लूका 22:33 - Sunuwar Bible

³³ मिनु पत्रुसमी “प्रभु, इन कली जेल्‍खानम चोक्‍तेक्‍म हना, गो यो चोक्‍सीनुङ। इन कली साइक्‍तेक्‍म हना, इन कली मप्रोंइथु, गो यो साइक्‍चा पुंइसीनुङ” देंमाक्‍त।

लूका 22:33 ပူးပေါင်းရင်းမြစ်များ

मर्कूस 14:31

मिनु पत्रुसमी “मदेंनुङ, गे नु काथा बाक्‍शा, साइक्‍चा पुंइसाक्‍यी हना यो, मोदेंशो गेनायो मदेंनुङ” दे लोव़ थोक्‍शा देंमाक्‍त। आ शेंसीब नेल्‍लेमी यो मो देंमा बाक्‍त।

मर्कूस 14:29

मिनु पत्रुसमी “मेको नेल्‍लेमी इन कली प्रोंइशा प्रोक्‍तेक्‍म हना यो, गो मप्रोंइनन्‍नी” देंमेनु, यूहन्‍ना १३:३८

मत्ती 20:22

मिनु येसुमी आ तौ आस गे हिरशा “इस पुंइशो मार बाक्‍मे, दे मरुप्‍नीसी। गोमी तूचशो कचौरा तूने चाप्‍नीसी?” देंमेनु “चाप्‍नस्‍कु” देंताक्‍स। मत्ती २६:३९

प्रेरित 21:13

पावलमी चहिं “मारदे ङाक्‍शा ब्रेश्‍शा, आं थुं खाइक्‍पाइक्‍नीनी? मलथु मप्रोंइनुङ। यरूसलेम जाक्‍दीश्‍शा, प्रभु येसु आ नेंमी फ्रेंसीचा ला ममाइ, बेक्‍चा माल्‍ती हना यो, बेक्‍नुङ” देंत। प्रेरित २०:२४

हितोपदेस 28:26

सुमी आंम निप्‍स कली थमा सुइक्‍बा, मेको मूर्ख बाक्‍ब। तन्‍न सु तुइक्‍तीक थुं ङा लां गाक्‍बा, मेको ब्रोंइचा ताइब। हितोपदेस ३:५-६

येरमीया 17:9

मुर आन थुं नेल्‍ल क्‍येङा जोल पाइब बाक्‍ब। गेना हना यो दूली पाइब बाक्‍ब। मेको कली सुम रुप्‍ने चाप्‍बा ङा? १सामुएल १६:७; बजन संग्रह ७:१०; हितोपदेस १५:११; रोमी २:६

येरमीया 10:23

परमप्रभु यावे, मुर आन ब्रोंइतीक आंम आन गुइम मबाक्‍ब, गो मेको तुइक्‍नुङ। बेक्‍शा लाइब मुरपुकीम आंम लां आंमा सेल्‍ने मचाप्‍नीम। हितोपदेस १६:९

लूका 22:34

मिनु येसुमी “पत्रुस, दीसा सुनी भाले ग्रीचा क्‍येङा ङोंइती खेयप सां ‘गो मेको कली मतुइक्‍नुङ, सु बाक्‍मे?’ देंनेवे” देंमाक्‍त।

यूहन्‍ना 13:38

मिनु येसुमी “मार आं साइक्‍चा पुंइसीचा ङा साइक्‍चा पुंइसीनेवे? इ नोफा दाइश्‍शा नेनो, भाले ग्रीचा क्‍येङा ङोंइती गेमी खेयप सां आं कली मतुइक्‍नुङ, दे देंनेवे” दे माइक्‍तु।

लूका 22:57

“मार लोव़ पवी? गो येसु कली मतुइक्‍नुङ, सु बाक्‍मे?” देंमाक्‍त।