लूका 21:25 - Sunuwar Bible

²⁵ मिनु सरीङ नु रागीमी चिन्‍ड तांइसीनीम। सरीङमी नां, तास्‍ला नु सोरुल मार मार तांइसीब। रागीम समुन्‍द्रमी ठेयब ब्‍वाक्‍कु ब्रुइश्‍शा, मुर नेल्‍ल आन कली हिंपाइक्‍ब। प्रकाश ६:१२-१३

लूका 21:25 ပူးပေါင်းရင်းမြစ်များ

भजन संग्रह 46:3

मिनु समुन्‍द्र ग्रीशा, बोग्‍यो पोक्‍तु हना यो नु ब्रुइश्‍शा कुशा, डांडापुकी हिम्‍ताक्‍व हना यो गो महिंनीकी। ठेयब सेंदा पा।

यसैया 13:10

सरीङ ङा सोरुलपुकीम आन छेङछेङ साम्‍नीम। नां दाप्‍ना दाप्‍न छिङछिङ दुम्‍ब। तास्‍लाम छेङछेङ मगेब।

यसैया 17:12

आबी, शुश रागी ङा मुर आन रेयके, समुन्‍द्र ङा ब्‍वाक्‍कु खोदेंशो पा नेंसीब। आबी, रागी रागी ङा मुर आन ग्रीशो बारशो खोला आ रेयके खोदेंशो बाक्‍ब।

यसैया 24:23

मेना तास्‍ला लल जीब, नां आ छेङछेङ जाम्‍ब। मारदे हना मुर नेल्‍ल आन परमप्रभु यावेमी सियोन डांडा नु यरूसलेमम सासन पाइब। खाल्‍पा आन ङोंइती आ छेङछेङ कोंइब।

यसैया 5:30

मेको नाक्‍ती समुन्‍द्र ङा ब्‍वाक्‍कु ग्रीशो खोदेंशो पा, इस्राएल ङा मुर आन तारी रेयके पाइनीम। सुइम मेकेर कोव़तेक्‍म हना, छिङछिङ नु श्‍येत ला ताइनीम। गोस्‍सुमी छेङछेङ कली सुम्‍ब।

यसैया 51:15

मारदे हना गो परमप्रभु यावे, इन परमप्रभु नङ। गो समुन्‍द्र ङा छाल पोक्‍नुङ। आं नें मुर नेल्‍ल आन परमप्रभु यावे बाक्‍ब। येरमीया ३१:३५

येरमीया 4:23

मिनु “गो रागी कली कोव़ता। मेको मारेइ मबा। मिनु मेकेर नेल्‍ल श्‍येत्‍थ बाक्‍त। मिनु सरीङ गे कोव़ङुनु, मेकेर मारेइ छेङछेङ मबाक्‍म। उत्‍पत्ती १:२

दानीएल 12:1

मिनु परमप्रभु यावे आ स्‍वर्ग ङा गेय पाइबमी “मेना नेल्‍ल क्‍येङा ठेयब स्‍वर्ग ङा गेय पाइब मिकाएल जाक्‍ब। मिनु मेकोमी इ रागी ङा मुर आन कली कोव़ब। मेना रागी दुम नोले गेनायो मदुम्‍शो श्‍येत जाक्‍ब। तन्‍न इ मुर श्‍येत रे प्रोंइचा पुंइसीनीम। सु सु आन नें किताबम ब्रेक्‍शो बाक्‍मे, मेको ब्रोंइचा ताइनीम। दानीएल १०:१३; प्रकाश १२:७; मत्ती २४:२१; दानीएल ७:१०

मीका 7:4

मेको आन दा‍ते ङा नेल्‍ल क्‍येङा रिम्‍शो मुर चू रवा खोदेंशो बाक्‍ब। मेको आन दाते ङा गेना हना यो रिम्‍शो पाइब थरपु हिरशो चू खोदेंशो बाक्‍ब। इन खाल पाइब आन नाक्‍त जाक्‍शो बाक्‍ब। मेको नाक्‍ती इन कली कोव़बमी इन कली ग्रुम्‍थ जाक्‍ब। मुल मेको आन कली खतम सेल्‍तीक नाक्‍त जाक्‍ब।

मत्ती 24:29

रागीम मोदेंशो श्‍येत दुम्‍ने नुम चोटी, सरीङमी चिन्‍ड तांइसीनीम। नां आ छेङछेङ जाम्‍शा, जिक रिक्‍शो तांइसीब। तास्‍ला आ हाम्‍सो यो जाम्‍ब, सोरुल खपीम दोक्‍नीम। सरीङ ङा सक्ति हिम्‍सीनीम। यसैया १३:१०; प्रेरित ६:१२-१३; २पत्रुस ३:१०

मत्ती 27:45

मिनु नाक्‍ती १२ बजे रे ३ बजे सम्‍म नेल्‍ल रागीमी नां रिक्‍शो खोदेंशो पा छिङछिङ दुम्‍त।

मर्कूस 13:24

रागीमी मोदेंशो ठेयब श्‍येत नुम्‍मेनु, सरीङमी चिन्‍ड तांइसीनीम। नां आ छेङछेङ जाम्‍शा, जिक रिक्‍शो दुम्‍ब। तास्‍ला आ हाम्‍सो यो जाम्‍ब।

मर्कूस 13:26

मिनु मुरपुकीमी रागीम जरमेशो कली गोस्‍सुमी गिल्‍सीशा, शुश सक्ति पाइश्‍शा, यिना यिन पशो ताइनीम। दानीएल ७:१३

मर्कूस 15:33

मिनु नाक्‍त १२ बजे नां जिक रिक्‍शा, ३ बजे सम्‍म रागी नेल्‍ल छिङछिङ दुम्‍माक्‍त।

लूका 21:24

कोइ तरवारम बेक्‍नीमी। कोइ ग्‍याइश्‍शा अर्को रागीम लाइक्‍चा पुंइसीनीम। मिनु आन नाक्‍त मजाक्‍दीम सम्‍म अर्को जात ङा मुरपुकीमी यरूसलेम कली दिप्‍‍शा वोइक्‍नीम। यसैया ६३:१८; प्रकाश ११:२; रोमी ११:२५

लूका 21:26

मुरपुकी सरीङ नु रागी कोव़शा, हिंशा थाइनीम। मारदे हना सरीङ ङा सक्ति हिम्‍सीनीम।

प्रेरित 2:19

मेको ठेयब नाक्‍त जाक्‍चा क्‍येङा ङोंइती गो सरीङ नु रागीमी चिन्‍ड नु छक लाक्‍चा ङा गेय कोंइनुङ। हुश यिपाइक्‍नुङ, मी ब्रपाइक्‍नुङ नु ठेयब कुन ग्रूशो तपाइक्‍नुङ।

प्रकाश 20:11

मिनु नोले गो ठेयब बुश नित्‍तीके का नु मेकेर निप्‍ब कली ताता। रागी नु स्‍वर्ग मेको कली तशा प्रोक्‍ताक्‍स। मिनु मेको आस कली बाक्‍तीके मबा। मत्ती २५:३१-४६; २पत्रुस ३:७,१०,१२