाम्‍शा, नरक लाइब दुम्‍त। यूहन्‍ना ६:३९; भजन संग्रह ४१:१०

प्रेरित 5:26

मिनु कप्‍तान नु गेय पाइबपुकी परमप्रभु यावे आ खिं लशा, सोइश्‍शो आन कली मारेइ मपथु, चाक्‍ग्‍मे बाक्‍त। “मारदे हना मरिम्‍शो पाइ‍तय हना, मुरपुकीमी इं कली फुल्‍लु आप्‍शा साइक्‍नीम” दे हिंमा बाक्‍त।