लूका 20:36 - Sunuwar Bible

³⁶ मेकोपुकी गेनायो मबेक्‍ब दुम्‍शो बाक्‍नीम। बेक्‍शो रे सेंसीशा, परमप्रभु यावे आ स्‍वर्ग ङा गेय पाइबपुकी खोदेंशो दुम्‍नीम। मेकोपुकी परमप्रभु यावे आ तमी तौ बाक्‍नीम। १यूहन्‍ना ३:१-२

लूका 20:36 ပူးပေါင်းရင်းမြစ်များ

यसैया 25:8

मेना परमप्रभु, परमप्रभु यावेमी मुर नेल्‍ल आन प्रेक्‍कु फिक्‍ब। आ मुर आन कली मदाक्‍तीके रागी नेल्‍ल रे ग्रुंइब। मारदे हना परमप्रभु यावेमी मेको लोव़ पाप्‍तु। १कोरिन्‍थी १५:५५; प्रकाश ७:१७

होसे 13:14

गो मेको आन कली तुरस रे प्रोंइनुङा ङा? गो मेको आन कली बेक्‍चा रे पा प्रोंइनुङा ङा? साइक्‍ब, इ साइक्‍तीक ते बाक्‍बा? तुरस, इ खतम सेल्‍तीक ते बाक्‍बा? गो शिशी मपाइनुङ। २तिमोथी १:१०; प्रकाश २०:१४; १कोरिन्‍थी १५:५४-५५

जकरिया 3:7

“मुर नेल्‍ल आन परमप्रभु यावेमी मार देंत देंशा हना ‘गे आं लांमी गाक्‍ते नु इ कली देंशो लोव़ टिप्‍तीवी हना, गे आं खिं नु आं लाङगा नेल्‍ल कोव़ब दुम्‍नेवे। मिनु एकेर राप्‍शा बाक्‍ब आन दा‍तेमी आं ङोंइती जाक्‍ने चाप्‍नेवे।

मत्ती 22:30

बेक्‍शो रे सेंसीशा ब्रोंइमानु, मुरुमी ग्‍युंबे मपाइनीम। स्‍वर्गम बाक्‍ब परमप्रभु यावे आ गेय पाइब खोदेंशो बाक्‍नीम।

मर्कूस 12:25

बेक्‍शो रे सेंसीशा ब्रोंइमानु, मुरपुकीमी ग्‍युंबे मपाइनीम, स्‍वर्गम बाक्‍ब परमप्रभु यावे आ गेय पाइबपुकी खोदेंशो दुम्‍‍नीम।

रोमी 8:16

गोपुकीमी “आफ” देंयानु, इं थुंमी बाक्‍शो परमप्रभु यावे आ सोक्‍तीमी इं थुं कली “परमप्रभु यावे आ तमी तौ ननी” दे सांकछी गेब। २कोरिन्‍थी १:२२

१ कोरिन्‍थी 15:26

नेल्‍ल क्‍येङा नोले साइक्‍तीक चहिं जोरी सत्रु बेक्‍तीक बाक्‍ब।

१ कोरिन्‍थी 15:42

मोदेंशो मुर आन बेक्‍शो रे सेंसीचा यो बाक्‍ब। शोक्‍शो रां, वांचेर खोदेंशो पा, जाम्‍शा लाइब। सेंसीशो रां चहिं गेना हना यो लीब रां बाक्‍ब।

१ कोरिन्‍थी 15:49

दोपा गो खप के सेल्‍शो मुर खोदेंशो बाक्‍नया, मोपा गो स्‍वर्ग ङा मुर खोदेंशो यो दुम्‍नय। उत्‍पत्ती ५:३

फिलिप्‍पी 3:21

मेकोमी इं बेक्‍चशो रां आ सक्ति पाइश्‍शो रां खोदेंशो सेल्‍ब। मेको आ सक्तिमी नेल्‍ल आन कली आ ङोंइती खुम्‍की पा बाप्‍पाइक्‍ब। १कोरिन्‍थी १५:४९; २कोरिन्‍थी ५:१; १यूहन्‍ना २:३

प्रकाश 20:6

मिनु सु सु ङोंइती बेक्‍शो रे सेंसीनीमी, मेको ग्‍येरशो नु परमप्रभु यावे आ योव़शो मुरपुकी बाक्‍नीम। मेको लेंशा मबेक्‍नीम। मेकोपुकीमी लेंशा बेक्‍चा मताइनीम। परमप्रभु यावे नु ख्रीस्‍त आस ङोंइती बाक्‍नीमी। मिनु हजार का बर्स सम्‍म ख्रीस्‍त नु सासन पाइनीम।

प्रकाश 21:4

परमप्रभु यावेमी मेको मुर आन कली लेम्‍शा, आन प्रेक्‍कु फिक्‍ब। मुल रे मुरपुकी मबेक्‍नीम। मोपतीके रोंका मपाइनीमी, मङाक्‍नीमी, श्‍येत यो मजाइनीम। मारदे हना ङोंइती मार मार बाक्‍मा, मेको नेल्‍ल नुप्‍तेक्‍म” दे ठेयब सेंदामी देंशो नेंता। प्रकाश ७:१७; यसैया २५:८; यसैया ३५:१०; यसैया ६५:३९

प्रकाश 22:9

मेकोमी चहिं आं कली “मपावो, गो परमप्रभु यावे आ लोव़ पाइब इ लोक्‍बपुकी नु एको किताबमी ब्रेक्‍शो लोव़ पाइबपुकी खोदेंशो परमप्रभु यावे आ वाइल नङ। परमप्रभु यावे आ ङोंइती बाप्‍शा मान पावो” दे माइक्‍ती।