लूका 21:6 - Sunuwar Bible

⁶ मिनु येसुमी “एको खिं मुल ठेयब नु दारशो सेल्‍शो ताइतीनी। नोले नेल्‍ल ब्रेश्‍शा, फुल्‍लु का यो ख्रोप्‍शा मलीब” देंमाक्‍त। लूका १९:४४

लूका 21:6 ပူးပေါင်းရင်းမြစ်များ

येरमीया 26:18

“यहूदा ङा पिप हिज्‍कीयाह आ पालाम मोरेशेथ ङा मीकाहम परमप्रभु यावे आ लोव़ पशो बाक्‍त। मेकोमी यहूदा ङा मुर नेल्‍ल आन कली ‘मुर नेल्‍ल आन परमप्रभु यावेम सियोन कली रू खोदेंशो पा वाक्‍सीब। यरूसलेम चहिं फुल्‍लु तेल्‍शो खोदेंशो दुम्‍ब। परमप्रभु यावे आ खिं चहिं रवापुकी वाशा सुम्‍शो डांडा खोदेंशो दुम्‍ब’ देंशो बाक्‍त” देंतेक्‍म। मीका १:१; मीका ३:१२; येरमीया ९:१०

येरमीया 26:6

गो मेको खिं कली शिलो खोदेंशो सेल्‍नुङ। मिनु मेको सहर कली रागी नेल्‍ल ङा मुर नेल्‍ल आन दातेमी सराप राइब सेल्‍नुङ’ देनो” देंत। २राजा २५:९; येरमीया ७:१२

येरमीया 26:9

गे मारदे परमप्रभु यावे आ नेंम लोव़ पा ‘एको खिं शिलो खोदेंशो दुम्‍ब। मिनु एको सहर चहिं श्‍येत्‍थ नु मुर मबाक्‍तीके दुम्‍ब’ देने” देंशा, परमप्रभु यावे आ खिंम येरमीया आ एर ओंथ मरिक्‍थ्री पा मुर देल्‍तेक्‍म।

बिलाप 4:1

सुनमी आं दारस नेल्‍ल साम्‍तु। क्‍येख सुन मदारशो दुम्‍त। शुश क्‍येट लाइब हीरा नेल्‍ल लां मेर फ्राइसीशो बाक्‍नीम।

बिलाप 5:18

सियोन डांडाम श्‍येत दुम्‍त। मेको सिवार आन बाक्‍तीके दुम्‍त।

मीका 3:12

मोपा इन पतीके सियोन वाक्‍शो रू दुम्‍ब। यरूसलेम ब्रेश्‍‍शो खिं ङा फुल्‍लु देल्‍तीके दुम्‍ब। परमप्रभु यावे आ खिं ङा डांडा ब्‍वाकी दुम्‍शो बाक्‍ब” देंत। भजन संग्रह ७९:१; येरमीया ९:१०; येरमीया २६:१८

जकरिया 11:1

लेबानोन, मीम इ लाइश्‍शो रवा आन कली नेक्‍पाइक्‍‍चा कली इ लाप्‍चोपुकी रोक्‍को।

जकरिया 14:2

गो रागी रागी ङा मुर नेल्‍ल आन कली यरूसलेम नु लडाइ पपाइक्‍चा कली पुक्‍नुङमी। मिनु सहर मेको आन के दुम्‍ब। मेको आन खिं ङा मारेइ मारेइ रोइक्‍नीम। मिनु मीश मुर आन कली बिथोलो पाइनी‍म। सहर ङा उइक्‍थ मुर ग्‍याइश्‍शा लाइक्‍चा पुंइसीनीम। ली‍शो मेको सहर उइ बाक्‍नीम।

मत्ती 24:2

मिनु येसुमी “मुल ओमो ठेयब नु दारपा सेल्‍शो ताइतीनी। नोफा दाइश्‍शा नेनीने, नोले ब्रेश्‍शा, फुल्‍लु का यो ख्रोप्‍शा मलीब” देंत। लूका १९:४४

मर्कूस 13:2

मिनु येसुमी “मुल ओमो ठेयब दारशो सेल्‍शो खिं ताप्‍तीवी। तन्‍न नोले ब्रेश्‍शा, फुल्‍लु का यो ख्रोप्‍शा मलीब” देंमाक्‍त।

लूका 21:7

मिनु मुरपुकीमी “शेंब, इन देंशो लोव़ गेना दुम्‍बा? मेको दुम्‍चशो चिन्‍ड दोपा तांइसीबा?” दे हिल्‍लो पामे बाक्‍त।