लूका 21:8 - Sunuwar Bible

⁸ मिनु येसुमी “सुइमी इन थुं मक्‍याल्‍मेक्‍ल, दे होस पा बाक्‍कीन। मारदे हना शुश मुरपुकीमी आं नें ब्रशा ‘गो मेको नङ। गो मेको नङ देंतीक नाक्‍त नेक्‍था जाक्‍शो बाक्‍ब’ दे शेंनीम। मो देंब आन लोव़ थमा मसुइक्‍थु, आन नोले मखोतीन।

लूका 21:8 ပူးပေါင်းရင်းမြစ်များ

येरमीया 29:8

मुर नेल्‍ल आन परमप्रभु यावे, इस्राएली आन परमप्रभुमी “इन दातेम बाक्‍ब परमप्रभु यावे आ लोव़ पाइबपुकी नु लिंक्‍यु कोव़बपुकीम इन कली जोल पा थमा मसुइक्‍पदमेक्‍ल। आन ङोमु ङा लोव़ मनेनीन। येरमीया १४:१४

मत्ती 24:11

परमप्रभु यावे आ लोव़ दूली शेंबपुकी शुश बोक्‍शा, दूली पा शेंशा, शुश मुर आन थुं क्‍यशा गेनीम। मिनु परमप्रभु यावे आ राज्‍य ङा लां प्रोंइपाइक्‍नीम। २पत्रुस २:१; १यूहन्‍ना ४:१

मत्ती 3:2

“इन थुं परमप्रभु यावे गे लेत्‍तीने। मारदे हना स्‍वर्ग ङा राज्‍य जाक्‍चशो बाक्‍ब” दे मुर आन कली शेंना शेंन बाक्‍माक्‍त। मत्ती ४:१७; रोमी १२:२

मत्ती 4:17

येसुमी मुर आन कली “इन थुं परमप्रभु यावे गे लेत्‍तीन। मारदे हना स्‍वर्ग ङा राज्‍य जाक्‍चशो बाक्‍ब” दे शेंचा गोवा बाक्‍त। मत्ती ३:२

लूका 17:23

मिनु मुरपुकीमी ‘परमप्रभु यावे आ सोइश्‍शो हुकुम पाइब एक जाक्‍त, मेरेक जाक्‍त, इरी जाक्‍त, उयु जाक्‍त, कोव़थ लय’ देंमानु, मेको थमा मसुइक्‍थु, मेको आन नोले मखोतीन। लूका २१:८

लूका 21:7

मिनु मुरपुकीमी “शेंब, इन देंशो लोव़ गेना दुम्‍बा? मेको दुम्‍चशो चिन्‍ड दोपा तांइसीबा?” दे हिल्‍लो पामे बाक्‍त।

लूका 21:9

लडाइ दुम्‍शो, जुलुस बोक्‍शो लोव़ शुश नेंनीनी। मेको लोव़ नेंशा महिनीन। मोदेंशो दुम्‍चा माल्‍ब। मिनु इच्‍का नोले ला रागी नुप्‍ची नाक्‍त जाक्‍ब” देंमाक्‍त।

यूहन्‍ना 5:43

गो आं आफ आ नेंमी जाक्‍ती। तन्‍न गेपुकीमी आं कली मब्रनी। सुइ मुर आंम आ नेंमी जाक्‍त हना, मेको कली चहिं ब्राइनीनी। मत्ती २४:५

यूहन्‍ना 8:24

मोपतीके गो इन कली ‘गे इन मरिम्‍शो पतीकेमी ग्रुम्‍शा बेक्‍नीनी’ देंती। गेपुकीमी ‘गो मरिम्‍शो गेय रे प्रोंइब ननी’ दे आं कली थमा मसुइक्‍तीनी हना, इन मरिम्‍शो पतीकेमी ग्रुम्‍शा बेक्‍नीनी” देंत। यसैया ४३:१०

यूहन्‍ना 8:28

येसुमी “गेपुकी रागीमी जरमेशो कली क्‍युक्‍नीनु, गो सु नङा, दे तुइक्‍नीनी। मिनु गो आंमा मिम्‍शो मारेइ मपाइनुङ। तन्‍न आं आफोमी आं कली दोदेंशो शेंदा, मोदेंशो लोव़ इन कली शेंनुङ। यूहन्‍ना ३:१४; यूहन्‍ना १२:३२

१ कोरिन्‍थी 6:9

ठीक मपाइबपुकी परमप्रभु यावे आ राज्‍य ओव़चा मताइनीम दे मतुइक्‍नीनी? दूली ममिम्‍तीने। मरिम्‍शो पाइबपुकीमी दोदेंशो पाइनीम देंशा हना, पात्‍के, तेल्‍लेम पाइनीमी, मूर्ति कली पूजा पाइनीमी, मुर आन मीश लाइक्‍नीमी, वोंइश मुर वोंइश मुर ब्‍वांइ‍सीनीमी, १तिमोथी १:९-११; गलाती ५:१९-२१

एफिसी 5:6

सुइ मुरुमी इन कली फश लोव़ पा, हेंथे लां खोइक्‍पाइक्‍चा मगेने। मारदे हना परमप्रभु यावे आ कली मटीब आन कली तशा गाइक्‍ब। कलस्‍सी ३:६

२ थिस्‍सलोनिकी 2:3

इन कली दूली शेंतीके शेंब आन कली थमा मसुतीन। मारदे हना प्रभु येसु ख्रीस्‍त आ नाक्‍त जाक्‍चा क्‍येङा ङोंइती परमप्रभु यावे कली मटिथु नेल्‍ल क्‍येङा मरिम्‍शो पाइब का ग्रूब। मेको कली जाम्‍शा लाइब आ तौ यो देंनीम। १तिमोथी ४:१; १यूहन्‍ना २:१८

२ तिमोथी 3:13

मरिम्‍शो नु ग्रांग्रा दिचा ङा मुरपुकीमी “मुर आन मिक्‍च सिल्‍नीक” दे मिम्‍तमेनु, ङोंइती ङा क्‍येङा मरिम्‍शो दुम्‍शा, आंमान आन मिक्‍च सिल्‍चा पुंइसीनीम। १तिमोथी ४:१

१ यूहन्‍ना 4:1

आं दाक्‍शो लोक्‍बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्‍नीम। मत्ती ७:१५

२ यूहन्‍ना 1:7

मिनु मुल रागीमी शुश मुर आन कली मरिम्‍शो लां कोंइब जोल्‍फेपुकी जाक्‍तेक्‍म। मेको मुरपुकीमी “येसु ख्रीस्‍त मुर दुम्‍शा रागीमी मजरमेसे” दे शेंनीम। मेको मोदेंशो शेंब चहिं जोल्‍फे नु नेल्‍ल क्‍येङा मरिम्‍शो पाइब बाक्‍नीम। १यूहन्‍ना २:१८; १यूहन्‍ना ४:१-३

प्रकाश 1:3

मिनु सु सुमी परमप्रभु यावेमी तुइक्‍पाइश्‍शो एको किताब ङा लोव़ पढेनीमी, नेंनीमी नु टीनीमी, मेको आसीक रशो नु ग्‍येरसीशो मुर दुम्‍नीम। मारदे हना मेको लोव़ दुम्‍चशो बाक्‍त। १यूहन्‍ना १:१-२; यूहन्‍ना २१:२४; प्रकाश २२:१०

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८